ക്രിസ്ത്യാനികള്‍ക്കെതിരായ ആക്രമണങ്ങള്‍ വര്‍ധിക്കുന്ന സാഹചര്യത്തില്‍ പ്രധാനമന്ത്രിയെ നേരില്‍ കാണുമെന്ന് സിബിസിഐ അധ്യക്ഷന്‍
ന്യൂഡല്‍ഹി: മതപരിവര്‍ത്തന നിയമം ശക്തമാക്കുന്നത് ന്യൂനപക്ഷങ്ങളെ ആക്രമിക്കാനെന്ന് ആര്‍ച്ച് ബിഷപ്പ് മാര്‍ ആന്‍ഡ്രൂസ് താഴത്ത്. ന്യൂനപക്ഷങ്ങള്‍ സംരക്ഷിക്കപ്പെടണമെന്നും ക്രിസ്ത്യാനികള്‍ക്കെതിരായ ആക്രമണങ്ങള്‍ വര്‍ധിക്കുന്ന സാഹചര്യത്തില്‍ പ്രധാനമന്ത്രിയെ നേരില്‍ കാണുമെന്നും സിബിസിഐ അധ്യക്ഷന്‍ ആര്‍ച്ച് ബിഷപ്പ് ആന്‍ഡ്രൂസ് താഴത്ത് പറഞ്ഞു.
നിര്‍ബന്ധിത മതപരിവര്‍ത്തനം ആരോപിച്ച് വ്യാജ കേസുകളിലൂടെ രാജ്യത്തെ ക്രിസ്ത്യാനികളെയും മതന്യൂനപക്ഷങ്ങളേയും കേസില്‍ കുടുക്കുന്നു എന്നാണ് ഉയരുന്ന ആക്ഷേപം. നിലവില്‍ രാജ്യത്ത് 10 സംസ്ഥാനങ്ങളിലാണ് മതപരിവര്‍ത്തന നിരോധന നിയമമുള്ളത്. ഉത്തരാഖണ്ഡിന് പിന്നാലെ രാജസ്ഥാനിലും ശിക്ഷ ശക്തമാക്കി നിയമം ഭേദഗതി ചെയ്തത് ന്യൂനപക്ഷങ്ങളെ ആക്രമിക്കാന്‍ വേണ്ടിയെന്ന് ആര്‍ച്ച് ബിഷപ്പ് മാര്‍ ആന്‍ഡ്രൂസ് താഴത്ത് അഭിപ്രായപ്പെട്ടു.
യുണൈറ്റഡ് ക്രിസ്ത്യന്‍ ഫോറത്തിന്റെ കണക്ക് പ്രകാരം 2020-2023ല്‍ യുപിയില്‍ മാത്രം മതപരിവര്‍ത്തന നിരോധന നിയമത്തിന്റെ കീഴില്‍ 154 എഫ്ഐആര്‍ രജിസ്റ്റര്‍ ചെയ്തിട്ടുണ്ട്. ഇതില്‍ ഡിസംബര്‍ 2020 മുതല്‍ നവംബര്‍ 2023 വരെയുള്ള കാലയളവില്‍ 318 പുരുഷന്മാരും 80 സ്ത്രീകളുമടക്കം 398 പേര്‍ ജയിലിലടക്കപ്പെട്ടതായും റിപ്പോര്‍ട്ടുണ്ട്. മതസ്വാതന്ത്ര്യം ഉറപ്പ് നല്‍കുന്ന രാജ്യത്ത് ചില സാമൂഹിക വിരുദ്ധ സംഘങ്ങളെ ഉപയോഗിച്ച് മതന്യൂനപക്ഷങ്ങളെ ആക്രമിക്കുകയാണന്നാണ് സിബിസിഐയുടെ ആരോപണം.
1
വാർത്തകൾക്ക് 📺 പിന്നിലെ സത്യമറിയാനും വേഗത്തിൽ⌚ അറിയാനും ഞങ്ങളുടെ വാട്ട്സാപ്പ് ചാനലിൽ അംഗമാകൂ 📲
https://whatsapp.com/channel/0029VaAscUeA89MdGiBAUc26
ഇവിടെ കൊടുക്കുന്ന അഭിപ്രായങ്ങള്‍ സീ ന്യൂസ് ലൈവിന്റെത് അല്ല. അവഹേളനപരവും വ്യക്തിപരമായ അധിക്ഷേപങ്ങളും അശ്‌ളീല പദപ്രയോഗങ്ങളും ദയവായി ഒഴിവാക്കുക.