കുവൈറ്റ് സിറ്റി: രണ്ട് വർഷത്തെ കോവിഡ് കാലത്തിന്റെ കാത്തിരിപ്പിനൊടുവിൽ തനിമ കുവൈത്ത് വർഷാവർഷം സംഘടിപ്പിക്കുന്ന ദേശിയ വടംവലി മത്സരത്തിന്റെ 16മത് എഡിഷനുള്ള തയ്യാറെടുപ്പുകൾ പൂർത്തിയായതായി സംഘാടകർ അറിയിച്ചു. മധ്യപൂർവേഷ്യയിലെ ഏറ്റവും വലിയ വടംവലി മത്സരത്തിന് സമ്മാനമായി മധ്യപൂർവ്വേഷ്യയിലെ തന്നെ ഏറ്റവും ഉയരം കൂടിയ ട്രോഫിയാണ് സമ്മാനിക്കുന്നത്.
ദി ടഗ്‌ ഓഫ് വാർ ഫെഡറേഷൻ ഓഫ് ഇൻറർനാഷണലിൻ്റെയും, ടഗ്‌ ഓഫ് ദി വാർ ഏഷ്യൻ ഫെഡറേഷൻ്റെയും അംഗീകാരത്തോടെ കുവൈത്ത് ഇന്ത്യൻ സ്കൂളിൽ 2022 ഒക്ടോബർ 28നു ഉച്ചക്ക് 2 മണി മുതൽ ആരംഭിക്കുന്ന സാൻസിലിയ എവർറോളിംഗ്‌ സ്വർണ്ണക്കപ്പിനും ക്യാഷ് അവാർഡിനും വേണ്ടി 18 ഓളം ടീമുകൾ തമ്മിലുള്ള വാശിയേറിയ 16ആമത്‌ ദേശീയ വടംവലി മത്സരം നടക്കുന്നത്. രണ്ട്, മൂന്ന്, നാല് സ്ഥാനങ്ങൾ കരസ്ഥമാക്കുന്നവർക്ക് യഥാക്രമം ബ്ലൂലൈൻ, നെസ്റ്റ് & മിസ്റ്റ്, ലൈഫ് ഫിറ്റ്നസ്സ് എവർ റോളംഗ് ട്രോഫികളും മെഡലുകളും ക്യാഷ് അവാർഡുകളും നൽകി ആദരിക്കും.
കുവൈത്ത് ഇന്ത്യൻ സ്കൂളിന്റെ ഫ്ലഡ്‌ ലൈറ്റ്‌ ഓപ്പൺ എയർ ഓഡിറ്റോറിയത്തിൽ വർണ്ണപകിട്ടാർന്ന ഘോഷയാത്രയോടെ ആരംഭിക്കുന്ന പരിപാടിയിൽ കുട്ടനാട് എം എൽ എ തോമസ്സ് കെ തോമസ് മുഖ്യപ്രഭാഷണം നടത്തും. ഭൂട്ടാൻ അംബാസഡർ ചിറ്റെം ടെൻസിൻ ഉദ്ഘാടനം ചെയ്യുന്ന ചടങ്ങിൽ ഇന്ത്യൻ എംബസി ഫസ്റ്റ് സെക്രട്ടറി വിനോദ് ഗെയ്ക്ക്‌വാദ് സംബന്ധിക്കും.
