ന്യൂഡൽഹി: പുതിയ കരസേനാ മേധാവിയായി ലഫ്റ്റനന്റ് ജനറല് ധീരജ് സേത്തിനെ നിയമിച്ചു. ഈ മാസം 30 നാകും ധീരജ് സ്ഥാനമേൽക്കുക. നിലവിലെ കരസേനാ മേധാവി ജനറൽ ഉപേന്ദ്ര ദ്വിവേദി വിരമിച്ചതിന് ശേഷമാണ് ചുമതലയേൽക്കുന്നത്. ഏപ്രിൽ ഒന്നിനാണ് കരസേനാ ഉപമേധാവിയായി ധീരജ് സേത്ത് ചുമതലയേറ്റത്.
കരസേനാ ഉപമേധാവിയായി സേവനമനുഷ്ഠിച്ചുവരുന്ന ലെഫ്റ്റനന്റ് ജനറൽ സേത്ത്, ഖഡക്വാസ്ലയിലെ നാഷണൽ ഡിഫൻസ് അക്കാദമിയിലെ പൂർവ വിദ്യാർഥിയാണ്. 1986 ഡിസംബറിലാണ് ആർമഡ് കോർപ്സിൽ സേവനം ആരംഭിച്ചത്. നാലു പതിറ്റാണ്ടോളം നീളുന്ന അദേഹത്തിന്റെ സേവന ജീവിതം ഇന്ത്യൻ സൈന്യത്തിന്റെ പ്രവർത്തനക്ഷമതയ്ക്കും ദീർഘകാല പരിവർത്തനങ്ങൾക്കും വലിയ സംഭാവനകൾ നൽകിയിട്ടുണ്ട്.
ആർമേർഡ് റെജിമെന്റിനെയും ആർമേർഡ് ബ്രിഗേഡിനെയും ജമ്മു കശ്മീരിൽ ഒരു കൗണ്ടർ ഇൻസർജൻസി ഫോഴ്സിനെയും കമാൻഡ് ചെയ്തിട്ടുണ്ട്. ലെഫ്റ്റനന്റ് ജനറലായി സ്ഥാനക്കയറ്റം ലഭിച്ചപ്പോൾ സുദർശൻ ചക്ര കോർപ്സിനെയും പിന്നീട് ഡൽഹി ഏരിയയിൽ ജനറൽ ഓഫീസർ കമാൻഡിങായി അദേഹം സേവനമനുഷ്ഠിച്ചു. സുപ്രധാന ദേശീയ, അന്തർദേശീയ ഇടപെടലുകൾക്കും മേൽനോട്ടം വഹിച്ചിട്ടുണ്ട്.
വാർത്തകൾക്ക് 📺 പിന്നിലെ സത്യമറിയാനും വേഗത്തിൽ⌚ അറിയാനും ഞങ്ങളുടെ വാട്ട്സാപ്പ് ചാനലിൽ അംഗമാകൂ 📲
https://whatsapp.com/channel/0029VaAscUeA89MdGiBAUc26
ഇവിടെ കൊടുക്കുന്ന അഭിപ്രായങ്ങള് സീ ന്യൂസ് ലൈവിന്റെത് അല്ല. അവഹേളനപരവും വ്യക്തിപരമായ അധിക്ഷേപങ്ങളും അശ്ളീല പദപ്രയോഗങ്ങളും ദയവായി ഒഴിവാക്കുക.