പീറ്റർബറോ: യുകെയിൽ ചങ്ങനാശേരി സ്വദേശിയായ മലയാളി സോജന്‍ തോമസിന് (49) വീടിനുള്ളിലെ സ്റ്റെയര്‍കേസില്‍ നിന്നും വീണ് മരണം. പീറ്റർബറോയിലെ സ്പാൾഡിങിൽ കുടുംബമായി താമസിച്ച് വരികയായിരുന്നു സോജൻ തോമസ്. വീടിന്റെ മുകള്‍ നിലയില്‍ നിന്നും താഴത്തെ നിലയിലേക്ക് വരികയായിരുന്നു സോജന്‍. അതിനിടെയാണ് കാല്‍ തെറ്റി താഴേക്ക് വീണത്.
വലിയ ശബ്ദം കേട്ട് മക്കള്‍ ഓടിയെത്തി അടിയന്തിര സേവന വിഭാഗത്തെ ബന്ധപ്പെടുകയായിരുന്നു. അഞ്ച് മിനിറ്റിനുള്ളില്‍ ആംബുലന്‍സ് എത്തി പാരാമെഡിക്‌സ് ടീമിന്റെ പ്രാഥമിക ശുശ്രൂഷകള്‍ നല്‍കിയെങ്കിലും മരണം സംഭവിച്ചിരുന്നു.
മോറിസണ്‍സ് സൂപ്പര്‍മാര്‍ക്കറ്റില്‍ ജോലി ചെയ്യുകയായിരുന്നു സോജന്‍. കെയര്‍ഹോം ജീവനക്കാരിയായ സജിനിയാണ് ഭാര്യ. കാത്തി സോജന്‍, കെവിന്‍ സോജന്‍ എന്നിവരാണ് മക്കള്‍. കഴിഞ്ഞ മാര്‍ച്ചില്‍ യുകെയിലെത്തിയ സോജനെ തേടിയാണ് ഒരു വർഷം തികയും മുന്നേ മരണമെത്തിയത് എന്ന സങ്കട വിവരവും പുറത്തുവന്നിട്ടുണ്ട്.
ചങ്ങനാശേരി പൊങ്ങന്താനം മുരണിപ്പറമ്പില്‍ പരേതനായ തോമസ്, കത്രീനാമ്മ എന്നിവരാണ് മാതാപിതാക്കള്‍. സജി, സുജ, സൈജു (യുകെ) എന്നിവരാണ് സഹോദരങ്ങള്‍. കുറുമ്പനാടം അസംപ്ഷന്‍ സിറോ മലബാര്‍ ചര്‍ച്ച് അംഗങ്ങളാണ് സോജന്റെ കുടുംബം. സംസ്‌കാരം നാട്ടില്‍ നടത്തുവാനാണ് കുടുംബാംഗങ്ങളുടെ തീരുമാനം.
വാർത്തകൾക്ക് 📺 പിന്നിലെ സത്യമറിയാനും വേഗത്തിൽ⌚ അറിയാനും ഞങ്ങളുടെ വാട്ട്സാപ്പ് ചാനലിൽ അംഗമാകൂ 📲
https://whatsapp.com/channel/0029VaAscUeA89MdGiBAUc26
ഇവിടെ കൊടുക്കുന്ന അഭിപ്രായങ്ങള്‍ സീ ന്യൂസ് ലൈവിന്റെത് അല്ല. അവഹേളനപരവും വ്യക്തിപരമായ അധിക്ഷേപങ്ങളും അശ്‌ളീല പദപ്രയോഗങ്ങളും ദയവായി ഒഴിവാക്കുക.