കോവിഡ് വ്യാപനം അതിരൂക്ഷം: തൃശ്ശൂർ പൂ​രം ന​ട​ത്തി​പ്പി​നെ​ക്കു​റി​ച്ച്‌ ഇ​ന്ന് വീ​ണ്ടും ച​ര്‍​ച്ച

തൃ​ശ്ശൂ​ര്‍: സം​സ്ഥാ​ന​ത്തെ കോ​വി​ഡ് അ​തി​വ്യാ​പ​ന​ത്തി​ന്‍റെ സാഹചര്യത്തിൽ തൃ​ശൂ​ര്‍ പൂ​രം ന​ട​ത്തി​പ്പി​നെ​ക്കു​റി​ച്ച്‌ ചീ​ഫ് സെ​ക്ര​ട്ട​റി ത​ല​ത്തി​ല്‍ ഇന്ന് ച​ര്‍​ച്ച ന​ട​ക്കും. രാ​വി​ലെ 10.30ന് ​ഓ​ണ്‍​ലൈ​നാ​യാ​ണ് ചർച്ച നടത്തപ്പെടുക.

തൃശ്ശൂർ പൂരത്തിനുള്ള മാ​ന​ദ​ണ്ഡ​ങ്ങ​ള്‍ ക​ഴി​ഞ്ഞ​യാ​ഴ്ച നി​ശ്ച​യി​ച്ചി​രു​ന്നെ​ങ്കി​ലും കോവിഡ് വ്യാപനം പ​ശ്ചാ​ത്ത​ല​ത്തി​ലാ​ണ് വീ​ണ്ടും യോ​ഗം. 45 വ​യ​സി​ന് മേ​ലു​ള്ള​വ​ര്‍ കോ​വി​ഡ് വാ​ക്സി​ന്‍ ഒ​രു ഡോ​സെ​ങ്കി​ലും എ​ടു​ക്ക​ണ​മെ​ന്നും 45ന് ​താ​ഴെ​യു​ള്ള​വ​ര്‍ ആ​ര്‍​ടി​പി​സി​ആ​ര്‍ ടെ​സ്റ്റ് ന​ട​ത്തി നെ​ഗ​റ്റീ​വാ​ണെ​ന്ന് തെ​ളി​യി​ക്ക​ണ​മെ​ന്നു​മാ​യി​രു​ന്നു പൂ​രം കാ​ണാ​നു​ള്ള ആ​ദ്യ ഘ​ട്ട​ത്തി​ലെ പ്ര​ധാ​ന വ്യ​വ​സ്ഥ.

ജി​ല്ല​യി​ല്‍ ടെ​സ്റ്റ് പോ​സി​റ്റി​വി​റ്റി നി​ര​ക്ക് 21.97 ശ​ത​മാ​ന​ത്തി​ലേ​ക്ക് ഉ​യ​ര്‍​ന്ന​തും പ്ര​തി​ദി​ന കോവിഡ് രോ​ഗി​ക​ളു​ടെ എ​ണ്ണം ആ​യി​രം ക​ട​ന്ന​തും ഗൗ​ര​വ​മാ​യി ക​ണ​ക്കി​ലെ​ടു​ത്തി​ട്ടു​ണ്ട്. ഈ സാഹചര്യങ്ങളെല്ലാം കണക്കിലെടുത്താണ് ഇന്ന് യോഗം ചേരുന്നത്.