ചിറ്റാരിക്കാൽ തോമാപുരം ദിവ്യകാരുണ്യ പ്രഭയിൽ; തലശേരി അതിരൂപതാ ദിവ്യ കാരുണ്യ കോൺഗ്രസിന് ഭക്തിസാന്ദ്രമായ സമാപനം

തലശേരി : ജനമദ്ധ്യത്തിലേക്കെഴുന്നുള്ളിയ ദിവ്യകാരുണ്യ നാഥനെ കാണാൻ തലശേരി തോമാപുരത്തേക്ക് പതിനായിരങ്ങൾ ഒഴുകിയെത്തി. ജാ​തി​മ​ത വ്യ​ത്യാ​സ​മി​ല്ലാ​തെ നാ​ട്ടു​കാ​രും വ്യാ​പാ​രി ​സ​മൂ​ഹ​വും തൊ​ഴി​ലാ​ളി​ക​ളു​മെ​ല്ലാം ഒ​രേ മ​ന​സോ​ടെ നാല് ദിവസം തോമാപുരത്ത് നടന്ന ദി​വ്യ​കാ​രു​ണ്യ കോ​ൺ​ഗ്ര​സി​നെ ഏ​റ്റെ​ടു​ത്തു.

സ​മാ​പ​ന​ത്തോ​ട​നു​ബ​ന്ധി​ച്ച് നടന്ന ദിവ്യകാരുണ്യ പ്രദിക്ഷണത്തിൽ പതിനായിരങ്ങൾ പങ്കെടുത്തു. ലൈ​വ് എ​ക്സി​ബി​ഷ​നി​ൽ നിരവധി എക്സിബിഷനുകളും ടാബ്ലോകളും അരങ്ങേറി. ചുമട്ടുതൊഴിലാളികൾ ഒരുക്കിയ യേ​ശു​ക്രി​സ്തു​വി​ന്‍റെ കു​രി​ശ് മരണവുമായി ബ​ന്ധ​പ്പെ​ട്ട ദൃ​ശ്യാ​വി​ഷ്കാ​രം വിശ്വാസികളുടെ മനം നിറച്ചു.

തോമാപുരം സെൻ്റ് തോമസ് ഹയർ സെക്കൻഡറി സ്‌കൂൾ മൈതാനത്തൊരുക്കിയ ദിവ്യകാരുണ്യ നഗറിൽ ആർച്ച് ബിഷപ്പ് മാർ ജോസഫ് പാംപ്ലാനിയാണ് ദിവ്യകാരുണ്യ കോൺ​ഗ്രസിന് ദീപം തെളിയിച്ചത്. ധ്യാന ഗുരുവും വചന പ്രഘോഷകനുമായ ഫാ. ഡാനിയേൽ പൂവണ്ണത്തിൽ ബുധൻ, വ്യാഴം, വെള്ളി ദിവസങ്ങളിൽ നയിച്ച ദിവ്യകാരുണ്യ കൺവെന്‍ഷന്‍ അനേകര്‍ക്ക് വലിയ ആത്മീയാനുഭവമായിരുന്നു.

സമാപന ദിനത്തിൽ ആർച്ച് ബിഷപ്പ് മാർ ജോസഫ് പാപ്ലാനിയുടെ നേതൃത്വത്തിലായിരുന്നു വിശുദ്ധ കുർബാനയും പ്രദിക്ഷണവും. ആർച്ച് ബിഷപ്പ് എമരിറ്റസ് മാർ ജോർജ് ഞരളക്കാട്ട്, ആർച്ച് ബിഷപ്പ് എമരിറ്റസ് മാർ ജോർജ് വലിയമറ്റം എന്നിവർ സഹകാർമികരായിരുന്നു. തലശേരി അതിരൂപതയിലെ മുഴുവൻ വൈദികരും സന്യസ്തരും പങ്കെടുത്തു.

മ​ല​ബാ​റി​ന്‍റെ ഹൃ​ദ​യ​ത്തി​ൽ അ​ലി​ഞ്ഞ് ​ചേ​ർ​ന്ന​താ​ണ് ദി​വ്യ​കാ​രു​ണ്യ​ഭ​ക്തിയെന്ന് ആർച്ച് ബിഷപ്പ് മാർ ജോസഫ് പാംപ്ലാനി പറഞ്ഞു. വി​ശു​ദ്ധ കു​ർ​ബാ​ന കേ​ന്ദ്രീ​കൃ​ത​മാ​യ ഒ​രു സാ​മൂ​ഹി​ക ജീ​വി​ത​ക്ര​മ​മാ​ണ് മ​ല​യോ​ര​ജ​ന​ത്തി​നു​ള്ള​ത്. പ​രി​ശു​ദ്ധ കു​ർ​ബാ​ന​യെ ആ​രാ​ധി​ക്കാ​നും സ്നേ​ഹി​ക്കാ​നും കി​ട്ടു​ന്ന അ​വ​സ​ര​ങ്ങ​ളെ​ല്ലാം ഫ​ല​പ്ര​ദ​മാ​യി വി​നി​യോ​ഗി​ക്കു​ന്ന ജീ​വി​ത​ശൈ​ലി മ​ല​ബാ​റി​ലെ ദൈ​വ​ജ​ന​ത്തി​നു​ണ്ട്.

