ബ്രസൽസ്: യൂറോപ്യൻ രാജ്യമായ ബെൽജിയത്തിൽ കത്തോലിക്ക സഭയ്ക്ക് പുത്തൻ പ്രതീക്ഷയേകി മുതിർന്നവരുടെ ജ്ഞാനസ്നാന സ്വീകരണത്തിൽ വലിയ വർധനവ് രേഖപ്പെടുത്തി. ഈ വർഷം മാമോദീസ സ്വീകരിച്ച് സഭയുടെ ഭാഗമാകാൻ ഒരുങ്ങുന്ന മുതിർന്നവരുടെ എണ്ണം 689 ആയി ഉയർന്നതായി സഭാനേതൃത്വം വ്യക്തമാക്കി.
കഴിഞ്ഞ വർഷം ഇത് 534 ആയിരുന്നു. മുൻ വർഷത്തെ അപേക്ഷിച്ച് വിശ്വാസ സ്വീകരണത്തിൽ 30 ശതമാനത്തിന്റെ വളർച്ചയാണ് ഇത്തവണ ഉണ്ടായിരിക്കുന്നത്. യൂറോപ്പിലെ ഏറ്റവും മതേതര രാജ്യങ്ങളിലൊന്നായി കണക്കാക്കപ്പെടുന്ന ബെൽജിയത്തിൽ മുതിർന്ന ആളുകൾ കത്തോലിക്ക വിശ്വാസത്തിലേക്ക് മടങ്ങുന്നുവെന്ന സൂചനയാണ് പുതിയ കണക്കുകൾ നൽകുന്നത്.
കഴിഞ്ഞ ഒരു പതിറ്റാണ്ടിനിടെ പ്രായപൂർത്തിയായവരുടെ ജ്ഞാനസ്നാന സ്വീകരണത്തിൽ വലിയ കുതിച്ചുചാട്ടമാണുണ്ടായത്. 2016 ൽ 229 മുതിർന്നവർ മാത്രമാണ് സഭയിലേക്ക് ചേർന്നിരുന്നതെങ്കിൽ പത്ത് വർഷത്തിന് ശേഷം ഇത് മൂന്ന് മടങ്ങായി വർദ്ധിച്ചുവെന്ന് കണക്കുകൾ സ്ഥിരീകരിക്കുന്നു.
2026 ൽ ഏറ്റവും കൂടുതൽ മുതിർന്നവരുടെ മാമോദീസ നടക്കുന്നത് ബ്രസൽസ് രൂപതയിലാണ്. 152 മുതിർന്നവരാണ് ഇവിടെ വിശ്വാസം സ്വീകരിക്കാൻ തയ്യാറെടുക്കുന്നത്. ഏകദേശം 12 ദശലക്ഷം ജനസംഖ്യയുള്ള ബെൽജിയത്തിൽ പകുതിയോളം പേരും നിലവിൽ മാമോദീസ സ്വീകരിച്ച കത്തോലിക്ക വിശ്വാസികളാണ്.
പൊതുവെ ജനന നിരക്ക് കുറവുള്ള രാജ്യങ്ങളുടെ പട്ടികയിലാണെങ്കിലും മുതിർന്നവരുടെ ജ്ഞാനസ്നാനത്തിലുണ്ടായ ഈ വർധനവ് ബെൽജിയത്തിലെ സഭയ്ക്ക് പുതിയ ഉണർവ് പകരുകയാണ്. ബെനഡിക്ട് പതിനാറാമൻ മാർപാപ്പയെയും ഫ്രാൻസിസ് പാപ്പയെയും തിരഞ്ഞെടുത്ത കോൺക്ലേവുകളിൽ പങ്കെടുത്ത അന്തരിച്ച കർദിനാൾ പോളികാർപോ പെങ്കോയെപ്പോലുള്ള ഉന്നത നേതാക്കളുടെ സേവനങ്ങളും ആഗോള സഭയുടെ വളർച്ചയിൽ നിർണായകമായിരുന്നു.
വാർത്തകൾക്ക് 📺 പിന്നിലെ സത്യമറിയാനും വേഗത്തിൽ⌚ അറിയാനും ഞങ്ങളുടെ വാട്ട്സാപ്പ് ചാനലിൽ അംഗമാകൂ 📲
https://whatsapp.com/channel/0029VaAscUeA89MdGiBAUc26
ഇവിടെ കൊടുക്കുന്ന അഭിപ്രായങ്ങള് സീ ന്യൂസ് ലൈവിന്റെത് അല്ല. അവഹേളനപരവും വ്യക്തിപരമായ അധിക്ഷേപങ്ങളും അശ്ളീല പദപ്രയോഗങ്ങളും ദയവായി ഒഴിവാക്കുക.