കല്പ്പറ്റ: ജെ.എസ് സിദ്ധാര്ഥന്റെ മരണത്തെ തുടര്ന്ന് അടച്ചിട്ട വയനാട് പൂക്കോട് വെറ്ററിനറി കോളജ് ഇന്ന് തുറക്കും. കോളജില് സംഘര്ഷ സാധ്യത ഒഴിവാക്കാനുള്ള നടപടികള് അധികൃതര് സ്വീകരിച്ചിട്ടുണ്ട്. ക്യാമ്പസിലും ഹോസ്റ്റലിലും സിസിടിവിയും സ്ഥാപിച്ചിട്ടുണ്ട്.
സിദ്ധാര്ഥന്റെ മരണത്തില് നിലവില് 20 പേരാണ് അറസ്റ്റിലായിരിക്കുന്നത്. സിദ്ധാര്ഥനെ മര്ദിച്ചതിലും സംഭവത്തില് ഗൂഢാലോചന നടത്തിയവരുമാണ് പ്രതികള്.
സംഘര്ഷ സാധ്യത കണക്കിലെടുത്ത് കൂടുതല് സുരക്ഷ ഒരുക്കാന് വൈസ് ചാന്സലര്ക്ക് ആവശ്യമായ നിര്ദേശങ്ങള് നല്കിയിട്ടുണ്ടെന്ന് മന്ത്രി ജെ. ചിഞ്ചുറാണി അറിയിച്ചു.
അതേസമയം ഹോസ്റ്റലിന്റെ വാര്ഡന് കൂടിയായ ഡീനിന്റെ ഭാഗത്ത് നിന്ന് ഗുരുതരമായ വീഴ്ചയുണ്ടായെന്ന് സിദ്ധാര്ഥന്റെ മാതാപിതാക്കള് വ്യക്തമാക്കിയതാണെന്നും ജെ. ചിഞ്ചുറാണി പറഞ്ഞു.
വാർത്തകൾക്ക് 📺 പിന്നിലെ സത്യമറിയാനും വേഗത്തിൽ⌚ അറിയാനും ഞങ്ങളുടെ വാട്ട്സാപ്പ് ചാനലിൽ അംഗമാകൂ 📲
https://whatsapp.com/channel/0029VaAscUeA89MdGiBAUc26