തിരുവനന്തപുരം: തെക്കുപടിഞ്ഞാറന് കാലവര്ഷം നാളെയോടെ കേരളത്തില് സജീവമാകാന് സാധ്യതയെന്ന് കേന്ദ്ര കാലാവസ്ഥാ വകുപ്പിന്റെ മുന്നറിയിപ്പ്. ഇതിന്റെ ഭാഗമായി സംസ്ഥാനത്തെ വിവിധ ജില്ലകളില് വരും ദിവസങ്ങളില് അതിശക്തമായ മഴ ലഭിച്ചേക്കും. ഇന്ന് നാല് ജില്ലകളില് തീവ്രമഴയ്ക്കുള്ള സാധ്യത കണക്കിലെടുത്ത് ഓറഞ്ച് അലര്ട്ട് പ്രഖ്യാപിച്ചിട്ടുണ്ട്.
തെക്കന് കേരള തീരത്തോട് ചേര്ന്ന് തെക്കുകിഴക്കന് അറബിക്കടലിനു മുകളിലായി രൂപപ്പെട്ടിട്ടുള്ള ചക്രവാതച്ചുഴിയാണ് നിലവിലെ കനത്ത മഴയ്ക്ക് പ്രധാന കാരണം. ഇന്ന് ആലപ്പുഴ, കോട്ടയം, എറണാകുളം, തൃശൂര് ജില്ലകളിലാണ് ഓറഞ്ച് അലര്ട്ട് പ്രഖ്യാപിച്ചിരിക്കുന്നത്. മറ്റെല്ലാ ജില്ലകളിലും യെല്ലോ അലര്ട്ട് ബാധകമായിരിക്കും.
അറബിക്കടലിന്റെ കൂടുതല് ഭാഗങ്ങളിലേക്കും ലക്ഷദ്വീപ്, തമിഴ്നാട്, ബംഗാള് ഉള്ക്കടല് എന്നിവിടങ്ങളിലേക്കും വരും മണിക്കൂറുകളില് കാലവര്ഷം അതിവേഗം വ്യാപിക്കുമെന്നാണ് വിലയിരുത്തല്. കടല് പ്രക്ഷുബ്ധമാകാന് സാധ്യതയുള്ളതിനാല് കേരള തീരത്ത് ഏര്പ്പെടുത്തിയിട്ടുള്ള മത്സ്യബന്ധന വിലക്ക് തുടരുകയാണ്.
ശക്തമായ കാറ്റിനും ഇടിമിന്നലിനും സാധ്യതയുള്ളതിനാല് മലയോര മേഖലകളിലും തീരദേശങ്ങളിലും ഉള്ളവര് പ്രത്യേക ജാഗ്രത പുലര്ത്തണമെന്ന് ദുരന്തനിവാരണ അതോറിറ്റി മുന്നറിയിപ്പ് നല്കുന്നു.
വാർത്തകൾക്ക് 📺 പിന്നിലെ സത്യമറിയാനും വേഗത്തിൽ⌚ അറിയാനും ഞങ്ങളുടെ വാട്ട്സാപ്പ് ചാനലിൽ അംഗമാകൂ 📲
https://whatsapp.com/channel/0029VaAscUeA89MdGiBAUc26
ഇവിടെ കൊടുക്കുന്ന അഭിപ്രായങ്ങള് സീ ന്യൂസ് ലൈവിന്റെത് അല്ല. അവഹേളനപരവും വ്യക്തിപരമായ അധിക്ഷേപങ്ങളും അശ്ളീല പദപ്രയോഗങ്ങളും ദയവായി ഒഴിവാക്കുക.