റാസല്‍ ഖൈമ: മയക്കുമരുന്ന്, വേദനാജനകമായ അന്ത്യം എന്ന സന്ദേശമുയർത്തി പ്രചാരണം ആരംഭിച്ച് റാസല്‍ ഖൈമ പോലീസ്. ജനവാസ കേന്ദ്രങ്ങള്‍, ഷോപ്പിംഗ് കേന്ദ്രങ്ങള്‍, തിയറ്ററുകള്‍ വിദ്യാഭ്യാസ കേന്ദ്രങ്ങള്‍ എന്നിവിടങ്ങളിലെല്ലാം സന്ദേശങ്ങള്‍ സംപ്രേഷണം ചെയ്തു വരുന്നതായി അധികൃതർ പറഞ്ഞു.
മയക്കുമരുന്ന് ഉപയോഗത്തിന്‍റെയും ആസക്തിയുടെയും ദൂഷ്യങ്ങളും അപകടങ്ങളും ജനങ്ങളിലെത്തിക്കുകയാണ് പ്രചാരണ ലക്ഷ്യമെന്ന് റാസല്‍ഖൈമ പൊലീസ് ആന്‍റി നാർകോട്ടിക് ടെക്നിക്കല്‍ സപ്പോര്‍ട്ട് വകുപ്പ് മേധാവി ലഫ്റ്റനന്‍റ് കേണല്‍ മതാര്‍ അലി അല്‍ മതാര്‍ പറഞ്ഞു. രക്ഷിതാക്കളും കുടുംബാംഗങ്ങളും ലഹരി ഉപയോഗത്തെ കുറിച്ച് ബോധവാന്മാരാവണം. ഭാവി തലമുറയ്ക്ക് ലഹരിയില്‍ നിന്നും വിട്ടുനില്‍ക്കേണ്ടതിന്‍റെ ആവശ്യകത ബോധപ്പെടുത്തുന്നതാണ് പ്രചാരണം.
കുട്ടികളുടെ സൗഹൃദങ്ങളെ കുറിച്ചും പോകുന്ന സ്ഥലങ്ങളെ കുറിച്ചും രക്ഷിതാക്കള്‍ അറിഞ്ഞുവയ്ക്കണം. രാജ്യത്തിന്‍റെ സുരക്ഷയെ കൂടി ബാധിക്കുന്ന വിഷയമാണ് മയക്കുമരുന്ന് ഉപയോഗമെന്നും അധികൃതർ പറഞ്ഞു.
വാർത്തകൾക്ക് 📺 പിന്നിലെ സത്യമറിയാനും വേഗത്തിൽ⌚ അറിയാനും ഞങ്ങളുടെ വാട്ട്സാപ്പ് ചാനലിൽ അംഗമാകൂ 📲
https://whatsapp.com/channel/0029VaAscUeA89MdGiBAUc26
ഇവിടെ കൊടുക്കുന്ന അഭിപ്രായങ്ങള്‍ സീ ന്യൂസ് ലൈവിന്റെത് അല്ല. അവഹേളനപരവും വ്യക്തിപരമായ അധിക്ഷേപങ്ങളും അശ്‌ളീല പദപ്രയോഗങ്ങളും ദയവായി ഒഴിവാക്കുക.