ന്യൂഡല്ഹി: ഇന്ത്യ-റഷ്യ വാര്ഷിക ഉച്ചകോടിക്കായി റഷ്യന് പ്രസിഡന്റ് വ്ളാഡിമിര് പുടിന് ഇന്ന് ഇന്ത്യയില് എത്തും. ഇരു രാജ്യങ്ങളും തമ്മിലുള്ള ഉഭയകക്ഷി ബന്ധം കൂടുതല് മെച്ചപ്പെടുത്തുകയാണ് ലക്ഷ്യം. രണ്ട് ദിവസത്തെ സന്ദര്ശന വേളയില് പ്രാദേശിക, ആഗോള വിഷയങ്ങളില് പുടിന് പ്രധാനമന്ത്രി നരേന്ദ്ര മോഡിയുമായി ചര്ച്ച നടത്തും.
വ്യാപാരം, പ്രതിരോധം, സമ്പദ് വ്യവസ്ഥ, ആരോഗ്യ സംരക്ഷണം, അക്കാഡമിക് എന്നിവയുമായി ബന്ധപ്പെട്ട മേഖലകള് ഉള്പ്പെടെ നിരവധി കരാറുകളില് ഇരു രാജ്യങ്ങളും ഒപ്പുവെയ്ക്കും. 2030 ആകുമ്പോഴേക്കും ഉഭയകക്ഷി വ്യാപാരം 100 ബില്യണ് ഡോളറായി ഉയര്ത്തുക എന്ന ലക്ഷ്യത്തോടെ വ്യാപാര, സാമ്പത്തിക ബന്ധങ്ങള് ശക്തിപ്പെടുത്തുകയാണ് ലക്ഷ്യം.
വെള്ളിയാഴ്ച രാഷ്ട്രപതി ഭവനിലെ അത്താഴ വിരുന്നിലും പുടിന് പങ്കെടുക്കും. റഷ്യന് പ്രസിഡന്റിന്റെ സന്ദര്ശനത്തോട് അനുബന്ധിച്ച് കര്ശന സുരക്ഷയാണ് രാജ്യ തലസ്ഥാനത്ത് ഏര്പ്പെടുത്തിയിരിക്കുന്നത്. ഇന്ത്യയുടെ സുരക്ഷയ്ക്ക് പുറമേ റഷ്യയുടെ അഡ്വാന്സ് സെക്യൂരിറ്റി, പ്രോട്ടോക്കോള് ടീമുകളും സുരക്ഷ ഒരുക്കുന്നുണ്ട്.
വാർത്തകൾക്ക് 📺 പിന്നിലെ സത്യമറിയാനും വേഗത്തിൽ⌚ അറിയാനും ഞങ്ങളുടെ വാട്ട്സാപ്പ് ചാനലിൽ അംഗമാകൂ 📲
https://whatsapp.com/channel/0029VaAscUeA89MdGiBAUc26
ഇവിടെ കൊടുക്കുന്ന അഭിപ്രായങ്ങള് സീ ന്യൂസ് ലൈവിന്റെത് അല്ല. അവഹേളനപരവും വ്യക്തിപരമായ അധിക്ഷേപങ്ങളും അശ്ളീല പദപ്രയോഗങ്ങളും ദയവായി ഒഴിവാക്കുക.