ആധുനിക സീറോ മലബാർ സഭയുടെ പിതാവ്; ഫാദർ പ്ലാസിഡ് ജെ പൊടിപ്പാറയുടെ 125-ാം ജന്മദിനം ഇന്ന്

കോട്ടയം: സിറോ മലബാർ സഭയുടെ ആത്മീയ ചരിത്രത്തിലെ ശ്രദ്ധേയ വ്യക്തിത്വവും കർമ്മ ധീരനുമായിരുന്ന ഫാ. പ്ലാസിഡ് ജോസഫ് പൊടിപ്പാറയുടെ 125-ാം ജന്മദിനം ഇന്ന്. ഭാരത സഭയെക്കുറിച്ചും സമുദായത്തേക്കുറിച്ചും രാജ്യത്തേക്കുറിച്ചുമുള്ള ഫാദർ പ്ലാസിഡ് മൽപ്പാന്റെ നിരീക്ഷണങ്ങളും രചനാ വൈഭവവും എത്ര പഠിച്ചാലും തീരാത്ത യഥാർഥ്യമായി ഇന്നും നിലകൊള്ളുന്നു.

1899 ഒക്ടോബർ മൂന്നിന് കോട്ടയം മാന്നാനത്ത് പ്ലാസിഡ് ജെ പൊടിപ്പറ ജനിച്ചു. മാ​ന്നാ​നം സെ​ന്‍റ് എ​ഫ്രേം​സ് സ്‌​കൂ​ളി​ല്‍ പ്രാ​ഥ​മി​ക വി​ദ്യാ​ഭ്യാ​സം പൂ​ര്‍​ത്തി​യാ​ക്കി​യ കൊ​ച്ചൗ​സേ​പ്പ​ച്ച​ന്‍ എ​ന്ന് വി​ളി​ച്ചി​രു​ന്ന ഫാദർ 1918 ല്‍ ​ക​ര്‍​മ​ലീ​ത്താ സ​ഭ​യി​ല്‍ ചേ​ര്‍​ന്ന് മാ​ര്‍ യൗ​സേ​പ്പി​ന്‍റെ പ്ലാ​സി​ഡ് എ​ന്ന പേ​ര് സ്വീ​ക​രി​ച്ച് 1919 സെ​പ്റ്റം​ബ​ര്‍ 15 ന് ​പ്ര​ഥ​മ സ​ന്ന്യാ​സ വ്ര​ത​വാ​ഗ്ദാ​നം ന​ട​ത്തി. തൃ​ശൂ​ര്‍ അ​മ്പ​ഴ​ക്കാ​ട്ട് സ​ന്യാ​സ​ പ​രി​ശീ​ല​ന​വും മം​ഗ​ലാ​പു​ര​ത്ത് ജെ​സ്യൂ​ട്ട് വൈ​ദി​ക​രു​ടെ ശി​ക്ഷ​ണ​ത്തി​ല്‍ വൈ​ദി​ക​ പ​രി​ശീ​ല​ന​വും പൂ​ര്‍​ത്തി​യാ​ക്കി. 1927 ഡി​സം​ബ​ര്‍ മൂ​ന്നി​ന് വൈ​ദി​ക ​പ​ട്ടം സ്വീ​ക​രി​ച്ചു.

റോമിൽ നിന്ന് ഫിലോസഫി, തിയോളജി, കാനോൻ ലോ എന്നിവയിൽ മൂന്ന് ഡോക്ടറേറ്റുകൾ നേടിയിട്ടുണ്ട്. ഇരുപത്തിനാല് വർഷം അദേഹം കേരളത്തിലെ സിഎംഐ കോൺഗ്രിഗേഷൻ്റെ മേജർ സെമിനാരിയിൽ പ്രൊഫസറായി സഭയെ സേവിച്ചു. മാത്രമല്ല സീറോ മലബാർ, സീറോ മലങ്കര, ലത്തീൻ എപ്പർക്കികളിൽ വിവിധ അപ്പോസ്തോലിക പ്രവർത്തനങ്ങളിൽ മുഴുകി പ്രസംഗങ്ങളും റിട്രീറ്റുകളും നൽകി ക്ലാസുകളെടുത്തു.

