കൊച്ചി : വിശ്വസാഹോദര്യത്തിന്റെ സന്ദേശം പ്രചരിപ്പിക്കുന്നതാണ് ഫ്രാൻസിസ് മാർപ്പാപ്പയുടെ ചാക്രിക ലേഖനം എന്ന് ഫ്രത്തെല്ലി തുത്തി വെബ്ബിനാർ ഉത്‌ഘാടനം നടത്തികൊണ്ട് റിട്ട. സുപ്രീം കോടതി ജഡ്‌ജ്‌ കുര്യൻ ജോസഫ് അഭിപ്രായപ്പെട്ടു.ഭാരതത്തിന്റെ ഭരണഘടനയിൽ പ്രതിപാദിക്കുന്ന ഭരണഘടനാ മൂല്യങ്ങളായ നീതി , സമത്വം, സ്വാതന്ത്ര്യം , സാഹോദര്യം എന്നിവ തന്നെയാണ് ഫ്രത്തെല്ലി തൂത്തിയിലെ മുഖ്യപ്രതിപാദ്യം എന്ന് അദ്ദേഹം പറഞ്ഞു . ദൈവത്തിന്റെ ഛായയിലും സാദൃശ്യത്തിലും സൃഷ്ടിക്കപ്പെട്ട മനുഷ്യർ എല്ലാവർക്കും ഒരേ അന്തസ്സ് തന്നെയാണ് . ‘വസുധൈവ കുടുംബകം’ എന്ന ഭാരതീയ ദർശനം തന്നെയാണ് നമ്മൾ ഇവിടെ ദർശിക്കുന്നത്. മതിലുകൾ കെട്ടുന്നവരാകാതെ വാതിലുകൾ തുറക്കുന്നവരാകുവാൻ ഫ്രാൻസിസ് മാർപ്പാപ്പ തന്റെ ചാക്രിക ലേഖനത്തിലൂടെ ആഹ്വാനം ചെയ്യുകയാണ് എന്ന് അദ്ദേഹം കൂട്ടിച്ചേർത്തു .
സീ ന്യൂസ് എഡിറ്റോറിയൽ ബോർഡംഗം ജോ കാവാലം , ഗ്ലോബൽ മീഡിയ സെൽ കോർഡിനേറ്റർ ലിസി ഫെർണാണ്ടസ് , കത്തോലിക്കാ കോൺഗ്രസ് യു എ പ്രസിഡണ്ട് ബെന്നി മാത്യു എന്നിവർ സംസാരിച്ചു.
ലളിതവും ഹൃദ്യവുമായ ഭാഷയിൽ ഫ്രത്തെല്ലി തുത്തി എന്ന ചാക്രിക ലേഖനത്തിനു മികച്ച പഠന വ്യാഖ്യാനം നൽകുവാൻ ഈ വെബ്ബിനാറിനായി എന്ന് സംഘാടകർ അഭിപ്രായപ്പെട്ടു. വിവിധ ഭൂഖണ്ഡങ്ങളിൽ നിന്നുമായി ആയിരത്തിലധികം പേർ സൂം മീറ്റിംഗിൽ പങ്കെടുത്തു. യൂട്യൂബ് ,ഫേസ്ബുക് ലൈവിലൂടെയും അനേകായിരങ്ങൾ ഈ വെബ്ബിനാറിൽ ഭാഗഭാക്കായി. .ഗ്രേറ്റ് ബ്രിട്ടൻ- പ്രിസ്റ്റൺ രൂപത ബിഷപ് മാർ ജോസഫ് സ്രാമ്പിക്കൽ , ജഗദൽപൂർ ബിഷപ് മാർ ജോസഫ് കൊല്ലാപറമ്പിൽ , അദിലാബാദ്‌ ബിഷപ് മാർ പ്രിൻസ് ആൻ്റണി പാണേങ്ങാടൻ എന്നിവരും ഈ വെബ്ബിനാറിൽ പങ്കെടുത്തു.
വാർത്തകൾക്ക് 📺 പിന്നിലെ സത്യമറിയാനും വേഗത്തിൽ⌚ അറിയാനും ഞങ്ങളുടെ വാട്ട്സാപ്പ് ചാനലിൽ അംഗമാകൂ 📲
https://whatsapp.com/channel/0029VaAscUeA89MdGiBAUc26
ഇവിടെ കൊടുക്കുന്ന അഭിപ്രായങ്ങള്‍ സീ ന്യൂസ് ലൈവിന്റെത് അല്ല. അവഹേളനപരവും വ്യക്തിപരമായ അധിക്ഷേപങ്ങളും അശ്‌ളീല പദപ്രയോഗങ്ങളും ദയവായി ഒഴിവാക്കുക.