ശ്രീനഗര്‍: ജമ്മു കാശ്മീരില്‍ നിയന്ത്രണ രേഖയ്ക്ക് സമീപം ഉണ്ടായ മൈന്‍ സ്‌ഫോടനത്തില്‍ ആറ് ജവാന്മാര്‍ക്ക് പരിക്ക്. ജമ്മു കാശ്മീരിലെ രജൗറിയിലെ നൗഷേര സെക്ടറിലെ യഥാര്‍ത്ഥ നിയന്ത്രണ രേഖയ്ക്ക് സമീപം ഇന്ന് രാവിലെയാണ് സ്‌ഫോടനം ഉണ്ടായത്.
രാവിലെ 10:45 ഓടെ രജൗറിയിലെ ഖംബ കോട്ടയ്ക്ക് സമീപം ഗൂര്‍ഖ റൈഫിള്‍സിലെ ഉദ്യോഗസ്ഥര്‍ പതിവ് പട്രോളിങ് നടത്തുന്നതിനിടെയാണ് ആകസ്മികമായി സ്‌ഫോടനം നടന്നത്. പരിക്കേറ്റ സൈനികരെ ചികിത്സയ്ക്കായി അടുത്തുള്ള ആശുപത്രിയില്‍ പ്രവേശിപ്പിച്ചു. ചെറിയ പരിക്കുകളോടെ ആശുപത്രിയില്‍ പ്രവേശിപ്പിച്ച അവരുടെ നില ഗുരുതരമല്ലെന്ന് റിപ്പോര്‍ട്ടുകള്‍ സൂചിപ്പിക്കുന്നു.
ജനുവരി നാലിന് ജമ്മു കാശ്മീരിലെ ബന്ദിപ്പോറില്‍ സൈനികരെ വഹിച്ചുകൊണ്ടുപോയ ഒരു സൈനിക ട്രക്ക് നിയന്ത്രണം നഷ്ടപ്പെട്ട് ഒരു കുന്നിലേക്ക് മറിഞ്ഞ് നാല് സൈനികര്‍ മരിക്കുകയും മൂന്ന് പേര്‍ക്ക് പരിക്കേല്‍ക്കുകയും ചെയ്തിരുന്നു.
ജില്ലയിലെ സദര്‍ കൂട്ട് പയേണ്‍ പ്രദേശത്തിന് സമീപം ഒരു വളവില്‍ ഒരു ട്രക്കിനെ മറികടക്കാന്‍ ശ്രമിക്കുന്നതിനിടെ ഡ്രൈവര്‍ക്ക് നിയന്ത്രണം നഷ്ടപ്പെട്ടപ്പോഴാണ് അപകടം സംഭവിച്ചത്. ചില സൈനികര്‍ക്ക് ഗുരുതരമായി പരിക്കേറ്റിരുന്നു.
വാർത്തകൾക്ക് 📺 പിന്നിലെ സത്യമറിയാനും വേഗത്തിൽ⌚ അറിയാനും ഞങ്ങളുടെ വാട്ട്സാപ്പ് ചാനലിൽ അംഗമാകൂ 📲
https://whatsapp.com/channel/0029VaAscUeA89MdGiBAUc26
ഇവിടെ കൊടുക്കുന്ന അഭിപ്രായങ്ങള്‍ സീ ന്യൂസ് ലൈവിന്റെത് അല്ല. അവഹേളനപരവും വ്യക്തിപരമായ അധിക്ഷേപങ്ങളും അശ്‌ളീല പദപ്രയോഗങ്ങളും ദയവായി ഒഴിവാക്കുക.