അബുദാബി: അബുദാബി ക്ലീവ്ലാന്റ് ക്ലിനിക്കിന്റെ പ്രവേശന കവാടത്തിലെ കോണ്ക്രീറ്റ് തൂണില് വാഹനം ഇടിച്ച് രണ്ടു പേർ മരിച്ചു. ഒരാള്ക്ക് ഗുരുതരമായി പരുക്കേറ്റു. ബുധനാഴ്ച രാവിലെയാണ് അപകടമുണ്ടായതെന്ന് അബുദബി പോലീസിന്റെ ട്രാഫിക് ആന്റ് പട്രോള്സ് ഡയറക്ടറേറ്റ് അറിയിച്ചു.
ഡ്രൈവർക്ക് വാഹനത്തിന്റെ നിയന്ത്രണം നഷ്ടമായതാണ് അപകടത്തിന് ഇടയാക്കിയതെന്നാണ് പോലീസിന്റെ പ്രാഥമിക നിഗമനം.അപകടമുണ്ടായ ഉടനെ തന്നെ രക്ഷാപ്രവർത്തകർ സ്ഥലത്തെത്തി പരിക്കേറ്റയാളെ ആശുപത്രിയിലേക്ക് മാറ്റി. കൂടുതല് വിശദാംശങ്ങള് വെളിപ്പെടുത്തിയിട്ടില്ല.
ഔദ്യോഗിക ഉറവിടങ്ങളിൽ നിന്നുളള വാർത്തകളും വിവരങ്ങളും മാത്രം തേടണമെന്നും തെറ്റായ വിവരങ്ങൾ പ്രചരിപ്പിക്കുന്നതിൽ നിന്ന് വിട്ടുനിൽക്കണമെന്നും അധികൃതർ പൊതുജനങ്ങളോട് ആവശ്യപ്പെട്ടു.
വാർത്തകൾക്ക് 📺 പിന്നിലെ സത്യമറിയാനും വേഗത്തിൽ⌚ അറിയാനും ഞങ്ങളുടെ വാട്ട്സാപ്പ് ചാനലിൽ അംഗമാകൂ 📲
https://whatsapp.com/channel/0029VaAscUeA89MdGiBAUc26