ബീജിങ്: ചൈന ലോകമെമ്പാടും വ്യാപിച്ചുകിടക്കുന്ന ആഗോള മിസൈല്‍ പ്രതിരോധ സംവിധാനം വികസിപ്പിച്ചതായി റിപ്പോര്‍ട്ട്. 'ഡിസ്ട്രിബ്യൂട്ടഡ് എര്‍ലി വാണിങ് ഡിറ്റക്ഷന്‍ ബിഗ് ഡാറ്റ പ്ലാറ്റ്ഫോം' (DEWDBDP) എന്ന് വിളിക്കപ്പെടുന്ന ആഗോള പ്രതിരോധ സംവിധാനമാണ് ചൈന വികസിപ്പിച്ചതെന്ന് സൗത്ത് ചൈന മോണിങ് പോസ്റ്റ് റിപ്പോര്‍ട്ട് ചെയ്തു.
പ്രതിരോധ സംവിധാനത്തിനത്തിന്റെ പ്രോട്ടോ ടൈപ്പ് വിന്യാസം പ്രാരംഭ ഘട്ടത്തിലാണെന്നും റിപ്പോര്‍ട്ടില്‍ പറയുന്നു. ഭൂമി മുഴുവന്‍ വ്യാപിച്ച് കിടക്കുന്ന ആദ്യത്തെ മിസൈല്‍ പ്രതിരോധ സംവിധാനമാണിത്. ചൈനയുടെ പീപ്പിള്‍സ് ലിബറേഷന്‍ ആര്‍മി (പിഎല്‍എ) ആണ് പ്രോടോ ടൈപ്പ് വികസിപ്പിക്കാന്‍ നേതൃത്വം നല്‍കുന്നത്. ചൈനയ്ക്ക് നേരെ വരാന്‍ സാധ്യതയുള്ള ഭീഷണികളെ തിരിച്ചറിയുന്നതിനും വിശകലനം ചെയ്യുന്നതിനും ഈ സംവിധാനത്തിന് സാധിക്കും.
അമേരിക്കന്‍ പ്രസിഡന്റ് ഡൊണാള്‍ഡ് ട്രംപിന്റെ സ്വപ്ന പദ്ധതിയായ ഗോള്‍ഡന്‍ ഡോമിന് സമാനമാണ് ചൈനയുടെ പുതിയ പദ്ധതി. ലോകത്ത് എവിടെ നിന്നും ചൈനയ്ക്ക് നേരെ തൊടുത്തുവിടുന്ന ആയിരം മിസൈലുകള്‍ വരെ ഒരേസമയം നിരീക്ഷിക്കാനും പ്രതിരോധിക്കാനും ഈ സംവിധാനത്തിന് കഴിയും.
കര, കടല്‍, വായു, ബഹിരാകാശം എന്നിവിടങ്ങളില്‍ നിന്നുള്ള എല്ലാ ഭീഷണികളെയും ചൈനയുടെ പുതിയ മിസൈല്‍ പ്രതിരോധ സംവിധാനത്തിന് നശിപ്പിക്കാന്‍ കഴിയും.
വാർത്തകൾക്ക് 📺 പിന്നിലെ സത്യമറിയാനും വേഗത്തിൽ⌚ അറിയാനും ഞങ്ങളുടെ വാട്ട്സാപ്പ് ചാനലിൽ അംഗമാകൂ 📲
https://whatsapp.com/channel/0029VaAscUeA89MdGiBAUc26
ഇവിടെ കൊടുക്കുന്ന അഭിപ്രായങ്ങള്‍ സീ ന്യൂസ് ലൈവിന്റെത് അല്ല. അവഹേളനപരവും വ്യക്തിപരമായ അധിക്ഷേപങ്ങളും അശ്‌ളീല പദപ്രയോഗങ്ങളും ദയവായി ഒഴിവാക്കുക.