വൈ​ദി​ക​രും വി​ശ്വാ​സി​ക​ളും ത​മ്മി​ലു​ള്ള ആ​ത്മ​ബ​ന്ധ​ത്തി​ന്‍റെ ഇ​ഴ​യ​ടു​പ്പം വെ​ളി​പ്പെ​ടു​ത്തു​ന്ന സു​ന്ദ​ര​മാ​യ അ​നു​ഭ​വം കൂ​ടി​യാ​യി​രു​ന്നു ദി​വ്യ​കാ​രു​ണ്യ കോ​ൺ​ഗ്ര​സും സ​മാ​പ​ന​ത്തി​ൽ ന​ട​ന്ന ദി​വ്യ​കാ​രു​ണ്യ പ്ര​ദ​ക്ഷി​ണ​വുമെന്നും ആർച്ച് ബിഷപ്പ് പറഞ്ഞു.

മണ്ണിനോട് പടവെട്ടി മണ്ണിൽ പൊന്ന് വിളിയ്ക്കുന്ന കുടിയേറ്റ ജനതയുടെ ദിവകാരുണ്യ ഭക്തി അരക്കിട്ടുറപ്പിക്കുന്ന വിധത്തിലായിരുന്നു തലശേരി അതിരൂപതയുടെ നേതൃത്വത്തിൽ നടത്തപ്പെട്ട ദിവ്യകാരുണ്യ കോൺഗ്രസ്. ചി​റ്റാ​രി​ക്കാലിലേക്ക് പതിനായിരങ്ങൾ ഒ​ഴു​കി​യെ​ത്തി​യ​പ്പോ​ഴും എ​ല്ലാ​വ​ർ​ക്കും ഇ​രി​പ്പി​ട​വും കു​ടി​വെ​ള്ള​വും മു​ത​ൽ ആ​വ​ശ്യ​മു​ള്ള​വ​ർ​ക്ക് മെ​ഡി​ക്ക​ൽ സ​ഹാ​യ​വും താ​മ​സ​സൗ​ക​ര്യ​വും വ​രെ ഉ​റ​പ്പു​വ​രു​ത്താ​നാ​യി.

സ​മാ​പ​ന​ത്തോ​ട​നു​ബ​ന്ധി​ച്ച ദി​വ്യ​കാ​രു​ണ്യ പ്ര​ദ​ക്ഷി​ണം ചി​റ്റാ​രി​ക്കാ​ൽ ടൗ​ണി​നെ ജ​ന​സാ​ഗ​ര​മാ​ക്കി​യ​പ്പോ​ഴും പ​രാ​തി​ക​ൾ​ക്കി​ട​യി​ല്ലാ​ത്ത വി​ധം ഗ​താ​ഗ​ത ക്ര​മീ​ക​ര​ണ​ങ്ങ​ൾ ഉ​റ​പ്പു​വ​രു​ത്തി. തോ​മാ​പു​രം, വെ​ള്ള​രി​ക്കു​ണ്ട്, മാ​ലോം, ചെ​റു​പു​ഴ ഫൊ​റോ​ന​ക​ൾ സം​യു​ക്ത​മാ​യാ​ണ് സം​ഘാ​ട​ന​ ചു​മ​ത​ല നി​ർ​വ​ഹി​ച്ച​ത്.

തങ്ങളുടെ സംശയങ്ങൾ ചോദിയ്ക്കാൻ യുവജങ്ങൾക്ക് അവസരം നൽകികൊണ്ട് നടത്തപ്പെട്ട സിമ്പോസിയം യുവജനങ്ങൾക്ക് ഉപകാരപ്രദമായിരുന്നു എന്ന് ചടങ്ങിൽ പങ്കെടുത്തവർ അറിയിച്ചു. സിറോ മലബാർ സഭാ സംവിധാനത്തിന് കിഴിൽ ഇത്ര വിപുലമായ രീതിയിൽ ദിവ്യകാരുണ്യ കോൺഗ്രസ് നടത്തപ്പെട്ടിട്ടില്ല എന്ന് സംഘാടകർ പറഞ്ഞു.

വിശ്വാസികളുടെ സജീവ പങ്കാളിത്തം കൊണ്ടും, അവതരണ ശൈലി കൊണ്ടും ഈ ദിവ്യ കാരുണ്യ കോൺഗ്രസ്സ് അന്താരാഷ്ട്ര നിലവാരം പുലർത്തി എന്ന് അവർ കൂട്ടിച്ചേർത്തു. കൺവൻഷൻ ദിവസങ്ങളിൽ കുമ്പസാരത്തിനും മുൻകൂട്ടി രജിസ്റ്റർ ചെയ്തവർക്ക് കൗൺസലിംഗിനും കൈവയ്പ്പ്, രോഗശാന്തി ശുശ്രൂഷകൾക്കും അവസരമുണ്ടായിരുന്നു.

ത​ല​ശേ​രി അ​തി​രൂ​പ​ത ദി​വ്യ​കാ​രു​ണ്യ ​വ​ർ​ഷ​ത്തി​ന്‍റെ സ​മാ​പ​ന​ത്തോ​ട​നു​ബ​ന്ധി​ച്ചാ​ണ് വി​ശ്വാ​സി​ക​ളി​ൽ ആ​ത്മീ​യ ഉ​ണ​ർ​വും ദി​വ്യ​കാ​രു​ണ്യ​ത്തി​ലൂ​ടെ ജീ​വ​നും സൗ​ഖ്യ​വും സാ​ഹോ​ദ​ര്യ​വും സ​മാ​ധാ​ന​വും ഉ​ണ​ർ​ത്തു​ക​യെ​ന്ന ല​ക്ഷ്യ​ത്തോ​ടെ ദി​വ്യ​കാ​രു​ണ്യ കോ​ൺ​ഗ്ര​സ് സം​ഘ​ടി​പ്പി​ച്ച​ത്.