തിരുവനന്തപുരം: ക്രിസ്മസ് ആഘോഷത്തിന്റെ ഭാഗമായി മലയാളികള്‍ കുടിച്ചത് 152 കോടിയുടെ മദ്യം. ക്രിസ്മസ് ദിനത്തിലും തലേന്നുമായി ബിവറേജസ് കോര്‍പ്പറേഷന്‍ വില്‍പന നടത്തിയത് 152.06 കോടി രൂപയുടെ മദ്യമെന്ന് കണക്കുകള്‍ വ്യക്തമാക്കുന്നു. 30 കോടിയുടെ വര്‍ധനയാണ് കഴിഞ്ഞവര്‍ഷത്തേക്കാള്‍ ഇത്തവണ ഉണ്ടായത്. കഴിഞ്ഞ വര്‍ഷം ഇത് 122.14 കോടിയായിരുന്നു.
ഡിസംബര്‍ 25 ന് മാത്രം ബിവറേജസ് ഔട്ട്ലെറ്റുകളിലൂടെ വിറ്റഴിച്ചത് 54.64 കോടി രൂപയുടെ മദ്യമാണ്. ഡിസംബര്‍ 24 ന് ഔട്ട്ലെറ്റുകളിലൂടെ 71.40 കോടിയുടെ മദ്യം ഈ വര്‍ഷം വിറ്റിരുന്നു. 26.02 കോടിയുടെ മദ്യം വെയര്‍ഹൗസുകളിലൂടെയും വിറ്റു. ഇതോടെ ഡിസംബര്‍ 24 ന് മാത്രം വിറ്റത് 97.42 കോടി രൂപയുടെ മദ്യമാണ്.
24 ന് ഏറ്റവും കൂടുതല്‍ മദ്യം വിറ്റത് ബവ്‌റിജസ് കോര്‍പറേഷന്റെ ചാലക്കുടിയിലെ ഷോപ്പിലാണ്. 78 ലക്ഷം കോടിയുടെ മദ്യമാണ് വിറ്റത്. ചങ്ങനാശേരിയില്‍ 66.88 ലക്ഷം രൂപയുടെയും തിരുവനന്തപുരത്തെ പഴയ ഉച്ചക്കടയില്‍ 64.15 ലക്ഷം രൂപയുടെയും മദ്യം വിറ്റു എ്ന്നാണ് കണക്ക്.
വാർത്തകൾക്ക് 📺 പിന്നിലെ സത്യമറിയാനും വേഗത്തിൽ⌚ അറിയാനും ഞങ്ങളുടെ വാട്ട്സാപ്പ് ചാനലിൽ അംഗമാകൂ 📲
https://whatsapp.com/channel/0029VaAscUeA89MdGiBAUc26
ഇവിടെ കൊടുക്കുന്ന അഭിപ്രായങ്ങള്‍ സീ ന്യൂസ് ലൈവിന്റെത് അല്ല. അവഹേളനപരവും വ്യക്തിപരമായ അധിക്ഷേപങ്ങളും അശ്‌ളീല പദപ്രയോഗങ്ങളും ദയവായി ഒഴിവാക്കുക.