മുംബൈ: ഐ.പി.എല്ലില് മത്സരത്തിൽ കൊല്ക്കത്ത നൈറ്റ് റൈഡേഴ്സ് താരങ്ങളായ സന്ദീപ് വാര്യറും വരുണ് ചക്രവര്ത്തിയും കോവിഡ് പോസിറ്റീവായതോടെ ഇന്ത്യന് പ്രിമിയര് ലീഗില് തിങ്കളാഴ്ചത്തെ കളി നീട്ടി. കൊല്ക്കത്തയും ബാംഗ്ലൂരും തമ്മിലെ മത്സരമാണ് നീട്ടിവെച്ചത്. കൊല്ക്കത്ത ക്യാമ്ബില് പലര്ക്കും രോഗബാധ സംശയിക്കുന്നതായും ചില റിപ്പോര്ട്ടുകള് പറയുന്നു.
ഇതിനകം പാതി പിന്നിട്ട ഐ.പി.എല് പുതിയ സീസണ് ബയോ ബബ്ള് സുരക്ഷയോടെ അടച്ചിട്ട സ്റ്റേഡിയങ്ങളിലാണ് നടക്കുന്നത്. അവസാനമായി ഡല്ഹി ക്യാപിറ്റല്സിനെതിരെ അഹ്മദാബാദിലാണ് കൊല്ക്കത്ത കളിച്ചത്. കോവിഡ് സ്ഥിരീകരിച്ച സാഹചര്യത്തില് കളിക്കാന് ബാംഗ്ലൂരിന് താല്പര്യമില്ലെന്ന് കണക്കാക്കിയാണ് നീട്ടിവെക്കല്.നീട്ടിവെച്ച മത്സരത്തിന്റെ പുതിയ തീയതി പിന്നീട് അറിയിക്കും.
വാർത്തകൾക്ക് 📺 പിന്നിലെ സത്യമറിയാനും വേഗത്തിൽ⌚ അറിയാനും ഞങ്ങളുടെ വാട്ട്സാപ്പ് ചാനലിൽ അംഗമാകൂ 📲
https://whatsapp.com/channel/0029VaAscUeA89MdGiBAUc26