ലണ്ടൻ: ഇംഗ്ലണ്ടിലെ ചാൾസ് മൂന്നാമൻ രാജാവും കാമില രാജ്ഞിയും ഒക്ടോബറിൽ ലിയോ പതിനാലമൻ മാർപാപ്പയെ സന്ദര്‍ശിക്കും. ഇരുവരും ഒക്ടോബർ അവസാനം വത്തിക്കാനിലേക്ക് യാത്ര തിരിക്കുമെന്ന് ബക്കിംഗ്ഹാം കൊട്ടാരം അറിയിച്ചു.
‘രാജാവും രാജ്ഞിയും 2025 ജൂബിലി വർഷം ആഘോഷിക്കുന്നതിന് ലിയോ പതിനാലാമൻ മാർപാപ്പയോടൊപ്പം ചേരും’ എന്ന് കൊട്ടാരം പറഞ്ഞു. പ്രത്യാശയുടെ തീർഥാടകർ എന്ന നിലയിൽ ഒരുമിച്ചു നടക്കുക എന്ന ജൂബിലി വർഷ പ്രമേയത്തെ പ്രതിഫലിപ്പിക്കുന്ന ചർച്ച് ഓഫ് ഇംഗ്ലണ്ടിന്റെയും കത്തോലിക്കാ സഭയുടെയും എക്യുമെനിക്കൽ പ്രവർത്തനങ്ങളെ ആഘോഷിക്കുന്നതായിരിക്കും ഈ സന്ദർശനമെന്നും കൊട്ടാരം സൂചിപ്പിച്ചു. വരാനിരിക്കുന്ന വത്തിക്കാൻ സന്ദർശനത്തെ കുറിച്ചുള്ള കൂടുതൽ വിശദാംശങ്ങൾ യഥാ സമയത്ത് പ്രഖ്യാപിക്കുമെന്നും ബക്കിംഗ്ഹാം കൊട്ടാരം അറിയിച്ചു.
ഈ വർഷം ഏപ്രിൽ ഒൻപതിനായിരുന്നു രാജാവും രാജ്ഞിയും അവസാനമായി വത്തിക്കാൻ സന്ദർശിച്ചത്. ഫ്രാൻസിസ് മാർപാപ്പയുടെ മരണത്തിന് വെറും 12 ദിവസം മുമ്പ് പാപ്പയുടെ കാസ സാന്താ മാർട്ടയിലെ വസതിയിൽവച്ച് ഒരു സ്വകാര്യ കൂടിക്കാഴ്ച നടത്തിയിരുന്നു.
വാർത്തകൾക്ക് 📺 പിന്നിലെ സത്യമറിയാനും വേഗത്തിൽ⌚ അറിയാനും ഞങ്ങളുടെ വാട്ട്സാപ്പ് ചാനലിൽ അംഗമാകൂ 📲
https://whatsapp.com/channel/0029VaAscUeA89MdGiBAUc26
ഇവിടെ കൊടുക്കുന്ന അഭിപ്രായങ്ങള്‍ സീ ന്യൂസ് ലൈവിന്റെത് അല്ല. അവഹേളനപരവും വ്യക്തിപരമായ അധിക്ഷേപങ്ങളും അശ്‌ളീല പദപ്രയോഗങ്ങളും ദയവായി ഒഴിവാക്കുക.