തിരുവനന്തപുരം: വിഴിഞ്ഞം തുറമുഖത്തിന്റെ രണ്ടാംഘട്ട നിര്മാണ പ്രവര്ത്തനങ്ങള്ക്ക് ഇന്ന് ഔദ്യോഗിക തുടക്കമാകും. വൈകുന്നേരം നാലിന് നടക്കുന്ന ചടങ്ങില് മുഖ്യമന്ത്രി പിണറായി വിജയന് നിര്മാണ പ്രവര്ത്തനങ്ങള് ഉദ്ഘാടനം ചെയ്യും. കേന്ദ്ര ഷിപ്പിങ് മന്ത്രി സര്ബാനന്ദ സോനോവാള് മുഖ്യാതിഥിയാകും.
തുറമുഖത്തിന്റെ സമ്പൂര്ണ വികസനമാണ് ഈ ഘട്ടത്തില് പൂര്ത്തിയാകുക. 2028 ഓടെ നിര്മാണം പൂര്ത്തിയായി വിഴിഞ്ഞം പൂര്ണ സജ്ജമാകും. 10000 കോടി രൂപയുടെ നിര്മാണ പ്രവര്ത്തനങ്ങളാണ് രണ്ടാം ഘട്ടത്തില് നടക്കുക. റെയില്വേ യാര്ഡ്, മള്ട്ടി പര്പ്പസ് ബെര്ത്ത്, ലിക്വിഡ് ടെര്മിനല്, ടാങ്ക് ഫാം എന്നിവയും രണ്ടാം ഘട്ടത്തില് ഉള്പ്പെടും. വിഴിഞ്ഞത്ത് ഇതിനകം 710 കപ്പലുകളില് നിന്നായി 15.19 ലക്ഷം കണ്ടെയ്നറുകളാണ് കൈകാര്യം ചെയ്തിട്ടുള്ളത്. 2028 ല് വിഴിഞ്ഞം പൂര്ണ സജ്ജമാകുന്നതോടെ തുറമുഖത്തിന്റെ ശേഷി അഞ്ചിരിട്ടയായി ഉയരും.
ആകെ 10000 കോടി രൂപ ചെലവ് വരുന്ന നിര്മാണമാണ് വിഴിഞ്ഞം തുറമുഖത്ത് രണ്ടാം ഘട്ടത്തില് നടക്കുന്നത്. 2015 ഡിസംബര് അഞ്ചിനാണ് വിഴിഞ്ഞം തുറമുഖ നിര്മാണം ആദ്യഘട്ടം ആരംഭിക്കുന്നത്. 2024 ഡിസംബര് മൂന്നിനാണ് വാണിജ്യാടിസ്ഥാനത്തില് ഔദ്യോഗികമായി പ്രവര്ത്തനം തുടങ്ങിയത്. 2025 മെയ് രണ്ടിനാണ് വിഴിഞ്ഞം അന്താരാഷ്ട്ര തുറമുഖം ഔദ്യോഗികമായി കമ്മീഷന് ചെയ്തത്.
2025 ജൂണ് ഒന്പതിന് ലോകത്തിലെ ഏറ്റവും വലിയ കണ്ടെയ്നര് കപ്പലായ എം.എസ്.സി ഐറിന വിഴിഞ്ഞത്ത് എത്തി. 2025 സെപ്റ്റംബര് 23 ന് 500 മാത്തെ കപ്പല് വിഴിഞ്ഞത്ത് നങ്കൂരമിട്ടു. 2025 ഡിസംബറില് ഒരു മാസം 1.21 ലക്ഷം കണ്ടെയ്നര് കൈകാര്യം ചെയ്ത് റെക്കോര്ഡ് നേട്ടവും കൈവരിച്ചു.
വാർത്തകൾക്ക് 📺 പിന്നിലെ സത്യമറിയാനും വേഗത്തിൽ⌚ അറിയാനും ഞങ്ങളുടെ വാട്ട്സാപ്പ് ചാനലിൽ അംഗമാകൂ 📲
https://whatsapp.com/channel/0029VaAscUeA89MdGiBAUc26
ഇവിടെ കൊടുക്കുന്ന അഭിപ്രായങ്ങള് സീ ന്യൂസ് ലൈവിന്റെത് അല്ല. അവഹേളനപരവും വ്യക്തിപരമായ അധിക്ഷേപങ്ങളും അശ്ളീല പദപ്രയോഗങ്ങളും ദയവായി ഒഴിവാക്കുക.