പോര്‍ച്ചുഗല്‍ സൂപ്പര്‍താരം ക്രിസ്റ്റ്യാനോ റൊണാള്‍ഡോ വീണ്ടും ഇരട്ടക്കുട്ടികളുടെ അച്ഛനാകുന്നു. റൊണാള്‍ഡോയും പങ്കാളി ജോര്‍ജിന റോഡ്രിഗസും ഇന്‍സ്റ്റഗ്രാമിലൂടെയാണ് ഇരട്ടക്കുട്ടികളെ പ്രതീക്ഷിക്കുന്നതായി അറിയിച്ചത്.
അള്‍ട്രാസൗണ്ട് സ്കാന്‍ ചിത്രങ്ങളും അവര്‍ ആരാധകര്‍ക്കായി പങ്കു വച്ചു. "ഞങ്ങള്‍ ഇരട്ടക്കുട്ടികളെ പ്രതീക്ഷിക്കുന്നുവെന്ന് അറിയിക്കുന്നതില്‍ സന്തോഷമുണ്ട്. ഞങ്ങളുടെ ഹൃദയം സ്നേഹത്താല്‍ നിറഞ്ഞിരിക്കുന്നു - നിങ്ങളെ കാണാന്‍ ഞങ്ങള്‍ക്ക് കാത്തിരിക്കാനാവില്ല," റൊണാള്‍ഡോ പോസ്റ്റിന് താഴെ കുറിച്ചു.
റൊണാള്‍ഡോ തന്റെ നാല് മക്കളുമായി നീന്തല്‍ക്കുളത്തില്‍ നില്‍ക്കുന്ന ചിത്രവും താരം പങ്കുവച്ചിട്ടുണ്ട്. ഈ ദമ്പതികൾക്ക് മൂന്ന് വയസുള്ള അലന എന്ന മകളുണ്ട്. റൊണാള്‍ഡോയ്ക്ക് ക്രിസ്റ്റ്യാനോ ജൂനിയര്‍ എന്ന് പേരുള്ള 11 വയസുള്ള മകനും നാല് വയസുള്ള ഇരട്ടകളായ ഇവാ, മാറ്റിയോ എന്നിവരും ഉണ്ട്.
36 കാരനായ പോര്‍ച്ചുഗീസ് ഫുട്‌ബോള്‍ താരം ഈ സീസണിന്റെ തുടക്കത്തില്‍ ഇറ്റാലിയന്‍ ടീമായ യുവന്റസില്‍ നിന്ന് പ്രീമിയര്‍ ലീഗ് വമ്പന്‍മാരായ മാഞ്ചസ്റ്റര്‍ യുണൈറ്റഡിലേക്ക് മാറിയിരുന്നു. ഏറ്റവുമധികം അന്താരാഷ്ട്ര ഗോളുകള്‍ നേടുന്ന താരമെന്ന റെക്കോര്‍ഡ് റൊണാള്‍ഡോയുടെ പേരിലാണ്.
വാർത്തകൾക്ക് 📺 പിന്നിലെ സത്യമറിയാനും വേഗത്തിൽ⌚ അറിയാനും ഞങ്ങളുടെ വാട്ട്സാപ്പ് ചാനലിൽ അംഗമാകൂ 📲
https://whatsapp.com/channel/0029VaAscUeA89MdGiBAUc26
ഇവിടെ കൊടുക്കുന്ന അഭിപ്രായങ്ങള്‍ സീ ന്യൂസ് ലൈവിന്റെത് അല്ല. അവഹേളനപരവും വ്യക്തിപരമായ അധിക്ഷേപങ്ങളും അശ്‌ളീല പദപ്രയോഗങ്ങളും ദയവായി ഒഴിവാക്കുക.