ദുബായ്: ലോകം കാത്തിരിക്കുന്ന വ്യാപാരമേളയായ എക്സ്പോ ട്വന്‍ടി ട്വന്‍ടി ആരംഭിക്കാന്‍ ദിവസങ്ങള്‍ ബാക്കി നില്‍ക്കെ ഒരുക്കങ്ങള്‍ സജീവമായി മുന്നോട്ടുപോവുകയാണ്.
രാജ്യം സുവർണജൂബിലി ആഘോഷിക്കുന്ന വർഷമാണ് 2021. അതുകൊണ്ടുതന്നെ അതുമായി ബന്ധപ്പെട്ട ആഘോഷഅവസരങ്ങളും എക്സ്പോ സജ്ജമാക്കിയിട്ടുണ്ട്. ജൂബിലി സീസണ്‍ പാസ് കാ‍ർഡ്, 24 കാരറ്റ് സ്വ‍ർണം പൂശിയ എക്സ്പോ ജൂബിലി പിന്നുകള്‍, 2 എക്സ്പോ പാസ്പോർട്സ്, എമ്മാറിന്‍റെ ജൂബിലി ലോഞ്ചിലേക്കുളള പ്രവേശനഅനുമതി,നാല് സീസണ്‍ പാസുകള്‍ ഉള്‍പ്പടെ എല്ലാവ‍ർക്കും ആസ്വദിക്കാവുന്ന തരത്തിലുളള പാസുകള്‍, ഉള്‍പ്പടെയുളളവയെല്ലാം ഉള്‍പ്പടുന്ന ഗോള്‍ഡന്‍ ജൂബിലി പാക്കേജും എക്സ്പോയില്‍ ലഭ്യമാണ്. എക്സ്പോ പാസ് സമ്മാനമായി ലഭിക്കാനുളള വിവിധ നറുക്കെടുപ്പുകളും പരിപാടികളുമെല്ലാം ഒരുക്കിയിട്ടുണ്ട്.
എക്സ്പോ പാസ് സൗജന്യമായി കിട്ടുന്നവ‍ർ
നിശ്ചയ ദാര്‍ഢ്യക്കാര്‍ ( കൂടെ എത്തുന്നവര്‍ക്ക് അമ്പത് ശതമാനം കിഴിവ് ലഭിക്കും), അറുപത് വയസ്സും അതില്‍ കൂടുതല്‍ പ്രായമുള്ളവര്‍ക്കും, പതിനെട്ട് വയസ്സിന് താഴെയുള്ള കുട്ടികള്‍ , എമിറേറ്റ്‌സ് വിമാനത്തില്‍ ദുബായിലേക്ക് എത്തുന്നവര്‍ (നിബന്ധനകള്‍ ബാധകം), എമിറേറ്റ്‌സ് വിമാനത്തില്‍ യാത്ര ചെയ്യുന്ന ട്രാന്‍സിറ്റ് യാത്രക്കാര്‍ ( ഇവര്‍ ആറ് മണിക്കൂറില്‍ കൂടുതല്‍ രാജ്യത്ത് ഉണ്ടാകണം) ഇവ‍ർക്ക് സൗജന്യ എക്സ്പോ പാസ് ലഭിക്കും.
എക്സ്പോ സന്ദ‍ർശിക്കുന്നതിനുളള ഒരു ദിവസത്തെ പാസിന് 95 ദിർഹമാണ് നിരക്ക്. മുപ്പത് ദിവസത്തേക്കുള്ള പാസിന് 195 ദിര്‍ഹവും ആറ് മാസത്തെ പാസിന് 495 ദിര്‍ഹവും ആണ് നിരക്ക്. കഴിഞ്ഞ മാസം മുതല്‍ എക്സ്പോ പാസ് വില്‍പന ഓണ്‍ലൈനായി ആരംഭിച്ചിരുന്നു.
വാർത്തകൾക്ക് 📺 പിന്നിലെ സത്യമറിയാനും വേഗത്തിൽ⌚ അറിയാനും ഞങ്ങളുടെ വാട്ട്സാപ്പ് ചാനലിൽ അംഗമാകൂ 📲
https://whatsapp.com/channel/0029VaAscUeA89MdGiBAUc26
ഇവിടെ കൊടുക്കുന്ന അഭിപ്രായങ്ങള്‍ സീ ന്യൂസ് ലൈവിന്റെത് അല്ല. അവഹേളനപരവും വ്യക്തിപരമായ അധിക്ഷേപങ്ങളും അശ്‌ളീല പദപ്രയോഗങ്ങളും ദയവായി ഒഴിവാക്കുക.