ലിയോ പതിനാലാമൻ മാർപ്പാപ്പയുടെ 'ഡീപ്ഫെയ്ക്ക്' ചിത്രങ്ങൾ പ്രചരിപ്പിക്കുന്നതിനെതിരെ വത്തിക്കാൻ

വത്തിക്കാൻ സിറ്റി: ലിയോ പതിനാലാമൻ മാർപാപ്പ വിവാദ പ്രസ്താവനകൾ നടത്തുന്നതായിട്ടുള്ള വ്യാജ വിഡിയോകൾ സോഷ്യൽ മീഡിയയിൽ പ്രചിരിക്കുന്നതിനെതിരെ വത്തിക്കാൻ മുന്നറിയിപ്പ് നൽകുന്നു . ചാർളി കിർക്കിനെക്കുറിച്ചും, പ്രസിഡന്റ് ഡൊണാൾഡ് ട്രംപിനെക്കുറിച്ചും,  അല്ലെങ്കിൽ മൃതസംസ്കാരത്തിന്റെ സ്വീകാര്യതയെക്കുറിച്ചും പോപ്പ് ലിയോ പതിനാലാമൻ അഭിപ്രായം പറഞ്ഞതായി അവകാശപ്പെടുന്ന വീഡിയോകളാണ് പ്രചരിക്കുന്നത്. എന്നാൽ, ഈ വീഡിയോകൾ യഥാർത്ഥത്തിൽ എഐ സാങ്കേതിക വിദ്യ ഉപയോഗിച്ച കെട്ടിച്ചമതാണെന്ന്‌ വത്തിക്കാൻ അറിയിച്ചു.

പോപ്പിനെ ലക്ഷ്യം വച്ചുള്ള ഡീപ്ഫേക്കുകൾ

വിശ്വസനീയമായത് മുതൽ വിചിത്രമായത് വരെ വ്യാജ വീഡിയോകളിൽ ഉൾപ്പെടുന്നു. പോസ്റ്റ് ചെയ്‌ത്‌ ഒരു ആഴ്ചയ്ക്കുള്ളിൽ 445,000-ത്തിലധികം ആളുകൾ കണ്ട  25 മിനിറ്റ് ദൈർഘ്യമുള്ള ഒരു ക്ലിപ്പ്, പോപ്പ് "ചാർലി കിർക്കിൻ്റെ കൊലപാതകത്തെക്കുറിച്ച്" സംസാരിച്ചതായി അവകാശപ്പെടുന്നു.

മെയ് മാസത്തിൽ പോപ്പ് ലിയോ തിരഞ്ഞെടുക്കപ്പെട്ടതിന് ഏതാനും ദിവസങ്ങൾക്ക് ശേഷം പ്രചരിച്ച ഒരു വ്യാജ വീഡിയോയിൽ ബുർക്കിന ഫാസോയുടെ സൈനിക നേതാവ് ക്യാപ്റ്റൻ ഇബ്രാഹിം ട്രോറെയെ അദ്ദേഹം പ്രശംസിക്കുകയും കൊളോണിയലിസത്തെ അപലപിക്കുകയും ചെയ്യുന്നതായി കാണിച്ചു.

"നിർഭാഗ്യവശാൽ, വ്യാജ വീഡിയോകളുള്ള നിരവധി യൂട്യൂബ് ചാനലുകളുടെ വൻതോതിലുള്ള വ്യാപനത്തിന് ഞങ്ങൾ സാക്ഷ്യം വഹിക്കുന്നു, എല്ലാം പരസ്‌പരം സമാനമാണ്," ഡികാസ്റ്ററി ഫോർ കമ്മ്യൂണിക്കേഷൻ ഒരു പ്രസ്‌താവനയിൽ പറഞ്ഞു. "ചിലർ ലിയോ പതിനാലാമൻ മാർപാപ്പയുടെ ശബ്ദ‌ത്തിലും, മറ്റു ചിലർ വിവർത്തകരുടെ ശബ്‌ദത്തിലും സംസാരിക്കുന്നു. മാർപാപ്പ ഒരിക്കലും പറയാത്ത കാര്യങ്ങൾ പ്രചരിപ്പിക്കുവാൻ എ ഐ സാങ്കേതിക വിദ്യ ഉപയോഗിക്കുന്നു.

പല ക്ലിപ്പുകളുടെ ദൈർഘ്യം വളരെ കുറവാണെങ്കിലും, ചിലത് വ്യാപകമായി പ്രചരിക്കുകയും പ്രേക്ഷകരെ തെറ്റിദ്ധരിപ്പിക്കുകയും ചെയ്യുന്നുണ്ടെന്ന് വത്തിക്കാൻ മുന്നറിയിപ്പ് നൽകുന്നു.  "ഈ അക്കൗണ്ടുകൾ റിപ്പോർട്ട് ചെയ്യുന്നത്തിലും ഡിലീറ്റ് ചെയ്യാൻ ശ്രമിക്കുന്നത്തിലുമാണ് നമ്മുടെ സമയമ കൂടുതൽ ചെലവഴിക്കുന്നത്. അതുപോലെ പല വ്യാജ സൃഷ്ടികളുടെയും വലിയ വ്യാപ്തി കണക്കിലെടുക്കുമ്പോൾ, അവ ഓരോന്നും പരസ്യമായി നിഷേധിക്കുക അസാധ്യമാണ്," ഡികാസ്റ്ററി വാർത്താക്കുറിപ്പിൽ അറിയിച്ചു.

