പ്രകൃതി തന്നെ ഒരു വലിയ അത്ഭുതമാണ്. എണ്ണിയാല്‍ തീരാത്ത അത്ഭുതങ്ങളുടെ ഒരു കലവറ. പ്രകൃതിയോട് ഇണങ്ങി നിറം മാറുന്നതില്‍ വീരന്മാരാണ് ഓന്തുകള്‍. എന്നാല്‍ തടാകങ്ങള്‍ക്ക് ഓന്തിനെ പോലെ നിറം മാറാന്‍ കഴിയുമോ? എങ്കില്‍ കഴിയുമെന്ന് തെളിയിക്കുകയാണ് ഒരു തടാകം. ചൈനയില്‍ സ്ഥിതി ചെയ്യുന്ന ജിയുഷെയ്ഗോ തടാകമാണ് ഈ അപൂര്‍വ കാഴ്ച സഞ്ചാരികള്‍ക്ക് സമ്മാനിക്കുന്നത്.
യുനെസ്‌കോയുടെ പൈതൃക പട്ടികയില്‍ ഇടം പിടിച്ചിരിക്കുന്ന ഈ തടാകം പല സമയത്തും പല നിറങ്ങളിലാണ് കാണപ്പെടുന്നത്. മഞ്ഞ, പച്ച, നീല തുടങ്ങിയ നിറങ്ങളിലാണ് തടാകം പലപ്പോഴും അത്ഭുതം തീര്‍ക്കുന്നത്. ചൈനയിലെ സിഷ്യാന്‍ മേഖലയിലെ നാന്‍പിങ് ക്യാന്റോണിലാണ് തടാകം സ്ഥിതി ചെയ്യുന്നത്.
കണ്ണാടി പോലെ തിളങ്ങുന്ന അത്രമേല്‍ ശുദ്ധമായ തടാകമാണിത്. അത് കൊണ്ട് തന്നെ 16 അടി ആഴമുള്ള തടാകത്തിന്റെ അടിഭാഗം വരെ സഞ്ചാരികള്‍ക്ക് കാണാന്‍ കഴിയും. പൂക്കളാലും മരങ്ങളാലും ചുറ്റപ്പെട്ട ഈ തടാകം സഞ്ചാരികളുടെ മനം കവരും. ടിബറ്റന്‍ പീഠഭൂമിയിലുള്ള താഴ് വരയിലാണ് ഈ തടാകം ഉള്ളത്.
തടാകത്തിന്റെ ആഴം പതിനാറ് അടിയാണ്. അതിമനോഹരമായ താഴ് വരയിലെ ഈ തടാകം തേടി വര്‍ഷം തോറും നിരവധി സഞ്ചാരികള്‍ എത്താറുണ്ട്. വെള്ളത്തിലുള്ള മള്‍ട്ടി കളര്‍ ഹൈഡ്രോ ഫൈറ്റുകളാണ് വെള്ളത്തിന് പല നിറം നല്‍കുന്നതെന്നാണ് കരുതുന്നത്.
ഈ തടാകത്തിന്റെ മറ്റൊരു പ്രത്യേകതയാണ് ശൈത്യകാലത്ത് ചുറ്റുമുള്ള മരങ്ങളും പര്‍വതങ്ങളുമെല്ലാം തണുത്തുറഞ്ഞ് നിന്നാലും ഈ തടാകം ഇങ്ങനെ തന്നെ നില്‍ക്കും എന്നത്. തടാകത്തിനത്തിലെ വെള്ളം ഐസ് ആയി പോകാറില്ല. ചൂടുള്ള നീരുറവ ആയതിനാലാണ് വള്ളം ഇങ്ങനെ ഐസ് ആവാത്തത്. തടാകത്തില്‍ മള്‍ട്ടി കളര്‍ ഹൈഡ്രോ ഫൈറ്റുകള്‍ ഉള്ളതിനാലാകാം നിറം മാറാന്‍ സാധിക്കുന്നത് എന്നാണ് പറയപ്പെടുന്നത്. എന്നാല്‍ ഇതേക്കുറിച്ച് കൃത്യമായി മനസിലാക്കാന്‍ ആര്‍ക്കും സാധിച്ചിട്ടില്ല.
വാർത്തകൾക്ക് 📺 പിന്നിലെ സത്യമറിയാനും വേഗത്തിൽ⌚ അറിയാനും ഞങ്ങളുടെ വാട്ട്സാപ്പ് ചാനലിൽ അംഗമാകൂ 📲
https://whatsapp.com/channel/0029VaAscUeA89MdGiBAUc26
ഇവിടെ കൊടുക്കുന്ന അഭിപ്രായങ്ങള്‍ സീ ന്യൂസ് ലൈവിന്റെത് അല്ല. അവഹേളനപരവും വ്യക്തിപരമായ അധിക്ഷേപങ്ങളും അശ്‌ളീല പദപ്രയോഗങ്ങളും ദയവായി ഒഴിവാക്കുക.