സില്‍ഹെറ്റ്: വനിതാ ഏഷ്യാകപ്പ് കിരീടം ഇന്ത്യയ്ക്ക്. ശ്രീലങ്കയെ 8 വിക്കറ്റിന് തോൽപ്പിച്ചു. ഏഴാം ഏഷ്യ കപ്പ് കിരീടമാണ് ഇന്ത്യ സ്വന്തമാക്കിയത്. ടോസ് നേടി ബാറ്റിംഗിനിറങ്ങിയ ശ്രീലങ്ക 20 ഓവറില്‍ ഒമ്പത് വിക്കറ്റ് നഷ്ടത്തില്‍ 65 റണ്‍സാണ് നേടിയത്.
മറുപടി ബാറ്റിംഗില്‍ ഇന്ത്യ 8.3 ഓവറില്‍ രണ്ട് വിക്കറ്റ് മാത്രം നഷ്ടത്തില്‍ ലക്ഷ്യം മറികടന്നു. സമീപകാലത്തെ മിന്നും ഫോം തുടരുന്ന രേണുക സിംഗ് മൂന്ന് ഓവറില്‍ അഞ്ച് റണ്‍സ് മാത്രം വിട്ടുകൊടുത്ത് മൂന്ന് പേരെ പുറത്താക്കിയതാണ് ലങ്കയെ വിറപ്പിച്ചത്.
രാജേശ്വരി ഗെയ്‌ക്‌വാദ് 16 റണ്‍സിന് രണ്ടും സ്‌നേഹ് റാണ 13 റണ്‍സിന് രണ്ടും വിക്കറ്റ് സ്വന്തമാക്കി. കഴിഞ്ഞ മത്സരങ്ങളില്‍ തിളങ്ങിയ ദീപ്‌തി ശര്‍മ്മ നാല് ഓവറില്‍ ഏഴ് റണ്‍സ് മാത്രമേ വിട്ടുകൊടുത്തുള്ളൂ. ഹേമലത മൂന്ന് ഓവറില്‍ എട്ടും ഷെഫാലി വര്‍മ്മ രണ്ട് ഓവറില്‍ 16 ഉം റണ്‍സാണ് കൊടുത്തത്. ഇന്ത്യന്‍ ബൗളര്‍മാര്‍ കൊടുങ്കാറ്റായതോടെ ലങ്കന്‍ നിരയില്‍ ഒഷഡി രണസിംഗെ(20 പന്തില്‍ 13), ഇനോക രണവീര (22 പന്തില്‍ 18) എന്നിവര്‍ മാത്രമാണ് രണ്ടക്കം കണ്ടത്.
മറുപടി ബാറ്റിംഗില്‍ ഷെഫാലി വര്‍മ്മ എട്ട് പന്തില്‍ അഞ്ച് റണ്‍സുമായും ജെമീമ റോഡ്രിഗസ് താല് പന്തില്‍ രണ്ട് റണ്‍സെടുത്തും പുറത്തായത് മാത്രമാണ് ഇന്ത്യക്ക് തിരിച്ചടിയായത്. തകര്‍പ്പന്‍ അര്‍ധ സെഞ്ചുറി നേടിയ ഓപ്പണര്‍ സ്‌മൃതി മന്ഥാനയും(25 പന്തില്‍ 51), ക്യാപ്റ്റന്‍ ഹര്‍മന്‍പ്രീത് കൗറും(14 പന്തില്‍ 11) ഇന്ത്യ 8.3 ഓവറില്‍ ജയിപ്പിക്കുകയായിരുന്നു.
വാർത്തകൾക്ക് 📺 പിന്നിലെ സത്യമറിയാനും വേഗത്തിൽ⌚ അറിയാനും ഞങ്ങളുടെ വാട്ട്സാപ്പ് ചാനലിൽ അംഗമാകൂ 📲
https://whatsapp.com/channel/0029VaAscUeA89MdGiBAUc26
ഇവിടെ കൊടുക്കുന്ന അഭിപ്രായങ്ങള്‍ സീ ന്യൂസ് ലൈവിന്റെത് അല്ല. അവഹേളനപരവും വ്യക്തിപരമായ അധിക്ഷേപങ്ങളും അശ്‌ളീല പദപ്രയോഗങ്ങളും ദയവായി ഒഴിവാക്കുക.