ഇന്ത്യന്‍ ആര്‍മി റിക്രൂട്ട്മെന്റ്; 10,12 പാസായവർക്ക് അപേക്ഷിക്കാം: അവസാന തീയതി മെയ് ഒന്ന്

ഇന്ത്യന്‍ ആര്‍മി റിക്രൂട്ട്മെന്റ്; 10,12 പാസായവർക്ക് അപേക്ഷിക്കാം:  അവസാന തീയതി മെയ് ഒന്ന്

ഇന്ത്യന്‍ ആര്‍മി എച്ച്‌ക്യു 101 ഏരിയ ഷില്ലോംഗ് സിവിലിയന്‍ എംടിഎസ് (മള്‍ട്ടി ടാസ്‌കിംഗ് സ്റ്റാഫ്) മെസഞ്ചര്‍, സ്റ്റെനോ ഗ്രേഡ് 2 തസ്തികകളിലേക്കുള്ള റിക്രൂട്ട്‌മെന്റിന് അപേക്ഷ ക്ഷണിച്ചു.

തെരഞ്ഞെടുക്കപ്പെടുന്ന മള്‍ട്ടി ടാസ്കിം​ഗ് സ്റ്റാഫിന്റെ ശമ്പളം 5,200 രൂപ മുതല്‍ 20,200 രൂപ വരെയായിരിക്കും. അതേസമയം, തെരഞ്ഞെടുത്ത സ്റ്റെനോഗ്രാഫര്‍മാര്‍ക്ക് 25,500 രൂപയാണ് ശമ്പളം. 10, 12 പാസായവര്‍ക്ക് അപേക്ഷിക്കാം. അപേക്ഷിക്കാനുള്ള അവസാന തീയതി മെയ് ഒന്ന്.

എംടിഎസ് (മെസഞ്ചര്‍) തസ്തികയിലേക്ക് പത്താം ക്ലാസ് പാസായ ഉദ്യോ​ഗാര്‍ത്ഥികള്‍ക്ക് അപേക്ഷിക്കാം. സ്റ്റെനോ ഗ്രേഡ്-II - പ്ലസ് ടു പാസായ ഉദ്യോഗാര്‍ത്ഥികള്‍ക്ക് അപേക്ഷിക്കാം. റിക്രൂട്ട്‌മെന്റില്‍ പങ്കെടുക്കുന്ന ഉദ്യോഗാര്‍ത്ഥികള്‍ക്ക് 18 വയസില്‍ കുറവോ 25 വയസില്‍ കൂടുതലോ ആകാന്‍ പാടില്ല.

രേഖകളുടെ പരിശോധന, എഴുത്തു പരീക്ഷ, ക്യാരക്റ്റര്‍ വേരിഫിക്കേഷന്‍, മെഡിക്കല്‍ പരീക്ഷ, എന്നീ നടപടികള്‍ക്ക് ശേഷമായിരിക്കും നിയമനം. ഓഫ്‌ലൈനായും അപേക്ഷകള്‍ സമര്‍പ്പിക്കാം.

വിദ്യാഭ്യാസ യോഗ്യതാ സര്‍ട്ടിഫിക്കറ്റുകള്‍, ജനന സര്‍ട്ടിഫിക്കറ്റ്, റസിഡന്‍ഷ്യല്‍ സര്‍ട്ടിഫിക്കറ്റ്, ജാതി സര്‍ട്ടിഫിക്കറ്റ്, രണ്ട് പാസ്‌പോര്‍ട്ട് സൈസ് ഫോട്ടോകള്‍ എന്നിവ സഹിതം 'ദി എസ്റ്റാബ്ലിഷ്‌മെന്റ് ഓഫീസര്‍, ഹെഡ്ക്വാര്‍ട്ടേഴ്‌സ് 101 ഏരിയ, പിന്‍ -908101 സി/ഓ 99 എപിഓ', എന്ന വിലാസത്തില്‍ അപേക്ഷ സമര്‍പ്പിക്കാം.


വാർത്തകൾക്ക് 📺 പിന്നിലെ സത്യമറിയാനും വേഗത്തിൽ⌚ അറിയാനും ഞങ്ങളുടെ വാട്ട്സാപ്പ് ഗ്രൂപ്പിൽ അംഗമാകൂ 📲 https://chat.whatsapp.com/DKuga0J6tbBKmzd9l3ZZ8v

ഇവിടെ കൊടുക്കുന്ന അഭിപ്രായങ്ങള്‍ സീ ന്യൂസ് ലൈവിന്റെത് അല്ല. അവഹേളനപരവും വ്യക്തിപരമായ അധിക്ഷേപങ്ങളും അശ്‌ളീല പദപ്രയോഗങ്ങളും ദയവായി ഒഴിവാക്കുക.