തിരുവനന്തപുരം: കോഴിക്കോട് പന്തീരങ്കാവില് നവവധുവിന് ക്രൂരമര്ദനമേറ്റ സംഭവത്തില് യുവതിയ്ക്ക് വനിത ശിശുവികസന വകുപ്പ് നിയമ സഹായം ഉള്പ്പെടെ നല്കി പിന്തുണയ്ക്കുമെന്ന് മന്ത്രി വീണാ ജോര്ജ്.
സംഭവം ശ്രദ്ധയില്പ്പെട്ടതിനെ തുടര്ന്ന് അന്വേഷം നടത്താന് വനിത ശിശുവികസന വകുപ്പ് ഡയറക്ടര്ക്ക് നിര്ദേശം നല്കിയിരുന്നു. ജില്ലാ വനിത പ്രൊട്ടക്ഷന് ഓഫീസര് യുവതിയുടെ ബന്ധുക്കളുമായി ആശയ വിനിമയം നടത്തിയെന്നും മന്ത്രി പറഞ്ഞു.
മാനസിക പിന്തുണ ഉറപ്പാക്കാന് ആവശ്യമെങ്കില് കൗണ്സിലിങ് നല്കും. ഈ സംഭവം അത്യന്തം ക്രൂരവും മനസാക്ഷിയെ ഞെട്ടിപ്പിക്കുന്നതുമാണ്. ഇത്തരം സംഭവങ്ങള് ആവര്ത്തിക്കാതിരിക്കാന് ശക്തമായ നിയമ നടപടിയുണ്ടാകും. ഈ സാമൂഹിക വിപത്തിനെതിരെ സമൂഹം ഒന്നിക്കണമെന്നും മന്ത്രി കൂട്ടിച്ചേര്ത്തു.
വാർത്തകൾക്ക് 📺 പിന്നിലെ സത്യമറിയാനും വേഗത്തിൽ⌚ അറിയാനും ഞങ്ങളുടെ വാട്ട്സാപ്പ് ചാനലിൽ അംഗമാകൂ 📲
https://whatsapp.com/channel/0029VaAscUeA89MdGiBAUc26