ദുബായ്: ദുല്‍ഖര്‍ സല്‍മാന്‍ മുഖ്യ വേഷമിട്ട 'കുറുപ്പ്' സിനിമയുടെ ട്രെയിലർ ലോകത്തിലെ ഏറ്റവും ഉയരം കൂടിയ കെട്ടിടമായ ബുർജ് ഖലീഫയില്‍ പ്രദർശിപ്പിച്ചു. പ്രദർശനത്തിന് സാക്ഷികളാകാന്‍ ആരാധകർക്കൊപ്പം ദുല്‍ഖർ സല്‍മാനും കുടുംബവും എത്തിയിരുന്നു. സുകുമാരകുറുപ്പായി ദുല്‍ഖർ ബുർജ് ഖലീഫയില്‍ തെളിഞ്ഞത് ഹർഷാരവത്തോടെയാണ് ആരാധകർ ഏറ്റെടുത്തത്. ഇതാദ്യമായാണ് ഒരു മലയാള സിനിമയുടെ ട്രെയിലര്‍ ബുര്‍ജ് ഖലീഫയില്‍ പ്രദര്‍ശിപ്പിക്കുന്നത്.
മലയാളം, തമിഴ്, തെലുഗ്, ഹിന്ദി, കന്നട ഭാഷകളില്‍ കുറുപ്പ് സിനിമ റീലീസാകുന്നതിന് മുന്നോടിയായിട്ടായിരുന്നു പ്രത്യേക പ്രൊമോഷന്‍ ഒരുക്കിയത്. മിഡില്‍ ഈസ്റ്റിലെ ഏറ്റവും വലിയ ഫിലിം ഡിസ്ട്രിബ്യൂഷന്‍-എക്‌സിബിഷന്‍ നെറ്റ്‌വര്‍ക്കായ ഫാര്‍സ് ഫിലിമാണ് ഈ ചിത്രം വിതരണത്തിനെത്തിക്കുന്നത്.
താന്‍ ജനിച്ച കാലം മുതല്‍ സുകുമാര കുറുപ്പിനെ കുറിച്ചുള്ള ദുരൂഹത ചുറ്റുമുണ്ടായിരുന്നു. ഇന്ത്യയില്‍ ഏറ്റവും കൂടുതല്‍ കാലം കാണാതായ ഒളിച്ചോട്ടക്കാരനാണ് കുറുപ്പ്. യഥാര്‍ത്ഥ സംഭവങ്ങളില്‍ നിന്ന് പ്രചോദനമുള്‍ക്കൊണ്ടാണ് കുറുപ്പ് എന്ന സിനിമ സംഭവിക്കുന്നത്,യുഎഇ അടക്കം ലോകമെമ്പാടുമുള്ള തിയ്യറ്ററുകളില്‍ ഇത് അവതരിപ്പിക്കാനാകുന്നതില്‍ അതിയായ സന്തോഷമുണ്ടെന്നും സംവിധായകന്‍ ശ്രീനാഥ് രാജേന്ദ്രന്‍ പറഞ്ഞു.
ഇന്ത്യയില്‍ ഏറ്റവും കൂടുതല്‍ കാലം ഒളിവില്‍ കഴിഞ്ഞ സുകുമാര കുറുപ്പിനെ ഉപജീവിച്ചുള്ള ഈ ചിത്രത്തില്‍ ദുല്‍ഖറിനെ കൂടാതെ, ശോഭിത ധൂലിപാല, ഇന്ദ്രജിത് സുകുമാരന്‍, സണ്ണി വെയ്ന്‍, ഷൈന്‍ ടോം ചാക്കോ, അനുപമ പരമേശ്വരന്‍, സുധീഷ്, സൈജു കുറുപ്പ് എന്നിവരാണ് അഭിനയിച്ചിരിക്കുന്നത്.
വാർത്തകൾക്ക് 📺 പിന്നിലെ സത്യമറിയാനും വേഗത്തിൽ⌚ അറിയാനും ഞങ്ങളുടെ വാട്ട്സാപ്പ് ചാനലിൽ അംഗമാകൂ 📲
https://whatsapp.com/channel/0029VaAscUeA89MdGiBAUc26
ഇവിടെ കൊടുക്കുന്ന അഭിപ്രായങ്ങള്‍ സീ ന്യൂസ് ലൈവിന്റെത് അല്ല. അവഹേളനപരവും വ്യക്തിപരമായ അധിക്ഷേപങ്ങളും അശ്‌ളീല പദപ്രയോഗങ്ങളും ദയവായി ഒഴിവാക്കുക.