തിരുവനന്തപുരം: മത സ്ഥാപനങ്ങളുടെ നിയന്ത്രണത്തിലുള്ള മന്ദിരങ്ങള്, മഠങ്ങള്, കോണ്വെന്റുകള്, ആശ്രമങ്ങള്, മതവുമായി ബന്ധപ്പെട്ട സ്ഥാപനങ്ങള് എന്നിവിടങ്ങളില് താമസിക്കുന്ന കന്യാസ്ത്രീകള് ഉള്പ്പെടെയുള്ള അര്ഹരായ സ്ത്രീകള്ക്ക് സര്ക്കാരിന്റെ സാമൂഹ്യ സുരക്ഷാ പദ്ധതിയുടെ ആനുകൂല്യങ്ങള് ലഭ്യമാക്കും. അതിനായി സംസ്ഥാന സര്ക്കാര് പ്രത്യേക പദ്ധതിക്ക് അംഗീകാരം നല്കി.
അവിവാഹിതരായ 50 വയസില് കൂടുതല് പ്രായമുള്ള ശമ്പളം, പെന്ഷന്, സര്ക്കാരിന്റെ മറ്റ് ആനുകൂല്യങ്ങള് എന്നിവ ലഭിക്കാത്ത മേല് വിഭാഗത്തില്പ്പെട്ട സ്ത്രീകളെ പ്രത്യേക വിഭാഗമായി കണക്കാക്കിയാണ് പദ്ധതിയില് ഉള്പ്പെടുത്തുന്നത്.
ഇവര്ക്ക് 2001 മാര്ച്ച് 31 ലെ ഉത്തരവ് പ്രകാരം അനുവദിച്ചിട്ടുള്ള പെന്ഷന് അനുവദിക്കുന്നതിന് പൊതുവില് നിര്ബന്ധമാക്കിയിട്ടുള്ള വരുമാന സര്ട്ടിഫിക്കറ്റ്, അവിവാഹിത സര്ട്ടിഫിക്കറ്റ് എന്നിവ ഒഴിവാക്കി നല്കും. പകരം പ്രത്യേക അപേക്ഷ ഫോറം അംഗീകരിക്കാനാണ് മന്ത്രിസഭാ യോഗത്തില് തീരുമാനം ആയത്.
വാർത്തകൾക്ക് 📺 പിന്നിലെ സത്യമറിയാനും വേഗത്തിൽ⌚ അറിയാനും ഞങ്ങളുടെ വാട്ട്സാപ്പ് ചാനലിൽ അംഗമാകൂ 📲
https://whatsapp.com/channel/0029VaAscUeA89MdGiBAUc26
ഇവിടെ കൊടുക്കുന്ന അഭിപ്രായങ്ങള് സീ ന്യൂസ് ലൈവിന്റെത് അല്ല. അവഹേളനപരവും വ്യക്തിപരമായ അധിക്ഷേപങ്ങളും അശ്ളീല പദപ്രയോഗങ്ങളും ദയവായി ഒഴിവാക്കുക.