ഈ കാലയളവിൽ പ്രവാസി സമൂഹത്തിൽ നിന്നും പിരിഞ്ഞ പോയ ജീവിതങ്ങളുടെ ഓർമയ്ക്കായി സ്‌മൃതിപൂജയും തുടർന്ന് 25 ഇന്ത്യൻ സ്‌കൂളുകളിൽ നിന്നും കൃത്യമായ മാനദണ്ഡങ്ങളിലൂടെ തിരഞ്ഞെടുക്കുക്കപ്പെട്ട അക്കാദമിക് - കലാ- സാഹിത്യ ഇതരതലങ്ങളിൽ കഴിവ്‌ തെളിയിച്ച 25 വിദ്യാർത്ഥികൾക്ക്‌ എപിജെ അബ്ദുൽ കലാം പേൾ ഓഫ് സ്കൂൾ അവാർഡുകളും വിതരണം ചെയ്യും. കാണികൾക്കായി മഴവിൽ മനോരമ ജൂനിയർ സൂപ്പർ 4 റിയാലിറ്റി ഷോ വിന്നർ കുമാരി റൂത്ത് ആൻ ടോബി നയിക്കുന്ന മനംകുളിർക്കും ഗാനമേളയും, വ്യത്യസ്ത ഫുഡ് സ്റ്റാൾ സൗകര്യങ്ങളും, കുടുംബങ്ങൾക്ക് പ്രത്യേകം ഇരിപ്പിടങ്ങളും ഉണ്ടായിരിക്കുമെന്നും ഭാരവാഹികൾ അറിയിച്ചു.
പത്രസമ്മേളനത്തിൽ ഓണത്തനിമ ജോയിന്റ്‌ കൺവീനർ വിനോദ്, പേൾ ഓഫ് ദി സ്കൂൾ കൺവീനർ ദീലീപ്‌ ഡികെ, ഓണത്തനിമ കൺവീനർ ജോജിമോൻ, തനിമ ജനറൽ കൺവീനർ ബാബുജി ബത്തേരി, പ്രോഗ്രാം കൺവീനർ ബിനോയ്‌, പൊസ്സഷൻ കൺവീനർ അഷറഫ്‌ ചൂരൂട്ട്‌, ജോയിന്റ്‌ കൺവീനർ ഉഷ ദിലീപ്‌ എന്നിവർ കാര്യപരിപാടികൾ വിശദീകരിച്ചു. റിസപ്ഷൻ കൺവീനർ ഹബിബ്‌ മുറ്റിചൂർ, മീഡിയ കൺവീനർ മുബാറക്ക്‌ കാമ്പ്രത്ത്‌, ഫൂഡ്‌കൺവീനർ റുഹൈൽ, സ്പോർട്ട്സ്‌ കൺവീനർ ജിൻസ്‌, കൾച്ചറൽ കൺവീനർ ഷൈജു പള്ളിപ്പുറം, സ്പൊർട്ട്സ് ജോയിന്റ്‌ കൺവീനർ ജിനു, ഫെസിലിറ്റി മാനേജ്‌മന്റ്‌ റാണ, പ്രെസെന്റ്രെഷൻ കൺവീനർ ജിനോ എന്നിവരും സന്നിഹിതരായിരുന്നു.
കുവൈത്തിൽ നിന്നും ദേശീയ അന്തർദ്ദേശിയ തലത്തിലേക്ക്‌ ഔദ്യോഗികമായ്‌ തന്നെ കുവൈത്തിലെ വടംവലിക്കാരായ ഇന്ത്യക്കാർക്ക്‌ അവസരം ലഭ്യമാക്കാനുള്ള സാധ്യതകൾ തനിമയുടെ മുഖ്യപരിഗണനയിലാണെന്നും അതിനായ്‌ ഔദ്യോഗികതലത്തിൽ പരിശ്രമങ്ങൾ നടക്കുന്നുണ്ടെന്നും, തനിമയുടെ ഭാരവാഹികൾ അറിയിച്ചു.
വാർത്തകൾക്ക് 📺 പിന്നിലെ സത്യമറിയാനും വേഗത്തിൽ⌚ അറിയാനും ഞങ്ങളുടെ വാട്ട്സാപ്പ് ചാനലിൽ അംഗമാകൂ 📲
https://whatsapp.com/channel/0029VaAscUeA89MdGiBAUc26
ഇവിടെ കൊടുക്കുന്ന അഭിപ്രായങ്ങള്‍ സീ ന്യൂസ് ലൈവിന്റെത് അല്ല. അവഹേളനപരവും വ്യക്തിപരമായ അധിക്ഷേപങ്ങളും അശ്‌ളീല പദപ്രയോഗങ്ങളും ദയവായി ഒഴിവാക്കുക.