വാരാണസി: യാത്രാമധ്യേ ആകാശത്തുവെച്ച് വിമാനത്തിന്റെ അടിയന്തരവാതിൽ തുറക്കാൻ ശ്രമിച്ച യുവാവ് അറസ്റ്റിൽ. ഗൗരവ് എന്ന യാത്രക്കാരനെയാണ് വിമാന ജീവനക്കാരിയും സഹയാത്രക്കാരും ചേർന്ന് പോലീസിന് കൈമാറി. വിമാനത്തിൽ 89 യാത്രക്കാരുണ്ടായിരുന്നു. വാരാണസിയിലേക്കുള്ള സ്പൈസ് ജെറ്റ് വിമാനത്തിലാണ് നാടകീയ സംഭവം അരങ്ങേറിയത്.
വിമാനം പറന്നുയർന്നശേഷം ഗൗരവ് സീറ്റിൽനിന്ന് എഴുന്നേൽക്കുകയും വിമാനത്തിന്റെ അടിയന്തരവാതിലിനരികെയെത്തി അത് തുറക്കാൻ ശ്രമിക്കുകയുമായിരുന്നു. ഇതുകണ്ട ജീവനക്കാരി യാത്രക്കാരുടെ സഹായത്തോടെ ഇയാളെ തടയുകയായിരുന്നു.
വിമാനം വാരാണസി വിമാനത്താവളത്തിൽ ഇറങ്ങിയ ശേഷം ഗൗരവിനെ സി.ഐ.എസ്.എഫിനും തുടർന്ന് പ്രാദേശിക പോലീസിനും കൈമാറിയെന്ന് സ്പൈസ് ജെറ്റ് വക്താവ് പറഞ്ഞു.
വാർത്തകൾക്ക് 📺 പിന്നിലെ സത്യമറിയാനും വേഗത്തിൽ⌚ അറിയാനും ഞങ്ങളുടെ വാട്ട്സാപ്പ് ചാനലിൽ അംഗമാകൂ 📲
https://whatsapp.com/channel/0029VaAscUeA89MdGiBAUc26
ഇവിടെ കൊടുക്കുന്ന അഭിപ്രായങ്ങള്‍ സീ ന്യൂസ് ലൈവിന്റെത് അല്ല. അവഹേളനപരവും വ്യക്തിപരമായ അധിക്ഷേപങ്ങളും അശ്‌ളീല പദപ്രയോഗങ്ങളും ദയവായി ഒഴിവാക്കുക.