കൊച്ചി: സംഗീത പരിപാടിക്കിടെ തിക്കിലും തിരക്കിലും പെട്ട് വിദ്യാര്ഥികള് അടക്കം നാലുപേര് മരിച്ച സാഹചര്യത്തില് നാളത്തെ ക്ലാസുകളും പരീക്ഷകളും മാറ്റിവെച്ചതായി കൊച്ചി സര്വകലാശാല അറിയിച്ചു. പുതുക്കിയ തിയതി പിന്നീട് അറിയിക്കുമെന്നും സര്വകലാശാല അറിയിച്ചു.
സംഭവം മൂന്നംഗ സമിതി അന്വേഷിക്കുമെന്ന് ഉന്നതവിദ്യാഭ്യാസ മന്ത്രി ആര്. ബിന്ദു അറിയിച്ചു. അപകടത്തിന് കാരണമായ വസ്തുതകള് അടക്കം കണ്ടെത്തുന്നതിന് പുറമേ ഇത്തരം സംഭവങ്ങള് ആവര്ത്തിക്കാതിരിക്കാന് മാര്ഗ നിര്ദേശം നല്കാന് മൂന്നംഗ സമിതിയെ നിയോഗിച്ചു. കൂടാതെ ഭാവിയില് ഇത്തരം പരിപാടികള്ക്കുള്ള മാര്ഗ നിര്ദേശം സമിതി തയാറാക്കുമെന്നും മന്ത്രി വ്യക്തമാക്കി.
അപകടത്തിന്റെ പശ്ചാത്തലത്തില് കോളജുകളിലെ ഓഡിറ്റോറിയങ്ങള്ക്കും ബാധകമാകുന്ന തരത്തില് മാര്ഗരേഖ കൊണ്ടുവരുമെന്ന് വ്യവസായ വകുപ്പ് മന്ത്രി പി. രാജീവും വ്യക്തമാക്കി. എന്നാല് എറണാകുളം ജില്ലയിലെ ഓഡിറ്റോറിയങ്ങള്ക്ക് നേരത്തെ തന്നെ സര്ക്കാര് മുന്നറിയിപ്പ് നല്കിയിരുന്നുവെന്നും എന്നാല് കോളജ് ഓഡിറ്റോറിയങ്ങളെ അതിലുള്പ്പെടുത്തിയിട്ടില്ലെന്നും പി.രാജീവ് പറഞ്ഞു.
വാർത്തകൾക്ക് 📺 പിന്നിലെ സത്യമറിയാനും വേഗത്തിൽ⌚ അറിയാനും ഞങ്ങളുടെ വാട്ട്സാപ്പ് ചാനലിൽ അംഗമാകൂ 📲
https://whatsapp.com/channel/0029VaAscUeA89MdGiBAUc26