വെള്ളിത്തിരയിലെ 'ആഘോഷം' ഇനി കാമ്പസിലും ; യൂണിയൻ ഉദ്ഘാടനത്തിന് നരേനും സംഘവും ചങ്ങനാശേരിയിൽ ; ട്രെയ്ലർ ലോഞ്ച് നാളെ

ചങ്ങനാശേരി: 75 വർഷത്തെ ചരിത്രമുള്ള ചങ്ങനാശേരി അസംപ്ഷൻ കോളജ് കാമ്പസ് നാളെ ചലച്ചിത്ര താരങ്ങളുടെ സംഗമത്തിന് വേദിയാകും. കോളേജ് യൂണിയൻ & ആർട്‌സ് ക്ലബ്ബ് ഉദ്ഘാടനത്തോടനുബന്ധിച്ച് പ്രമുഖ താരങ്ങൾ അണിനിരക്കുന്ന പുതിയ മലയാള ചിത്രം 'ആഘോഷം' സിനിമയുടെ ഗ്രാൻഡ് ട്രെയ്ലർ റിലീസും നടക്കും.

2025-26 വർഷത്തേക്കുള്ള യൂണിയൻ ഉദ്ഘാടനമാണ് നാളെ നടക്കുക. രാവിലെ 9. 30 ന് പോപ്പ് ജോൺ പോൾ II ഇൻഡോർ കോർട്ടിലാണ് പരിപാടി നടക്കുക.

തുടർന്ന് 11.00 മണിക്ക് നടക്കുന്ന ട്രെയ്ലർ റിലീസിൽ ചിത്രത്തിലെ പ്രധാന അഭിനേതാക്കളും അണിയറ പ്രവർത്തകരും പങ്കെടുക്കും. ​ഗുഡ് വിൽ എന്റർടെയിന്മെന്റിന്റെ പേജിലൂടെ വൈകിട്ട് അഞ്ച് മണിക്ക്  ട്രെയ്ലർ പ്രസിദ്ധീകരിക്കും. ചലച്ചിത്ര താരങ്ങൾ കാമ്പസിലെത്തുന്നതോടെ യൂണിയൻ ഉദ്ഘാടന ചടങ്ങും ട്രെയ്ലർ ലോഞ്ചും ചങ്ങനാശേരിക്ക് ആവേശകരമായ അനുഭവമാകും.

സി.എൻ ഗ്ലോബൽ മൂവീസിന്റെ ബാനറിൽ ഡോ. ലിസി കെ. ഫെർണാണ്ടസും ഡോ. പ്രിൻസ് പ്രോസി ഓസ്ട്രിയയും ടീമും ചേർന്നാണ് ചിത്രം നിർമ്മിക്കുന്നത്. അമൽ കെ ജോബിയാണ് ചിത്രം സംവിധാനം ചെയ്യുന്നത്. റോസ്മിൻ, ധ്യാൻ ശ്രീനിവാസൻ, ജെയ്സ് ജോസ്, ജോണി ആൻ്റണി, രൺജി പണിക്കർ, അജു വർഗീസ്, ബോബി കുര്യൻ, ഷാജു ശ്രീധർ, മഖ്ബൂൽ സൽമാൻ, കോട്ടയം രമേശ്, കൈലാഷ്, ദിവ്യദർശൻ, റുഷിൻ ഷാജി കൈലാസ്, നിഖിൽ രൺജി പണിക്കർ, വിജയ് നെല്ലിസ്, നാസർ ലത്തീഫ്, ഡിനി ഡാനിയേൽ, ടൈറ്റസ് ജോൺ, ജോയ് ജോൺ ആന്റണി, അഞ്ജലി ജോസഫ്, ജെൻസ് ജോസ് എന്നിവരും നിരവധി പുതുമുഖങ്ങളും ഈ ചിത്രത്തിൽ അണിനിരക്കുന്നുണ്ട്.

സ്റ്റീഫൻ ദേവസി, ഗൗതം വിൻസെന്റ്, ഹരിനാരായണൻ, സന്തോഷ് വർമ്മ എന്നിവരാണ് ഗാനങ്ങൾക്ക് ഈണവും വരികളും നൽകിയിരിക്കുന്നത്. എം.ജി ശ്രീകുമാർ, വിനീത് ശ്രീനിവാസൻ, സൂര്യ ശ്യാംകുമാർ എന്നിവരും നിരവധി യുവഗായകരും ചേർന്നാണ് ഗാനങ്ങൾ ആലപിച്ചിട്ടുള്ളത്.
പശ്ചാത്തല സംഗീതം 4 മ്യൂസിക്. ഛായാഗ്രഹണം -റോജോ തോമസ്, എഡിറ്റിംഗ് -ഡോൺ മാക്സ്. ചീഫ് അസോസിയേറ്റ് ഡയറക്ടർ -അമൽദേവ് കെ.ആർ, പ്രൊജക്റ്റ് ഡിസൈനർ -ടൈറ്റസ് ജോൺ.

പ്രൊഡക്ഷൻ കൺട്രോളർ- നന്ദു പൊതുവാൾ. കലാസംവിധാനം- രജീഷ് കെ സൂര്യ. മേക്കപ്പ്-മാളൂസ് കെ പി. കോസ്റ്റ്യൂം ഡിസൈൻ- ബബിഷ കെ. രാജേന്ദ്രൻ. കൊറിയോഗ്രാഫേഴ്സ്- സനോജ് ഡെൽഗ ഡോസ്, അന്ന പ്രസാദ്, ശ്യാം ഡോക്. പ്രൊഡക്ഷൻ എക്സിക്യൂട്ടീവ്സ്- പ്രണവ് മോഹൻ, ആൻ്റണി കുട്ടമ്പുഴ. പിആർഒ- മഞ്ജു ഗോപിനാഥ്. സ്റ്റിൽസ് -ജയ്സൺ ഫോട്ടോലാൻ്റ്. ഡിസൈൻസ് -പ്രമേഷ് പ്രഭാകർ. പാലക്കാട് ചിത്രീകരണം പൂർത്തിയാക്കിയ ആഘോഷം ഉടൻ തിയേറ്ററുകളിൽ എത്തും.