കോഴിക്കോടന്‍ ഹല്‍വയേക്കാള്‍ മധുരം: കൗമാര കലാമേളയ്ക്ക് ഇന്ന് അരങ്ങുണരും.

കോഴിക്കോട്: സാ​മൂ​തി​രി​യു​ടെ മ​ണ്ണി​ൽ ക​ലാ​മാ​മാ​ങ്ക​ത്തി​ന് ഇന്ന് അരങ്ങുണരും. കോഴിക്കോട് വെസ്റ്റ്ഹില്ലിലെ പ്രധാന വേദിയിൽ രാവിലെ 10 ന് മുഖ്യമന്ത്രി പിണറായി വിജയൻ ഉദ്ഘാടനം നിർവഹിക്കുന്നത്തോടെയാണ് അഞ്ചുനാൾ നീണ്ടു നിൽക്കുന്ന സ്കൂൾ കലോത്സവത്തിന് തുടക്കമിടുക. 24 വേദികളിലായാണ് മത്സരങ്ങൾ. 

14000 മത്സരാർഥികളാണ് വിവിധ ഇനങ്ങളിലായി മാറ്റുരയ്ക്കുന്നത്. പാലക്കാട് നിന്നെത്തിച്ച കലാ കിരീടം ഇന്നലെ ജില്ലാഅതിർത്തിയിൽ നിന്ന് ഏറ്റുവാങ്ങി വർണാഭമായ ഘോഷയാത്രയോട്കൂടി കലോത്സവ നഗരിയിലെത്തിച്ചിരുന്നു.

കോ​വി​ഡ് മ​ഹാ​മാ​രി കെ​ട്ടി​പ്പൂ​ട്ടി​യ ര​ണ്ടു വ​ർ​ഷ​ത്തി​ന്റെ ഇ​ട​വേ​ള​ക്കു ശേ​ഷം അ​ര​ങ്ങു​ണ​രു​ന്ന കലോത്സവമായതിനാൽ വൻ ജനപങ്കാളിത്തമാണ് പ്രതീക്ഷിക്കുന്നത്. വി​ദ്യാ​ഭ്യാ​സ മ​ന്ത്രി വി. ​ശി​വ​ൻ​കു​ട്ടി​യു​ടെ​യും മ​​​ന്ത്രി പി.​എ. മു​ഹ​മ്മ​ദ് റി​യാ​സി​ന്റെ​യും നേ​തൃ​ത്വ​ത്തി​ൽ മ​ന്ത്രി​മാ​രും ഉ​ദ്യോ​ഗ​സ്ഥ​രും അ​ധ്യാ​പ​ക​രും നാ​ട്ടു​കാ​രും സ​ന്ന​ദ്ധ​സം​ഘ​ട​ന​ക​ളും വി​ദ്യാ​ർ​ഥി​ക​ളു​മെ​ല്ലാം ചേ​ർ​ന്ന കൂ​ട്ടാ​യ്മ​യി​ൽ വ​ൻ ആ​ഘോ​ഷ​മാ​ക്കാ​നാ​ണ് കോ​ഴി​ക്കോ​ട് ഒ​രു​ങ്ങി​യി​രി​ക്കു​ന്ന​ത്. ഏ​ഴു വ​ർ​ഷ​ത്തി​നു ശേ​ഷ​മാ​ണ് ​കോ​ഴി​ക്കോ​ട് ക​ലോ​ത്സ​വ​ത്തി​ന് വേ​ദി​യാ​കു​ന്ന​ത്.