ഷാർജ: ആഫ്രിക്കക്ക് പുറത്തുളള ഏറ്റവും വലിയ സഫാരിപാർക്കായ ഷാർജ സഫാരി പാർക്ക് ഇന്ന് തുറക്കും. അല്‍ ദൈദിലാണ് കാടിന്‍റെ സ്വഭാവികത നിലനിർത്തികൊണ്ടുനിർമ്മിച്ച സഫാരി പാർക്ക് സ്ഥിതി ചെയ്യുന്നത്.
എട്ട് ചതുരശ്ര കിലോമീറ്റർ വിസ്തൃതിയുള്ള പാർക്കിൽ 120 ഇനം മൃഗങ്ങളും 100,000 ആഫ്രിക്കൻ മരങ്ങളുമുണ്ട്.
12 വയസിന് മുകളിലുളളവർക്ക് 40 ദിർഹമാണ് നിരക്ക്. മൂന്ന് മുതല്‍ 12 വയസുവരെയുളള കുട്ടികള്‍ക്ക് 15 ദിർഹത്തിന് കാഴ്ചകള്‍ ആസ്വസിക്കാം. രണ്ട് -മൂന്ന് മണിക്കൂറാണ് ടൂറിന്‍റെ ദൈർഘ്യം.
സില്‍വർ ടിക്കറ്റിന് 12 വയസിന് മുകളിലുളളവർക്ക് 120 ദിർഹവും 3 മുതല്‍ 12 വരെയുളളവർക്ക് 50 ദിർഹവുമാണ് നിരക്ക്. അഞ്ച് മുതല്‍ ആറ് വരെ മണിക്കൂറാണ് ടൂ‍ർ ദൈർഘ്യം. സീറ്റ് റിസർവ്വ് ചെയ്ത് ബസില്‍ യാത്ര ചെയ്യാം.
ഗോള്‍ഡന്‍ ടിക്കറ്റിന് 12 വയസിന് മുകളിലുളളവർക്ക് 275 ദിർഹമാണ് നിരക്ക്.
3 മുതല്‍ 12 വയസുവരെയുളള കുട്ടികള്‍ക്ക് 120 ദിർഹം നല്‍കണം. സ്വകാര്യ ഗൈഡിന്‍റെ സേവനം ലഭ്യമാകും. ആഢംബര വാഹനത്തില്‍ സഫാരിയുടെ കാഴ്ചകള്‍ ആസ്വദിക്കാം.
ഇതുകൂടാതെ 1,500 ദിർഹം നല്‍കിയാല്‍ ആറുപേർക്ക് യാത്ര ചെയ്യാവുന്ന ആഡംബര വാഹനത്തില്‍ സഫാരി കാണാം.
2,250 ദിർഹത്തിന് ഒമ്പതുപേർക്കുള്ള ആഡംബര വാഹനത്തിലും 3,500 ദിർഹത്തിന് 15 പേർക്കുള്ള ആഡംബര വാഹനത്തിലും സഫാരിയില്‍ കാഴ്ചകള്‍ ആസ്വദിക്കാം.
വാർത്തകൾക്ക് 📺 പിന്നിലെ സത്യമറിയാനും വേഗത്തിൽ⌚ അറിയാനും ഞങ്ങളുടെ വാട്ട്സാപ്പ് ചാനലിൽ അംഗമാകൂ 📲
https://whatsapp.com/channel/0029VaAscUeA89MdGiBAUc26
ഇവിടെ കൊടുക്കുന്ന അഭിപ്രായങ്ങള്‍ സീ ന്യൂസ് ലൈവിന്റെത് അല്ല. അവഹേളനപരവും വ്യക്തിപരമായ അധിക്ഷേപങ്ങളും അശ്‌ളീല പദപ്രയോഗങ്ങളും ദയവായി ഒഴിവാക്കുക.