ന്യൂഡല്‍ഹി: ഇന്ത്യയുടെ പ്രതിരോധ കരുത്ത് ലോകത്തിന് മുന്നില്‍ വാനോളം ഉയര്‍ത്തി ബ്രഹ്മോസ് മിസൈലിന്റെ അടുത്ത തലമുറ പതിപ്പായ ബ്രഹ്മോസ്-എന്‍.ജി അണിയറയില്‍ ഒരുങ്ങുന്നു. 2027 അല്ലെങ്കില്‍ 2028 ഓടെ ഈ അത്യാധുനിക മിസൈലിന്റെ ആദ്യ പ്രോട്ടോടൈപ്പ് സജ്ജമാക്കുമെന്ന് ബ്രഹ്മോസ് എയറോസ്പേസ് സി.ഇ.ഒയും മാനേജിങ് ഡയറക്ടറുമായ ഡോ. ജെയ്തീര്‍ത്ഥ് ജോഷി ഔദ്യോഗികമായി അറിയിച്ചു.
നിലവിലുള്ള ക്രൂയിസ് മിസൈലുകളേക്കാള്‍ ഭാരം കുറഞ്ഞതും വലിപ്പത്തില്‍ ചെറുതുമായ ഈ പതിപ്പില്‍ കൂടുതല്‍ തദ്ദേശീയ സാങ്കേതിക വിദ്യകളും അത്യാധുനിക വസ്തുക്കളുമാണ് ഉപയോഗിക്കുന്നത്. വ്യോമ സേനയുടെ പ്രധാന യുദ്ധവിമാനമായ സുഖോയ്-30 ഉപയോഗിക്കുന്ന വിദേശ രാജ്യങ്ങള്‍ ഈ മിസൈല്‍ സാങ്കേതിക വിദ്യ സ്വന്തമാക്കാന്‍ വന്‍ താല്‍പര്യമാണ് പ്രകടിപ്പിക്കുന്നത്. മുന്‍ സൈനിക നീക്കങ്ങളില്‍ ശത്രുക്കളുടെ വ്യോമപ്രതിരോധ നിരകളെ അതിജീവിച്ച് പാകിസ്ഥാനിലെ നൂര്‍ ഖാന്‍ ഉള്‍പ്പെടെയുള്ള സുപ്രധാന വ്യോമതാവളങ്ങള്‍ തകര്‍ത്ത ബ്രഹ്മോസിന്റെ കൃത്യതയാണ് ആഗോള ശ്രദ്ധ നേടിക്കൊടുത്തത്.
ആദ്യ ഘട്ടത്തില്‍ 290 കിലോമീറ്റര്‍ മാത്രം ദൂരപരിധിയുണ്ടായിരുന്ന ബ്രഹ്മോസിനെ ഘട്ടംഘട്ടമായി നവീകരിച്ച് ഇപ്പോള്‍ 1,500 കിലോമീറ്റര്‍ വരെ പ്രഹര ശേഷിയുള്ള അത്യാധുനിക പതിപ്പിലേക്ക് എത്തിക്കാനുള്ള നിര്‍ണായക പദ്ധതി കമ്പനിയുടെ രൂപീകരണ ഘട്ടത്തിലാണ്. ആഭ്യന്തര പ്രതിരോധ ഉല്‍പ്പാദനം വര്‍ധിപ്പിക്കുന്നതിനായി നാവികസേനയ്ക്ക് ആവശ്യമായ ഫയര്‍ കണ്‍ട്രോള്‍ സിസ്റ്റങ്ങളും ലോഞ്ചറുകളും നല്‍കാന്‍ പ്രതിരോധ മന്ത്രാലയം ഒപ്പുവെച്ച കരാറുകള്‍ നടപ്പിലാക്കാന്‍ ഹൈദരാബാദ്, ലക്നൗ, നാഗ്പുര്‍ശാലകള്‍ നിലവില്‍ രാത്രിയും പകലും സജീവമാണ്.
വാർത്തകൾക്ക് 📺 പിന്നിലെ സത്യമറിയാനും വേഗത്തിൽ⌚ അറിയാനും ഞങ്ങളുടെ വാട്ട്സാപ്പ് ചാനലിൽ അംഗമാകൂ 📲
https://whatsapp.com/channel/0029VaAscUeA89MdGiBAUc26
ഇവിടെ കൊടുക്കുന്ന അഭിപ്രായങ്ങള്‍ സീ ന്യൂസ് ലൈവിന്റെത് അല്ല. അവഹേളനപരവും വ്യക്തിപരമായ അധിക്ഷേപങ്ങളും അശ്‌ളീല പദപ്രയോഗങ്ങളും ദയവായി ഒഴിവാക്കുക.