ചിക്കാഗോ : 2026 ലെ സീറോ മലബാർ കൺവെൻഷനായുള്ള (SMC) രജിസ്ട്രേഷൻ കിക്കോഫ് ഡിട്രോയിറ്റിലെ സെൻറ് തോമസ് ഇടവകയിൽ നവംബർ 16 ന് വിജയകരമായി നടന്നു. ഇടവക വികാരി ഫാ. വിൽസൺ കണ്ടങ്കരിയുടെയും വിശ്വാസികളുടെയും പൂർണ പിന്തുണയോടെ നടന്ന ചടങ്ങിൽ 20 ൽ അധികം കുടുംബങ്ങൾ കൺവെൻഷനായി രജിസ്റ്റർ ചെയ്തു.
ഡിട്രോയിറ്റിൽ നടന്ന കിക്കോഫ് ചടങ്ങിൽ കത്തീഡ്രൽ ഇടവക അസിസ്റ്റൻ്റ് വികാരി ഫാ. യൂജിൻ ജോസഫ് പങ്കെടുത്തു. പബ്ലിസിറ്റി & മാർക്കറ്റിംഗ് ചെയർമാൻ സജി വർഗീസ്, കോർഡിനേറ്റർമാരായ സന്തോഷ് കാട്ടൂക്കാരൻ, ജിതേഷ് ചുങ്കത്ത്, റോമിയോ കാട്ടൂക്കാരൻ, ബിജോയ് തോമസ് എന്നിവരും കൺവെൻഷൻ ടീമിനൊപ്പം എത്തിയിരുന്നു. ഫാ. യൂജിൻ ജോസഫ് ഏവരെയും കൺവെൻഷനിലേക്ക് ക്ഷണിച്ചു.
ഡിട്രോയിറ്റ് സെൻറ് തോമസ് ദേവാലയത്തിലെ പ്രതിനിധികളായ ബൈജി ജോസഫ്, കുഞ്ഞച്ചൻ മണലേൽ, സൈജൻ കണിയോടിക്കൽ, ബ്രിജിഡ് ജേക്കബ്, ആൻ മസ്കരേനാസ്, ട്രസ്റ്റിമാരായ ജോസ് ഫിലിപ്പ്, ജയ്മോൻ ജേക്കബ്, ക്രിസ് മൂഴയിൽ എന്നിവർ കിക്കോഫ് പരിപാടികൾക്ക് നേതൃത്വം നൽകി. കൺവെൻഷന്റെ പ്രാധാന്യത്തെക്കുറിച്ച് സജി വർഗീസ് വിശദീകരിച്ചു.
ഈ കൺവെൻഷനോടനുബന്ധിച്ച് രൂപതയുടെ പ്രഥമ ഇടയനായ മാർ ജേക്കബ് അങ്ങാടിയത്തിന്റെ മെത്രാഭിഷേക ജൂബിലിയും ആഘോഷിക്കുന്നു. കൺവെൻഷൻ പ്രതിനിധികൾ രൂപതയിലെ എല്ലാ ഇടവകകളും സന്ദർശിച്ച് രജിസ്ട്രേഷൻ പ്രവർത്തനങ്ങൾക്ക് നേതൃത്വം നൽകുന്നുണ്ട്. കൂടുതൽ വിവരങ്ങൾക്കും രജിസ്ട്രേഷനുമായി www.syroConvention.org എന്ന വെബ്സൈറ്റ് സന്ദർശിക്കാവുന്നതാണ്.
ചിക്കാഗോ രൂപതയുടെ നേതൃത്വത്തിൽ 2026 ജൂലൈ ഒമ്പത് മുതൽ 12 വരെ ചിക്കാഗോയിലെ ചരിത്രപ്രസിദ്ധമായ മക്കോർമിക് പ്ലേസിലാണ് സീറോ മലബാർ കൺവെൻഷൻ നടക്കുന്നത്. അമേരിക്കയിലെ സീറോ മലബാർ വിശ്വാസികളെ ഒരു കുടക്കീഴിൽ ഒരുമിപ്പിക്കാൻ ലക്ഷ്യമിട്ടുള്ളതാണ് ഈ നാല് ദിവസത്തെ മഹാസമ്മേളനം.
വാർത്തകൾക്ക് 📺 പിന്നിലെ സത്യമറിയാനും വേഗത്തിൽ⌚ അറിയാനും ഞങ്ങളുടെ വാട്ട്സാപ്പ് ചാനലിൽ അംഗമാകൂ 📲
https://whatsapp.com/channel/0029VaAscUeA89MdGiBAUc26
ഇവിടെ കൊടുക്കുന്ന അഭിപ്രായങ്ങള്‍ സീ ന്യൂസ് ലൈവിന്റെത് അല്ല. അവഹേളനപരവും വ്യക്തിപരമായ അധിക്ഷേപങ്ങളും അശ്‌ളീല പദപ്രയോഗങ്ങളും ദയവായി ഒഴിവാക്കുക.