കണ്ണൂര്: പയ്യന്നൂരിലെ വ്യാജ ആധാര് കാര്ഡ് പരാതിയില് റിപ്പോര്ട്ട് തേടി തിരഞ്ഞെടുപ്പ് കമ്മീഷന്. പരാതിയില് മുഖ്യ തിരഞ്ഞെടുപ്പ് ഓഫീസര് രത്തന് യു ഖേല്ക്കര് ജില്ലാ കളക്ടറോട് അടിയന്തര റിപ്പോര്ട്ട് തേടിയിരിക്കുകയാണ്. ഇന്ന് രാത്രിയോടെ റിപ്പോര്ട്ട് നല്കണമെന്നാണ് നിര്ദേശം.
റിപ്പോര്ട്ട് ലഭിച്ചതിന് ശേഷം തുടര് നടപടികള് തീരുമാനിക്കുമെന്ന് മുഖ്യ തിരഞ്ഞെടുപ്പ് ഓഫീസര് വ്യക്തമാക്കി. കെപിസിസി നല്കിയ പരാതിയിലാണ് മുഖ്യ തിരഞ്ഞെടുപ്പ് ഓഫീസറുടെ നടപടി. പയ്യന്നൂര്, കല്യാശേരി മണ്ഡലങ്ങളില് വ്യാപകമായി ഇരട്ട വോട്ട് ചേര്ത്തെന്നും പരാതിയില് പറയുന്നു.
സിപിഐഎം പയ്യന്നൂര് ഏരിയ കമ്മിറ്റി ഓഫീസിന്റെ മൂന്നാം നിലയില് വ്യാജ ആധാര് കാര്ഡുകളുണ്ടാക്കുന്നുണ്ടെന്ന് എഐസിസി സംഘടനാ ചുമതലയുള്ള ജനറല് സെക്രട്ടറി കെ.സി വേണുഗോപാല് ആരോപിച്ചിരുന്നു.
വാർത്തകൾക്ക് 📺 പിന്നിലെ സത്യമറിയാനും വേഗത്തിൽ⌚ അറിയാനും ഞങ്ങളുടെ വാട്ട്സാപ്പ് ചാനലിൽ അംഗമാകൂ 📲
https://whatsapp.com/channel/0029VaAscUeA89MdGiBAUc26
ഇവിടെ കൊടുക്കുന്ന അഭിപ്രായങ്ങള് സീ ന്യൂസ് ലൈവിന്റെത് അല്ല. അവഹേളനപരവും വ്യക്തിപരമായ അധിക്ഷേപങ്ങളും അശ്ളീല പദപ്രയോഗങ്ങളും ദയവായി ഒഴിവാക്കുക.