ബ്രസീലിൽ ചുഴലിക്കാറ്റും പേമാരിയും; 27 മരണം; നിരവധി നഗരങ്ങൾ വെള്ളത്തിനടിയിൽ

ബ്ര​സീ​ലി​യ: തെ​ക്ക​ൻ ബ്ര​സീ​ലി​നെ ത​ക​ർ​ത്ത് ചു​ഴ​ലി​ക്കാ​റ്റും പേമാരിയും. നി​ര​വ​ധി ന​ഗ​ര​ങ്ങ​ൾ ഇതിനോടകം വെ​ള്ള​ത്തി​ന​ടി​യി​ലാ​യി. 27 മ​ര​ണ​ങ്ങ​ൾ റി​​പ്പോ​ർ​ട്ട് ചെ​യ്തു. നൂ​റു ക​ണ​ക്കി​ന് ആ​ളു​ക​ളെ മാ​റ്റി​പ്പാ​ർ​പ്പി​ച്ചി​ട്ടു​ണ്ട്. റി​യോ ഗ്രാ​ൻ​ഡെ ഡോ ​സു​ൾ, സാ​ന്താ കാ​ത​റീ​ന എ​ന്നീ സം​സ്ഥാ​ന​ങ്ങ​ളി​ലാ​ണ് ചു​ഴ​ലി​ക്കാ​റ്റ് ഏ​റ്റ​വും കൂ​ടു​ത​ൽ നാ​ശം​വി​ത​ച്ച​ത്.

മ​ര​ണ​ സം​ഖ്യ​യും ഏ​റ്റ​വും​ കൂ​ടു​ത​ൽ ഇ​വി​ട​ങ്ങ​ളി​ലാ​ണ്. സം​സ്ഥാ​ന​ത്തെ അ​റു​പ​തോ​ളം ന​ഗ​ര​ങ്ങ​ളെ കൊ​ടു​ങ്കാ​റ്റ് ബാ​ധി​ച്ച​താ​യി റി​യോ ഗ്രാ​ൻ​ഡെ ഡോ ​സു​ൾ ഗ​വ​ർ​ണ​ർ എ​ഡ്വാ​ർ​ഡോ ലെ​യ്റ്റ് പ​റ​ഞ്ഞു. 3700ല​ധി​കം ആ​ളു​ക​ളെ വെ​ള്ള​പ്പൊ​ക്ക പ്ര​ദേ​ശ​ങ്ങ​ളി​ൽ ​നി​ന്ന് മാ​റ്റി​പ്പാ​ർ​പ്പി​ച്ച​താ​യി വി​വി​ധ വാ​ർ​ത്ത ഏ​ജ​ൻ​സി​ക​ൾ റി​പ്പോ​ർ​ട്ട് ചെ​യ്യു​ന്നു.

ജൂ​ണി​ൽ തെ​ക്ക​ൻ ബ്ര​സീ​ലി​ൽ വീ​ശി​യ​ടി​ച്ച ചു​ഴ​ലി​ക്കാ​റ്റി​ൽ 13 പേ​ർ കൊ​ല്ല​പ്പെ​ടു​ക​യും ആ​യി​ര​ക്ക​ണ​ക്കി​നാ​ളു​ക​ളെ വീ​ടു​ക​ളി​ൽ​നി​ന്ന് മാ​റ്റി​പ്പാ​ർ​പ്പി​ക്കു​ക​യും ചെ​യ്തി​രു​ന്നു. ഫെ​ബ്രു​വ​രി​യി​ൽ സാ​വോ പോ​ളോ സം​സ്ഥാ​ന​ത്ത് ക​ന​ത്ത മ​ഴ​യെ തു​ട​ർ​ന്നു​ണ്ടാ​യ മ​ണ്ണി​ടി​ച്ചി​ലി​ലും വെ​ള്ള​പ്പൊ​ക്ക​ത്തി​ലും 65 പേ​ർ കൊ​ല്ല​പ്പെ​ട്ടിരുന്നു.