തിരുവനന്തപുരം: പിഎസ്‍‍സി ഉദ്യോഗാര്‍ത്ഥികളുമായി മന്ത്രി തല ചര്‍ച്ച ഇന്ന്. മന്ത്രി എ.കെ.ബാലനാണ് ലാസ്റ്റ് ഗ്രേഡ് സര്‍വന്റ്സ്, സിവില്‍ പൊലീസ് ഓഫീസര്‍ റാങ്ക് ലിസ്റ്റുകളിലെ ഉദ്യോഗാര്‍ഥികളുമായി ചര്‍ച്ച നടത്തുന്നത്.രാവിലെ പതിനൊന്നിന് എ കെ ബാലന്റെ ചേംബറിലാണ് ചര്‍ച്ച നടത്തുന്നത്.
സമരം തുടങ്ങിയിട്ട് ഒരു മാസം പിന്നിട്ടെങ്കിലും ആദ്യമായാണ് മന്ത്രി നേരിട്ട് ഉദ്യോഗാര്‍ത്ഥികളുമായി ചര്‍ച്ച നടത്തുന്നത്. തിരഞ്ഞെടുപ്പ് പെരുമാറ്റ ചട്ടത്തിനുള്ളില്‍ നിന്നുകൊണ്ട് ചെയ്യാനാകുന്ന കാര്യങ്ങള്‍ മന്ത്രി ഉദ്യോഗാര്‍ത്ഥികളെ ബോധ്യപ്പെടുത്തും.
അതേസമയം നിയമനത്തിന് രേഖാമൂലം ഉറപ്പ് ലഭിച്ചാല്‍ സമരം അവസാനിപ്പിക്കുമെന്നാണ് എല്‍ ജി എസുകാരുടെ തീരുമാനം ഈ ചര്‍ച്ചയില്‍ തീരുമാനമുണ്ടാകുമെന്ന വിശ്വാസത്തിലാണ് ഉദ്യോഗാര്‍ത്ഥികള്‍. തിരഞ്ഞെടുപ്പ് പെരുമാറ്റച്ചട്ടം നിലവില്‍ വന്നെങ്കിലും ഇന്നത്തെ മന്ത്രിതല ചര്‍ച്ചയില്‍ ശുഭപ്രതീക്ഷയുണ്ടെന്ന് സെക്രട്ടേറിയറ്റിന് മുന്നില്‍ സമരം ചെയ്യുന്ന എല്‍.ജി.എസ് റാങ്ക് ഹോള്‍ഡേഴ്സ് പ്രതിനിധി ലയ രാജേഷ് പറഞ്ഞു.
വാർത്തകൾക്ക് 📺 പിന്നിലെ സത്യമറിയാനും വേഗത്തിൽ⌚ അറിയാനും ഞങ്ങളുടെ വാട്ട്സാപ്പ് ചാനലിൽ അംഗമാകൂ 📲
https://whatsapp.com/channel/0029VaAscUeA89MdGiBAUc26
ഇവിടെ കൊടുക്കുന്ന അഭിപ്രായങ്ങള്‍ സീ ന്യൂസ് ലൈവിന്റെത് അല്ല. അവഹേളനപരവും വ്യക്തിപരമായ അധിക്ഷേപങ്ങളും അശ്‌ളീല പദപ്രയോഗങ്ങളും ദയവായി ഒഴിവാക്കുക.