കൊച്ചി: അന്തരിച്ച പ്രശസ്ത ചലച്ചിത്ര താരം സലിം കുമാറിന്റെ (57) ഭൗതികശരീരം ഇന്ന് വൈകുന്നേരം മൂന്നിന് വടക്കന് പറവൂരിലെ വീട്ടുവളപ്പില് സംസ്കരിക്കും. മതപരമായ ചടങ്ങുകളോ ആചാരങ്ങളോ ഇല്ലാതെയാകും സംസ്കാരം നടക്കുക. തന്റെ അന്ത്യകര്മങ്ങളില് മതപരമായ ചടങ്ങുകള് ഒഴിവാക്കണമെന്നും ചിതാഭസ്മം പുഴയിലൊഴുക്കരുതെന്നും അദേഹം ജീവിച്ചിരുന്നപ്പോള് തന്നെ കുടുംബത്തോട് ആവശ്യപ്പെട്ടിരുന്നു.
ഇന്നു രാവിലെ ഒന്പത് മുതല് പറവൂര് ടൗണ്ഹാളില് പൊതുദര്ശനമുണ്ടാകും. മുഖ്യമന്ത്രി വടക്കന് പറവൂരിലെത്തി സലിം കുമാറിന് അന്ത്യോപചാരമര്പ്പിക്കും.
ശനിയാഴ്ച പുലര്ച്ചെ ശ്വാസതടസവും പനിയും അനുഭവപ്പെട്ടതിനെ തുടര്ന്നാണ് അദേഹത്തെ കൊച്ചിയിലെ സ്വകാര്യ ആശുപത്രിയില് പ്രവേശിപ്പിച്ചത്. ന്യൂമോണിയയും രക്തത്തിലെ അണുബാധയും മൂലം നില വഷളായതോടെ അടിയന്തരമായി വെന്റിലേറ്ററിലേക്ക് മാറ്റിയിരുന്നു. എന്നാല് രാത്രി 10:43 ഓടെ ഉണ്ടായ ഹൃദയാഘാതത്തെ തുടര്ന്ന് മരണം സംഭവിക്കുകയായിരുന്നു.
ദീര്ഘനാളായി വിട്ടുമാറാത്ത ശ്വാസകോശ രോഗങ്ങള്ക്കും വൃക്കരോഗങ്ങള്ക്കും ചികിത്സയിലായിരുന്ന അദേഹം മുന്പ് കരള് മാറ്റിവെക്കല് ശസ്ത്രക്രിയയ്ക്കും വിധേയനായിരുന്നു. മികച്ച നടനുള്ള ദേശീയ-സംസ്ഥാന പുരസ്കാരങ്ങള് നേടിയ സലിം കുമാറിന്റെ വിയോഗത്തില് ചലച്ചിത്ര, സാംസ്കാരിക ലോകം അഗാധമായ ദുഖം രേഖപ്പെടുത്തി.
വാർത്തകൾക്ക് 📺 പിന്നിലെ സത്യമറിയാനും വേഗത്തിൽ⌚ അറിയാനും ഞങ്ങളുടെ വാട്ട്സാപ്പ് ചാനലിൽ അംഗമാകൂ 📲
https://whatsapp.com/channel/0029VaAscUeA89MdGiBAUc26
ഇവിടെ കൊടുക്കുന്ന അഭിപ്രായങ്ങള് സീ ന്യൂസ് ലൈവിന്റെത് അല്ല. അവഹേളനപരവും വ്യക്തിപരമായ അധിക്ഷേപങ്ങളും അശ്ളീല പദപ്രയോഗങ്ങളും ദയവായി ഒഴിവാക്കുക.