പ്ലാസിഡച്ചനെ വ്യത്യസ്ത നാക്കിയത് അദേഹത്തിന്റെ അതുല്യ പ്രതിഭയാണ്. അറിയുക, അറിയുന്നത് ആചരിക്കുക, അത് കൈമാറുക എന്ന ഭാരതീയ പാരമ്പര്യത്തിന്റെ പകരക്കാരനില്ലാത്ത സാക്ഷ്യമാണ് ഫാ. പ്ലാസിഡ് തലമുറയ്ക്ക് കൈമാറിയത്. അറിവിന്റെ വിശാല ലോകത്തിൻ്റെ ഉടമയായിരുന്ന ഫാദർ നാട്ടിലും വിദേശത്തുമായി ഏതാണ്ട് 50 വർഷം അധ്യാപനത്തിലായിരുന്നു.

1954 ല്‍ ​വ​ന്ദ്യ പ്ലാ​സി​ഡ​ച്ച​ന്‍ റോ​മി​ലേ​ക്ക് ക്ഷ​ണി​ക്ക​പ്പെ​ട്ടു. പൗ​ര​സ്ത്യ തി​രു​സം​ഘ​ത്തി​ന്‍റെ ആ​ലോ​ച​ന​ക്കാ​ര​ന്‍, പൊ​ന്തി​ഫി​ക്ക​ല്‍ ഓ​റി​യ​ന്‍റ​ല്‍ ഇ​ന്‍​സ്റ്റി​റ്റ്യൂ​ട്ടി​ലും ഉ​ര്‍​ബാ​നി​യ​ന്‍ യൂ​ണി​വേ​ഴ്സി​റ്റി​യി​ലും‍ പ്ര​ഫ​സ​ര്‍, മ​ല​ബാ​ര്‍ കോ​ള​ജി​ന്‍റെ റെ​ക്ട​ര്‍ എ​ന്നീ നി​ല​ക​ളി​ല്‍ പ്ര​വ​ര്‍​ത്തി​ച്ച കാ​ല​ത്തു​ത​ന്നെ 37 ഗ​വേ​ഷണ ​ഗ്ര​ന്ഥ​ങ്ങ​ളും 85 ലേ​ഖ​ന​ങ്ങ​ളും പ്ര​സി​ദ്ധീ​ക​രി​ച്ചു.

ഫാ. പ്ലാസിഡ് സീറോ മലബാർ സഭയുടെ ആരാധനാക്രമസ്വത്വം പുനസ്ഥാപിക്കുന്നതിന് പിന്നിലെ പ്രേരകശക്തിയായിരുന്നു. പൗരസ്ത്യ സഭാപഠനങ്ങൾ പ്രോത്സാഹിപ്പിക്കുന്നതിനും വൈദികരുടെ പരിശീലനത്തിനും രൂപീകരണത്തിനുമായി കോട്ടയം വടവാതൂരിൽ സെന്റ് തോമസ് അപ്പസ്‌തോലിക് സെമിനാരി സ്ഥാപിക്കുന്നതിന് പൗരസ്ത്യ സഭകൾക്കായുള്ള കോൺഗ്രിഗേഷൻ സെക്രട്ടറി കർദിനാൾ ടിസറാംഗുമായി സഹകരിക്കുകയും പ്രചോദനം നൽകുകയും ചെയ്തു.

പ്ലാസിഡ് അച്ചൻ 1985 ഏപ്രിൽ 27 ന് 86ാം മത്തെ വയസിൽ ചങ്ങനാശേരി ചെത്തിപ്പുഴയിൽ വച്ച് കർതൃ സന്നിധിയിൽ ചേർക്കപ്പെട്ടു.