ന്യൂഡല്‍ഹി: സുരക്ഷാ മാനദണ്ഡങ്ങള്‍ ലംഘിക്കുന്ന എല്ലാ സ്ലീപ്പര്‍ ബസുകളും നീക്കം ചെയ്യാന്‍ ദേശീയ മനുഷ്യാവകാശ കമ്മിഷന്റെ സുപ്രധാന നിര്‍ദേശം. ഇതു സംബന്ധിച്ച് എല്ലാ സംസ്ഥാനങ്ങളുടെയും ചീഫ് സെക്രട്ടറിമാര്‍ക്ക് മനുഷ്യാവകാശ കമ്മിഷന് നിര്‍ദേശം നല്‍കിയിട്ടുണ്ട്. ഇത്തരം ബസുകള്‍ക്ക് യാത്രക്കിടെ തീ പിടിക്കുന്നുവെന്ന പരാതിയിലാണ് നടപടി.
സ്ലീപ്പര്‍ ബസുകളുടെ സുരക്ഷാ സംവിധാനങ്ങള്‍ മെച്ചപ്പെടുത്തണമെന്ന് മനുഷ്യാവകാശ കമ്മിഷന് ലഭിച്ച പരാതിയില്‍ പറയുന്നു. പരാതിയില്‍ രണ്ടാഴ്ചക്കുള്ളില്‍ നടപടി സ്വീകരിച്ച് റിപ്പോര്‍ട്ട് സമര്‍പ്പിക്കാന്‍ കേന്ദ്ര റോഡ് ഗതാഗത, ഹൈവേ മന്ത്രാലയം സെക്രട്ടറി, പൂനെ സെന്‍ട്രല്‍ ഇന്‍സ്റ്റിറ്റ്യൂട്ട് ഓഫ് റോഡ് ട്രാന്‍സ്‌പോര്‍ട്ട് ഡയറക്ടര്‍ എന്നിവര്‍ക്ക് മനുഷ്യാവകാശ കമ്മിഷന് നോട്ടീസ് നല്‍കി.
കഴിഞ്ഞ മാസം രാജസ്ഥാനില്‍ ഓടിക്കൊണ്ടിരുന്ന എസി ബസിന് തീപിടിച്ച് 20 പേര്‍ മരിച്ചിരുന്നു. ജയ്‌സാല്‍മീറില്‍ നിന്ന് പുറപ്പെട്ട് ഏകദേശം 20 കിലോ മീറ്റര്‍ പിന്നിട്ടപ്പോള്‍ ബസില്‍ നിന്ന് പുകയുയര്‍ന്നു. സംഭവം ശ്രദ്ധയില്‍പ്പെട്ട ഡ്രൈവര്‍ വാഹനം നിര്‍ത്തുകയായിരുന്നു.
നിമിഷങ്ങള്‍ക്കുള്ളില്‍ തീപിടിക്കുകയും ആളിക്കത്തുകയും ചെയ്തു. ഗ്രാമവാസികളും മറ്റ് വാഹന യാത്രക്കാരും ചേര്‍ന്നാണ് ആദ്യം രക്ഷാപ്രവര്‍ത്തനം നടത്തിയത്. ബസ് പൂര്‍ണമായും കത്തിക്കരിഞ്ഞു. ഷോര്‍ട്ട് സര്‍ക്യൂട്ടാണ് അപകട കാരണമെന്ന് കരുതുന്നു. ഇതിന് പിന്നാലെയാണ് മനുഷ്യാവകാശ കമ്മിഷന് പരാതി ലഭിച്ചത്.
വാർത്തകൾക്ക് 📺 പിന്നിലെ സത്യമറിയാനും വേഗത്തിൽ⌚ അറിയാനും ഞങ്ങളുടെ വാട്ട്സാപ്പ് ചാനലിൽ അംഗമാകൂ 📲
https://whatsapp.com/channel/0029VaAscUeA89MdGiBAUc26
ഇവിടെ കൊടുക്കുന്ന അഭിപ്രായങ്ങള്‍ സീ ന്യൂസ് ലൈവിന്റെത് അല്ല. അവഹേളനപരവും വ്യക്തിപരമായ അധിക്ഷേപങ്ങളും അശ്‌ളീല പദപ്രയോഗങ്ങളും ദയവായി ഒഴിവാക്കുക.