ന്യൂഡല്ഹി: നിയമസഭാ തിരഞ്ഞെടുപ്പ് ഫലം പുറത്ത് വരുന്നതിന് മുന്പ് തന്നെ കേരളത്തിലെ കോണ്ഗ്രസ് നേതാക്കള്ക്കിടയില് തുടങ്ങിയ മുഖ്യമന്ത്രി സ്ഥാനത്തെച്ചൊല്ലിയുള്ള അവകാശ വാദങ്ങളും വടംവലികളും നിരീക്ഷിച്ച് ഹൈക്കമാന്ഡ്.
കോണ്ഗ്രസ് അധ്യക്ഷന് മല്ലികാര്ജുന് ഖാര്ഗെ കേരളത്തിലെ മുതിര്ന്ന നേതാക്കളുമായി ഫോണില് സംസാരിക്കുകയും പരസ്യ പ്രസ്താവനകള് നടത്തി അനാവശ്യ വിവാദങ്ങള് ഉണ്ടാക്കരുതെന്ന് നിര്ദേശിക്കുകയും ചെയ്തു.
മുഖ്യമന്ത്രി സ്ഥാനത്തിനായി വി.ഡി സതീശന്, രമേശ് ചെന്നിത്തല, കെ.സി. വേണുഗോപാല് എന്നിവരുടെ പേരുകളാണ് സജീവമായി ഉയര്ന്നു കേള്ക്കുന്നത്. വോട്ടെണ്ണലിന് മുന്പേ തന്നെ സോഷ്യല് മീഡിയയില് നേതാക്കളുടെ അനുയായികള് തമ്മിലുള്ള 'പോസ്റ്റര്, കമന്റ് യുദ്ധം' പാര്ട്ടിക്ക് അവമതിപ്പുണ്ടാക്കുമെന്നാണ് ചില മുതിര്ന്ന നേതാക്കളുടെ വിലയിരുത്തല്.
അതിനിടെ ഡല്ഹി കേന്ദ്രീകരിച്ചും ചില നേതാക്കള് ചര്ച്ചകള് ആരംഭിച്ചതായാണ് സൂചന. ഡല്ഹിയിലെത്തിയ രമേശ് ചെന്നിത്തല ഇന്ന് പാര്ട്ടി അധ്യക്ഷന് മല്ലികാര്ജുന ഖാര്ഗെയും രാഹുല് ഗാന്ധിയെയും കാണും.
എന്നാല് ഹൈക്കമാന്ഡ് തീരുമാനത്തിന് വിരുദ്ധമായി ആരും നീങ്ങരുതെന്നാണ് കേന്ദ്ര നേതൃത്വത്തിന്റെ നിലപാട്. മെയ് നാലിന് പുറത്തു വരുന്ന ഫലം യുഡിഎഫിന് അനുകൂലമാണെങ്കില് ഹൈക്കമാന്ഡ് പ്രതിനിധികള് കേരളത്തിലെത്തി എംഎല്എമാരുടെ അഭിപ്രായം തേടും. അതിനുശേഷം മാത്രമേ അന്തിമ പ്രഖ്യാപനം ഉണ്ടാവുകയുള്ളൂ.
വാർത്തകൾക്ക് 📺 പിന്നിലെ സത്യമറിയാനും വേഗത്തിൽ⌚ അറിയാനും ഞങ്ങളുടെ വാട്ട്സാപ്പ് ചാനലിൽ അംഗമാകൂ 📲
https://whatsapp.com/channel/0029VaAscUeA89MdGiBAUc26
ഇവിടെ കൊടുക്കുന്ന അഭിപ്രായങ്ങള് സീ ന്യൂസ് ലൈവിന്റെത് അല്ല. അവഹേളനപരവും വ്യക്തിപരമായ അധിക്ഷേപങ്ങളും അശ്ളീല പദപ്രയോഗങ്ങളും ദയവായി ഒഴിവാക്കുക.