ന്യൂഡല്ഹി: മുന് ഡിജിപി ജേക്കബ് തോമസ് പ്രതിയായ ഡ്രജ്ജര് അഴിമതിക്കേസില് തെറ്റായ വിവരം ധരിപ്പിച്ചതിന് കേന്ദ്ര സര്ക്കാരിന് പിഴയിട്ട് സുപ്രീം കോടതി. കോടതിയെ വിഡ്ഢിയാക്കാന് ശ്രമിക്കുകയാണോ എന്ന് ചോദിച്ച കോടതി 25,000 രൂപയാണ് പിഴ ചുമത്തിയത്.
നെതര്ലാന്ഡിലേക്ക് അന്വേഷണത്തിന് പോകാനുള്ള ഉദ്യോഗസ്ഥരുടെ വിവരങ്ങളും അപേക്ഷയും കേരള സര്ക്കാര് നല്കിയില്ലെന്ന് കേന്ദ്രത്തിനായി ഹാജരായ അഡീഷണല് സോളിസിറ്റര് ജനറല് എസ്.വി രാജു രാവിലെ കോടതിയെ അറിയിച്ചിരുന്നു.
എന്നാല് ഇത് തെറ്റാണെന്നും വിവരങ്ങള് ധരിപ്പിച്ചെന്നും സംസ്ഥാനത്തിനായി മുതിര്ന്ന അഭിഭാഷകന് ജയന്ത് മുത്തുരാജ്, സ്റ്റാന്ഡിങ് കൗണ്സല് ഹര്ഷദ് വി. ഹമീദ് എന്നിവര് കോടതിയെ അറിയിച്ചു.
ഉച്ചയ്ക്ക് കേസ് വീണ്ടും പരിഗണിച്ചപ്പോള് കേന്ദ്രം നിലപാട് തിരുത്തി. ഇതോടെ, ഇത്തരം നിലപാടുകള് അംഗീകരിക്കാനാവില്ലെന്ന് വ്യക്തമാക്കിയാണ് സുപ്രീം കോടതി പിഴ ചുമത്തിയത്. 50,000 രൂപ പിഴ ചുമത്തുന്നുവെന്നാണ് ജസ്റ്റിസ് രാജേഷ് ബിന്ഡാല് ആദ്യം പറഞ്ഞത്. അഡീഷണല് സോളിസിറ്റര് ജനറലിന്റെ അഭ്യര്ഥന പരിഗണിച്ച് പിന്നീട് പകുതിയായി കുറയ്ക്കുകയായിരുന്നു.
വാർത്തകൾക്ക് 📺 പിന്നിലെ സത്യമറിയാനും വേഗത്തിൽ⌚ അറിയാനും ഞങ്ങളുടെ വാട്ട്സാപ്പ് ചാനലിൽ അംഗമാകൂ 📲
https://whatsapp.com/channel/0029VaAscUeA89MdGiBAUc26
ഇവിടെ കൊടുക്കുന്ന അഭിപ്രായങ്ങള് സീ ന്യൂസ് ലൈവിന്റെത് അല്ല. അവഹേളനപരവും വ്യക്തിപരമായ അധിക്ഷേപങ്ങളും അശ്ളീല പദപ്രയോഗങ്ങളും ദയവായി ഒഴിവാക്കുക.