തിരുവനന്തപുരം: ശ്രീലങ്കയ്ക്കെതിരായ വനിതാ ടി20 പരമ്പരയില് റെക്കോര്ഡ് നേട്ടവുമായി സ്മൃതി മന്ദാന. രാജ്യാന്തര ട്വന്റി-20 പരമ്പരയില് പതിനായിരം റണ്സ് തികയ്ക്കുന്ന നാലാമത്തെ വനിതാ താരമാണ് സ്മൃതി. ശ്രീലങ്കയ്ക്കെതിരായ ട്വന്റി-20 പരമ്പരയിലെ നാലാം മല്സരത്തിലാണ് സ്മൃതിയുടെ നേട്ടം.
റെക്കോര്ഡ് നേട്ടത്തോടെ മിതാലി രാജിനെ മറികടന്ന സ്മൃതി അതിവേഗം രാജ്യാന്തര മല്സരങ്ങളില് 10000 റണ്സ് തികയ്ക്കുന്ന താരമായി മാറിയിരിക്കുകയാണ്. 281 ഇന്നിങ്സുകളില് നിന്നായാണ് റെക്കോര്ഡ് സ്വന്തമാക്കിയത്.
വനിതാ ടി20 പരമ്പരയിലെ നാലാം മത്സരത്തില് ഇന്ത്യ രണ്ട് വിക്കറ്റ് നഷ്ടത്തില് ബാറ്റിങ് തുടരുകയാണ്. ടോസ് നേടിയ ശ്രീലങ്ക ഇന്ത്യയെ ബാറ്റിങ്ങിനയക്കുകയായിരുന്നു. ആദ്യ മൂന്ന് മത്സരങ്ങളിലും നിഷ്പ്രയാസം വിജയിച്ചതിന്റെ ആത്മവിശ്വാസത്തിലാണ് ഇന്ത്യന് വനിതാ ടീം. കാര്യവട്ടം സ്പോര്ട്സ് ഹബ് ഗ്രീന്ഫീല്ഡ് സ്റ്റേഡിയത്തില് രാത്രി ഏഴോടെയാണ് മത്സരം ആരംഭിച്ചത്.
വിജയം തുടര്ന്ന് ആധിപത്യം ഉറപ്പിക്കാനാണ് ഹര്മന്പ്രീത് കൗറും സംഘവും ലക്ഷ്യമിടുന്നത്. പരമ്പര നഷ്ടമായെങ്കിലും ബാക്കിയുള്ള മത്സരങ്ങളില് ജയിച്ച് തിരിച്ചുവരാനുള്ള ശ്രമത്തിലാണ് ശ്രീലങ്കന് വനിതകള്. അതേസമയം ആദ്യ മൂന്ന് മത്സരങ്ങളും ആധികാരികമായി വിജയിച്ച ഇന്ത്യ പരമ്പര ഇതിനോടകം സ്വന്തമാക്കിയിട്ടുണ്ട്. ദീപ്തി ശര്മയുടെയും രേണുക സിങ് ഠാക്കൂറിന്റെയും ബൗളിങ് പ്രകടനവും ഓപ്പണര് ഷെഫാലി വര്മയുടെ തകര്പ്പന് ഫോമുമാണ് കാര്യവട്ടത്തെ ആദ്യ മത്സരത്തില് ഇന്ത്യക്ക് വിജയം നല്കിയത്. പരമ്പരയില് മികച്ച സ്കോര് നേടാനായില്ല.
ബാറ്റിങ് നിരയുടെ പരാജയമാണ് ശ്രീലങ്കയെ മത്സരത്തില് വലയ്ക്കുന്നത്. മൂന്ന് മത്സരത്തിലും 130 ന് മുകളില് സ്കോര് ചെയ്യാന് ടീമിനായില്ല. ക്യാപ്റ്റന് ചമരി അട്ടപട്ടുവിനും മികച്ച സ്കോര് കണ്ടെത്താനായില്ല. കഴിഞ്ഞ മത്സരത്തില് എട്ട് വിക്കറ്റിനായിരുന്നു ഇന്ത്യയുടെ വിജയം. വെള്ളിയാഴ്ച നടന്ന മത്സരത്തില് എണ്ണായിരത്തോളം കാണികളാണ് കാര്യവട്ടം ഗ്രീന്ഫീല്ഡ് സ്റ്റേഡിയത്തില് എത്തിയത്. അഞ്ച് മത്സരങ്ങളുള്ള പരമ്പരയിലെ അവസാന മത്സരം ചൊവ്വാഴ്ച നടക്കും.
വാർത്തകൾക്ക് 📺 പിന്നിലെ സത്യമറിയാനും വേഗത്തിൽ⌚ അറിയാനും ഞങ്ങളുടെ വാട്ട്സാപ്പ് ചാനലിൽ അംഗമാകൂ 📲
https://whatsapp.com/channel/0029VaAscUeA89MdGiBAUc26
ഇവിടെ കൊടുക്കുന്ന അഭിപ്രായങ്ങള് സീ ന്യൂസ് ലൈവിന്റെത് അല്ല. അവഹേളനപരവും വ്യക്തിപരമായ അധിക്ഷേപങ്ങളും അശ്ളീല പദപ്രയോഗങ്ങളും ദയവായി ഒഴിവാക്കുക.