മിലാന്‍: വിഖ്യാത ഫാഷന്‍ ഡിസൈനര്‍ ജോര്‍ജിയോ അര്‍മാനി അന്തരിച്ചു. 91 വയസായിരുന്നു. വാര്‍ധക്യ സഹജമായ അസുഖങ്ങളെ തുടര്‍ന്നായിരുന്നു അന്ത്യം. സ്ത്രീകളുടെയും പുരുഷന്‍മാരുടെയും വസ്ത്ര സങ്കല്‍പ്പങ്ങള്‍ക്ക് പുതിയ മാനം നല്‍കിയ ഇറ്റാലിയന്‍ ഡിസൈനറായിരുന്നു ജോര്‍ജിയോ അര്‍മാനി.
അര്‍മാനി എക്സ്ചേഞ്ച് ഗ്രൂപ്പ് സ്ഥാപകന്‍ കൂടിയാണ് ജോര്‍ജിയോ. ഹൗട്ട്ക്കോച്ചര്‍, റെഡി മെയ്ഡ് വസ്ത്രങ്ങള്‍, തുകല്‍ ഉല്‍പ്പന്നങ്ങള്‍, ഷൂ, വാച്ചുകള്‍, ആഭരണങ്ങള്‍, ഫാഷന്‍ സാധനങ്ങള്‍, കണ്ണടകള്‍, സൗന്ദര്യവര്‍ധക വസ്തുക്കള്‍ ഹോം ഇന്റീരിയറുകള്‍ തുടങ്ങിയ വിവിധ മേഖലകളില്‍ തന്റേതായ വ്യക്തിമുദ്ര പതിപ്പിച്ച വ്യക്തിയാണ് അദേഹം.
അതീവ ദുഖത്തോടെ വിയോഗ വാര്‍ത്ത അറിയിക്കുന്നുവെന്നും വീട്ടില്‍വച്ചായിരുന്നു അന്ത്യമെന്നും അര്‍മാനി ഗ്രൂപ്പ് വ്യക്തമാക്കി. തന്റെ അവസാന നാളുകളിലും കമ്പനിക്കും പുതിയ ഫാഷന്‍ ശേഖരത്തിനുമായി അദേഹം അക്ഷീണം പ്രവര്‍ത്തിച്ചതായി അര്‍മാനി എക്സ്ചേഞ്ച് പ്രസ്താവനയില്‍ അറിയിച്ചു.
മിലാന്‍ ഫാഷന്‍ വീക്കില്‍ തന്റെ കൈയൊപ്പ് ചാര്‍ത്തിയ ജോര്‍ജിയോ അര്‍മാനി ഫാഷന്‍ ഹൗസില്‍ തന്റെ 50-ാം വാര്‍ഷികം ആഘോഷിക്കുന്നതിനായി തയ്യാറെടുക്കുന്നതിനിടെയാണ് വിടവാങ്ങിയത്. അതേസമയം 10 ബില്യന്‍ ഡോളറിന്റെ ഫാഷന്‍ സാമ്രാജ്യമായ അര്‍മാനി ഗ്രൂപ്പിന്റെ തലപ്പത്ത് ആര് എത്തുമെന്ന ചോദ്യവും ഉയരുന്നുണ്ട്.
ജോര്‍ജിയോ അര്‍മാനിയുടെ സഹോദരന്റെ മകള്‍ റോബര്‍ട്ടയായിരിക്കും അര്‍മാനി ഗ്രൂപ്പിന്റെ നേതൃത്വത്തില്‍ എത്തുകയെന്ന സൂചനയും പുറത്തുവരുന്നുണ്ട്.
1
വാർത്തകൾക്ക് 📺 പിന്നിലെ സത്യമറിയാനും വേഗത്തിൽ⌚ അറിയാനും ഞങ്ങളുടെ വാട്ട്സാപ്പ് ചാനലിൽ അംഗമാകൂ 📲
https://whatsapp.com/channel/0029VaAscUeA89MdGiBAUc26
ഇവിടെ കൊടുക്കുന്ന അഭിപ്രായങ്ങള്‍ സീ ന്യൂസ് ലൈവിന്റെത് അല്ല. അവഹേളനപരവും വ്യക്തിപരമായ അധിക്ഷേപങ്ങളും അശ്‌ളീല പദപ്രയോഗങ്ങളും ദയവായി ഒഴിവാക്കുക.