ലോകകപ്പ് ലോഗോയുളള ഫാന്‍സി നമ്പർ പ്ലേറ്റ് ലേലം ഇന്ന് ആരംഭിക്കും

ദോഹ: ഫുട്ബോള്‍ ലോകകപ്പ് ലോഗോ പതിച്ച പ്രത്യേക നമ്പർ പ്ലേറ്റുകള്‍ക്കായുളള ലേലം ഇന്ന് ആരംഭിക്കും.

മെട്രാഷ് 2 ആപ്പിലൂടെയാണ് ലേലം നടക്കുകയെന്ന് ജനറല്‍ ഡയറക്ടറേറ്റ് ഓഫ് ട്രാഫിക് അറിയിച്ചു.

പ്രത്യേക നമ്പറുകള്‍ക്കായുളള 12 മത് ഇലക്ട്രോണിക് ലേലം വ്യാഴാഴ്ച ആരംഭിച്ച് ഞായറാഴ്ച അവസാനിക്കും. ഈ നമ്പർ പ്ലേറ്റുകളില്‍ ലോകകപ്പിന്‍റെ ലോഗോയും ഉണ്ടായിരിക്കും.

രണ്ട് സെക്യൂരിറ്റി ഡിപോസിറ്റുകളോടെ നമ്പർ പ്ലേറ്റുകളെ രണ്ട് വിഭാഗങ്ങളായി തിരിച്ചിട്ടുണ്ട്.
മെട്രാഷ് 2 ആപിലൂടെ നടന്ന 11 മത് ലേലം മെയ് മാസത്തില്‍ അവസാനിച്ചിരുന്നു. അന്ന് ലോകകപ്പ് ലോഗോ പതിച്ച 50 നമ്പർപ്ലേറ്റുകളാണ് ലേലത്തില്‍ വിറ്റുപോയത്.

ഇതില്‍ തന്നെ 811118 എന്ന ഫാന്‍സി നമ്പർ പ്ലേറ്റിന് ലേലത്തില്‍ 1.8 ദശലക്ഷം റിയാലാണ് ലഭിച്ചത്