അലക്സി നവൽനിയുടെ മരണം: യൂറോപ്പിലും യു.എസിലും വൻപ്രതിഷേധം; മരണം സ്ഥി​രീ​ക​രി​ച്ച് അനുയായികൾ

മോസ്കോ: റഷ്യൻ പ്രസിഡന്റ് വ്‌ളാഡിമിർ പുടനെ തന്റെ ശബ്ദം കൊണ്ട് വിറപ്പിച്ച പ്രതിപക്ഷ നേതാവ് അലക്സി നവൽനിക്ക് ആദരാഞ്ജലിയർപ്പിച്ച് ലോകം. യൂറോപ്പിലും യു.എസിലും റഷ്യൻ എംബസികൾക്ക് സമീപം വൻ പ്രതിഷേധ പ്രകടനങ്ങളുണ്ടായി. റഷ്യയുടെ വിവിധ ഭാഗങ്ങളിലും പ്രതിഷേധം അരങ്ങേറി. നൂറുകണക്കിന് പ്രതിഷേധക്കാരെ വിവിധ നഗരങ്ങളിൽ തടഞ്ഞുവെച്ചു.

തീവ്രവാദ സംഘടനകൾക്ക് സാമ്പത്തിക സഹായം നൽകിയെന്ന കുറ്റത്തിന് ആർട്ടിക് പ്രദേശത്തെ പീനൽ കോളനി ജയിലിൽ തടവ് ശിക്ഷ അനുഭവിക്കുന്നതിനിടെ വെള്ളിയാഴ്ച നവൽനി കുഴഞ്ഞ് വീണ്‌ മരിച്ചെന്നാണ് ഔദ്യോഗിക വിശദീകരണം.

റഷ്യയിൽ മോസ്കോയുൾപ്പെടെയുള്ള നഗരങ്ങളിൽ പൂക്കളും ഹാരങ്ങളുമായി നൂറ് കണക്കിന് പേരാണ് നവൽനിക്ക് പ്രണാമം അർപ്പിക്കാൻ എത്തിയത്. പ്രതിഷേധം പ്രകടിപ്പിച്ച ഇരുന്നൂറിലേറെ പേരെ കസ്റ്റഡിയിലെടുത്തു. യു.എസിൽ ന്യൂയോർക്കിലും വാഷിങ്ടണിലും പടിഞ്ഞാറൻ യൂറോപ്യൻ രാജ്യങ്ങളിലും പലയിടത്തായി അനുശോചന സമ്മേളനങ്ങൾ നടന്നു. പങ്കെടുത്തവരിൽ ഭൂരിഭാഗവും ചെറുപ്പക്കാരായിരുന്നു. പുടിനെതിരേയുള്ള പ്ലക്കാർഡുകളുമായി റഷ്യക്കാരും റഷ്യൻ വംശജരും പ്രതിഷേധത്തിൽ പങ്കെടുത്തു. പു‍ടിൻ കൊലയാളിയാണ്, അദേഹത്തെ അന്താരാഷ്ട്ര ക്രിമിനൽ കോടതിയിൽ വിചാരണ ചെയ്യണമെന്ന് പ്രതിഷേധക്കാർ ആവശ്യപ്പെട്ടു.

സ്വിറ്റ്‌സർലൻഡിലെ യു.എൻ. ഓഫീസിനുമുന്നിലും ആളുകൾ തടിച്ചുകൂടി. ഇംഗ്ളണ്ടിൽ റഷ്യൻ എംബസിക്കുമുന്നിൽ പ്രതിഷേധമുണ്ടായി. അർമേനിയ ഫ്രാൻസ്, ബെൽജിയം, ജോർജിയ തുടങ്ങിയ രാജ്യങ്ങളിലും പ്രതിഷേധം നടന്നു.

നവൽനിയുടെ മരണം സ്ഥി​രീ​ക​രി​ച്ച് അനുയായികൾ 

അ​ല​ക്സി ന​വ​ൽ​നി​യു​ടെ മ​ര​ണം അ​ദേഹ​ത്തി​ന്‍റെ അ​നു​യാ​യി​ക​ൾ സ്ഥി​രീ​ക​രി​ച്ചു. ന​വ​ൽ​നി​യു​ടെ അ​മ്മ ലു​ഡ്മി​ള​യ്ക്കു ല​ഭി​ച്ച രേ​ഖ​ പ്ര​കാ​രം സൈ​ബീ​രി​യ​യി​ലെ ജ​യി​ലി​ൽ പ്രാ​ദേ​ശി​ക ​സ​മ​യം വെ​ള്ളി​യാ​ഴ്ച വൈ​കി​ട്ട് 2.17നാ​ണ് മ​ര​ണം സം​ഭ​വി​ച്ച​ത്.

പ്ര​സി​ഡ​ന്‍റ് പു​ടി​നാ​ണ് ന​വ​ൽ​നി​യെ വ​ധി​ക്കാ​ൻ ഉ​ത്ത​ര​വി​ട്ട​തെ​ന്ന് ക​രു​തു​ന്ന​താ​യി ന​വ​ൽ​നി​യു​ടെ വ​നി​താ വ​ക്താ​വ് കി​രാ യാ​ർ​മി​ഷ് ആ​രോ​പി​ച്ചു. മൃ​ത​ദേ​ഹം കു​ടും​ബ​ത്തി​ന് വി​ട്ടു​കൊ​ടു​ക്കാ​തെ പി​ടി​ച്ചു​വ​ച്ചി​രി​ക്കു​ക​യാ​ണെ​ന്നും വ​ക്താ​വ് ആ​രോ​പി​ച്ചു. ന​വ​ൽ​നി​യു​ടെ അ​മ്മ​യും അ​ഭി​ഭാ​ഷ​ക​നും സെ​ബീ​രി​യ​യി​ലെ മോ​ർ​ച്ച​റി​യി​ലെ​ത്തി​യെ​ങ്കി​ലും അ​വി​ടെ മൃ​ത​ദേ​ഹം ഉ​ണ്ടാ​യി​രു​ന്നി​ല്ല. മൃ​ത​ദേ​ഹം ഉ​ട​ൻ‌ ബ​ന്ധു​ക്ക​ൾ​ക്കു കൈ​മാ​റ​ണ​മെ​ന്ന് വക്താവ് ആ​വ​ശ്യ​പ്പെ​ട്ടു.