എഐ സാങ്കേതികവിദ്യ പുരോഗമിക്കുമ്പോൾ, ഈ സൃഷ്ടികൾ കൂടുതൽ യാഥാർത്ഥ്യബോധമുള്ളവയാണ്, കാഴ്ചക്കാർ ഫിക്ഷനെ യാഥാർത്ഥ്യമായി തെറ്റിദ്ധരിക്കാനുള്ള സാധ്യത ഇത് വ്യക്തമാക്കുന്നു. പത്രപ്രവർത്തക എലീസ് ആൻ അലനുമായുള്ള അഭിമുഖത്തിൽ പോപ്പ് ലിയോ തന്നെ അത്തരമൊരു സംഭവം ഓർമ്മിച്ചു. ജൂണിൽ സെന്റ് പീറ്റേഴ്‌സ് ബസിലിക്കയുടെ പടികളിൽ നിന്ന് താൻ താഴേക്ക് വീഴുന്നതായി കാണിക്കുന്ന എഐ- നിർമ്മിച്ച ചിത്രങ്ങൾ ഓൺലൈനിൽ പ്രത്യക്ഷപ്പെട്ടതിനുശേഷം ഒരാൾ താൻ സുഖമായിരിക്കുന്നുണ്ടോ എന്ന് ചോദിച്ചതായി അദ്ദേഹം വിവരിച്ചു. “ആളുകൾ അത് ഞാനാണെന്ന് ശരിക്കും കരുതി,” അദ്ദേഹം പറഞ്ഞു.

ഒരു പോപ്പിനെ ഡിജിറ്റൽ കൃത്രിമത്വം ലക്ഷ്യമിടുന്നത് ഇതാദ്യമല്ല. 2015-ൽ, ഫ്രാൻസിസ് മാർപാപ്പ അമേരിക്കൻ ടെലിവിഷനിൽ ഒരു വ്യാജ വീഡിയോയിൽ പ്രത്യക്ഷപ്പെട്ടു, 2023-ൽ, വൈറൽ ആയ ഒരു എഐ- ജനറേറ്റഡ് ചിത്രം, അദ്ദേഹം ഒരു ഫാഷനബിൾ വെളുത്ത പഫർ കോട്ട് ധരിച്ചതായി ചിത്രീകരിച്ചു. എന്നാൽ  ഡീപ്ഫേക്കുകളുടെ നിലവിലെ തരംഗം കൂടുതൽ സങ്കീർണ്ണവും ഏകോപിതവുമാണെന്ന് വത്തിക്കാൻ ഉദ്യോഗസ്ഥർ മുന്നറിയിപ്പ് നൽകുന്നു.

വത്തിക്കാന്റെ പ്രതികരണവും അഭ്യർത്ഥനയും

വ്യാജ അക്കൗണ്ടുകൾ ഡിജിറ്റൽ പ്ലാറ്റ്ഫോമുകളിലേക്ക് റിപ്പോർട്ട് ചെയ്യുന്നതിൽ വത്തിക്കാൻ സജീവമായി ഏർപ്പെട്ടിട്ടുണ്ട്, എന്നാൽ പ്രശ്‌നം നിയന്ത്രിക്കാൻ കഴിയുന്നതിനേക്കാൾ വേഗത്തിൽ വളരുകയാണെന്ന് ഉദ്യോഗസ്ഥർ പറയുന്നു. നീക്കം ചെയ്യലുകൾക്കപ്പുറം, വസ്തുതയും കെട്ടുകഥയും വേർതിരിച്ചറിയാൻ വിശ്വാസികളെ സഹായിക്കുന്നതിന് പൊതു അവബോധത്തിലും മാധ്യമ സാക്ഷരതാ കാമ്പെയ്‌നുകളിലും ശ്രദ്ധ കേന്ദ്രീകരിക്കുന്നു.

"ഈ പുതിയ പ്രതിഭാസത്തെക്കുറിച്ച് ഞങ്ങളുടെ പ്രേക്ഷകരിൽ അവബോധം വളർത്താനായി ഞങ്ങൾ പ്രവർത്തിക്കുന്നു," ഡികാസ്റ്ററി വിശദീകരിച്ചു. "മാധ്യമ സാക്ഷരതയിൽ കൂടുതൽ ശ്രദ്ധിക്കേണ്ടത് അത്യാവശ്യമാണ്. ഒരു ഉദ്ധരണിയോ ചിത്രമോ ഔദ്യോഗികമായി സ്ഥിരീകരിച്ചിട്ടില്ലെങ്കിൽ അത് വ്യാജമാകാനാണ് സാധ്യത. അതിനാൽ, ഔദ്യോഗിക വത്തിക്കാൻ ചാനലുകളെ ആശ്രയിക്കാൻ ഞങ്ങൾ എല്ലാവരെയും ഓർമ്മിപ്പിക്കുന്നു."

സാങ്കേതികവിദ്യ പുരോഗമിക്കുമ്പോൾ, തെറ്റായ വിവരങ്ങൾ മുൻപത്തേക്കാളും വേഗത്തിലും പ്രചരിക്കുന്ന ഒരു ഓൺലൈൻ പരിതസ്ഥിതിയിൽ, വത്തിക്കാൻ മാർപാപ്പയുടെ പ്രതിച്ഛായയുടെ സമഗ്രത സംരക്ഷിക്കുക എന്ന കഠിനമായ ദൗത്യം നേരിടുന്നു.