കോഴിക്കോട്: പേരാമ്പ്ര മണ്ഡലത്തിലെ അനൗണ്സ്മെന്റ് വിവാദത്തില് ഇടതുമുന്നണി സ്ഥാനാര്ത്ഥി ടി.പി രാമകൃഷ്ണന് തിരഞ്ഞെടുപ്പ് കമ്മീഷന്റെ നോട്ടീസ്. യുഡിഎഫിന്റ പരാതിയിലാണ് പേരാമ്പ്രയിലെ എല്ഡിഎഫ് സ്ഥാനാര്ത്ഥി കൂടിയായ ഇടതുമുന്നണി കണ്വീനര്ക്ക് നോട്ടീസ് അയച്ചത്. മാതൃകാ പെരുമാറ്റച്ചട്ടത്തിന്റെ ചുമതലയുള്ള ഡെപ്യൂട്ടി കലക്ടറാണ് നോട്ടീസ് നല്കിയത്.
പേരാമ്പ്ര യുഡിഎഫ് മണ്ഡലം കണ്വീനര് ബാലനാരായണന് നല്കിയ പരാതിയിലാണ് ടി.പി രാമകൃഷ്ണനോട് വീശദീകരണം തേടിയിട്ടുള്ളത്. എല്ഡിഎഫ് പ്രചാരണ വാഹനത്തില് നിന്നുണ്ടായത് സാമുദായിക ധ്രുവീകരണത്തിലേക്ക് നയിക്കുന്ന അനൗണ്സ്മെന്റാണെന്നും ഇത് മാതൃകാ പെരുമാറ്റച്ചട്ടത്തിന്റെ ലംഘനമാണെന്നും പരാതിയില് ചൂണ്ടിക്കാട്ടുന്നു.
അനൗണ്മെന്റുമായി ബന്ധപ്പെട്ട് നേരത്തെ പൊലീസിലും റിട്ടേണിങ് ഓഫീസര്ക്ക് മുമ്പാകെയും യുഡിഎഫ് പരാതി നല്കിയിരുന്നു. കെ.എസ്.യുവും യൂത്ത് കോണ്ഗ്രസും നേരത്തെ അനൗണ്സ്മെന്റിനെതിരെ രംഗത്തു വന്നിരുന്നു.
എന്നാല് അനൗണ്സ്മെന്റ് തന്റെ അറിവോടെയല്ലെന്നും എല്ഡിഎഫിന് ഇത്തരത്തിലുള്ള പ്രചാരണം നടത്തേണ്ട ആവശ്യമില്ലെന്നും ടി.പി രാമകൃഷ്ണന് പറയുന്നു. പേരാമ്പ്രയില് യുഡിഎഫ് സ്ഥാനാര്ഥി ഫാത്തിമ തഹ്ലിയക്കെതിരേയുള്ള പ്രചാരണ അനൗണ്സ്മെന്റാണ് വിവാദമായി മാറിയത്.
'പേരാമ്പ്രയുടെ മണ്ണില് ഒരു സഹോദരിയെ സ്ഥാനാര്ത്ഥിയാക്കി മുസ്ലിം ലീഗ് നടത്തുന്ന സ്വകാര്യ പ്രചാരണം 'നമ്മുടെ വോട്ടുകള് നമ്മുടെ ഖൗമിലെ കുട്ടിക്ക്' എന്നാണ്. മത ഏകീകരണത്തിന്റെ ചിന്നംവിളിയാണ് ലീഗ് നടത്തുന്നത്. സമത്വബോധമുള്ള മനുഷ്യര് ഇത് ചെറുത്തു തോല്പ്പിക്കേണ്ടതുണ്ട്' എന്നായിരുന്നു അനൗണ്സ്മെന്റ്.
എല്ഡിഎഫ് സ്ഥാനാര്ഥി ടി.പി രാമകൃഷ്ണന്റെ ബോര്ഡുകളുള്ള ജീപ്പില് അനൗണ്സ്മെന്റ് നടത്തുന്ന വീഡിയോകള് ബുധനാഴ്ചയാണ് പുറത്തു വന്നത്.
വാർത്തകൾക്ക് 📺 പിന്നിലെ സത്യമറിയാനും വേഗത്തിൽ⌚ അറിയാനും ഞങ്ങളുടെ വാട്ട്സാപ്പ് ചാനലിൽ അംഗമാകൂ 📲
https://whatsapp.com/channel/0029VaAscUeA89MdGiBAUc26
ഇവിടെ കൊടുക്കുന്ന അഭിപ്രായങ്ങള് സീ ന്യൂസ് ലൈവിന്റെത് അല്ല. അവഹേളനപരവും വ്യക്തിപരമായ അധിക്ഷേപങ്ങളും അശ്ളീല പദപ്രയോഗങ്ങളും ദയവായി ഒഴിവാക്കുക.