ന്യൂഡല്ഹി: പ്രധാനമന്ത്രി നരേന്ദ്ര മോഡിയെ വധിക്കാന് പദ്ധതിയിട്ട മൂന്നുപേര് ബിഹാറില് അറസ്റ്റില്. രഹസ്യ വിവരങ്ങളുടെ അട്സ്ഥാനത്തില് ബിഹാറിലെ ബക്സര് ജില്ലയില് നിന്നാണ് മൂന്നു യുവാക്കളെ പൊലീസ് പിടികൂടിയത്. ഇവര് ഡല്ഹിയിലെ പ്രധാനമന്ത്രിയുടെ ഓഫീസില് നിന്ന് രഹസ്യ വിവരങ്ങള് നേടാന് ശ്രമിച്ചെന്നും പൊലീസ് സൂചിപ്പിച്ചു.
ബക്സര് ജില്ലയിലെ ദുമ്രോണ് സബ് ഡിവിഷനിലെ സിമ്രി പൊലീസ് സ്റ്റേഷന് പരിധിയിലുള്ള ആശ പരാരി ഗ്രാമത്തില് നിന്നാണ് യുവാക്കളെ അറസ്റ്റ് ചെയ്തത്. വിദേശ രാജ്യങ്ങളുടെ രഹസ്യാന്വേഷണ ഏജന്സികളുമായി ബന്ധം പുലര്ത്തിയതായും അവര്ക്ക് രഹസ്യ വിവരങ്ങള് ചോര്ത്തി നല്കിയതായും ഇവര്ക്കെതിരെ കുറ്റം ചുമത്തിയിട്ടുണ്ട്.
അടുത്ത മൂന്ന് ആഴ്ചയ്ക്കുള്ളില് പ്രധാനമന്ത്രി മോഡിയെ ആക്രമിക്കാനാണ് യുവാക്കള് ഗൂഢാലോചന നടത്തിയതെന്ന് പൊലീസ് ഉദ്യോഗസ്ഥര് പറഞ്ഞു. അറസ്റ്റിലായവരുടെ വീടുകളില് നടത്തിയ റെയ്ഡില് ഒരു ലാപ്ടോപ്പും മറ്റ് ഇലക്ട്രോണിക് ഉപകരണങ്ങളും പിടിച്ചെടുത്തു. രഹസ്യ വിവരത്തിന്റെ അടിസ്ഥാനത്തില് ഇവിടെ സൈബര് കഫേ സെന്റര് നടത്തിയിരുന്ന അമന് കുമാര് അടക്കമുള്ളവരെ പൊലീസ് നിരീക്ഷിച്ചു വരികയായിരുന്നു.
അമേരിക്കന് രഹസ്യാന്വേഷണ ഏജന്സി സിഐഎയുമായി യുവാക്കള് ബന്ധപ്പെട്ടിരുന്നതായി സൂചന ലഭിച്ചു. പ്രതികളുടെ മുന്കാല ചരിത്രം പരിശോധിച്ചു വരികയാണ്. അമന് നേരത്തെ ഒരു സൈബര് തട്ടിപ്പ് കേസില് അറസ്റ്റിലായിട്ടുണ്ട്. കൂടുതല് ചോദ്യം ചെയ്യുന്നതിലൂടെ ഇവരുടെ വിദേശ ബന്ധങ്ങളെക്കുറിച്ച് കൂടുതല് വിവരങ്ങള് ലഭിക്കുമെന്ന് പൊലീസ് സൂപ്രണ്ട് പറഞ്ഞു. പിടിച്ചെടുത്ത ഇലക്ട്രോണിക് ഉപകരണങ്ങള് ഫോറന്സിക് പരിശോധനയ്ക്ക് അയച്ചിരിക്കുകയാണ്.
കൊല്ക്കത്ത അന്താരാഷ്ട്ര വിമാനത്താവളത്തിലെ കമ്പ്യൂട്ടറുകള് ഹാക്ക് ചെയ്യുമെന്ന് ഭീഷണിപ്പെടുത്തിയതിന് 2022 ല് അമനെ അറസ്റ്റ് ചെയ്തതായി അന്വേഷണ ഉദ്യോഗസ്ഥര് സൂചിപ്പിച്ചു. അമന്റെ മുറി പൊലീസ് സീല് ചെയ്തിരിക്കുകയാണ്. എന്നാല് മകന് നിയമവിരുദ്ധ പ്രവര്ത്തനങ്ങളില് പങ്കില്ലെന്ന് അമന്റെ മാതാപിതാക്കളായ ഗണേഷ് തിവാരിയും ഗീതാ കുമാരിയും പറയുന്നു. മകനെ പൊലീസ് കസ്റ്റഡിയിലെടുത്ത കുറ്റം എന്താണെന്ന് അറിയില്ലെന്നും മാതാപിതാക്കള് പറഞ്ഞു.
വാർത്തകൾക്ക് 📺 പിന്നിലെ സത്യമറിയാനും വേഗത്തിൽ⌚ അറിയാനും ഞങ്ങളുടെ വാട്ട്സാപ്പ് ചാനലിൽ അംഗമാകൂ 📲
https://whatsapp.com/channel/0029VaAscUeA89MdGiBAUc26
ഇവിടെ കൊടുക്കുന്ന അഭിപ്രായങ്ങള് സീ ന്യൂസ് ലൈവിന്റെത് അല്ല. അവഹേളനപരവും വ്യക്തിപരമായ അധിക്ഷേപങ്ങളും അശ്ളീല പദപ്രയോഗങ്ങളും ദയവായി ഒഴിവാക്കുക.