ഇൻ-ഫ്ലൈറ്റ് സേവനങ്ങളെ പിന്തുണയ്ക്കുന്ന എയർലൈനുകളുടെ പട്ടികയുമായി റിലയൻസ് ജിയോ

ജിയോ പോസ്റ്റ് പെയിഡ് ഉപയോക്താക്കൾക്കായി ഫ്ളൈറ്റിനുള്ളിലെ ഫോൺസേവനങ്ങളെ പിന്തുണയ്ക്കുന്ന എയർലൈനുകളുടെ പട്ടിക റിലയൻസ് ജിയോ വെളിപ്പെടുത്തുന്നു.പട്ടികയിൽ 22 എയർലൈനുകളുടെ പേരുകൾ അടങ്ങിയിരിക്കുന്നു.

ഈ പുതിയ സേവനങ്ങൾക്ക് കീഴിൽ കമ്പനി നിലവിൽ മൂന്ന് പ്ലാനുകൾ വാഗ്ദാനം ചെയ്യുന്നു. മൂന്ന് പ്ലാനുകൾക്കും 24 മണിക്കൂർ സാധുത നൽകുന്നു, എന്നാൽ സേവനങ്ങളുടെ വ്യാപ്തി എയർലൈൻ കാരിയറിനെ ആശ്രയിച്ചിരിക്കും. 

250MB ഡാറ്റ, 100 മിനിറ്റ് ഔട്ട്‌ഗോയിംഗ് കോളുകൾ, 100 SMS എന്നിവ നൽകുന്ന ₹499 അടിസ്ഥാന പ്ലാൻ. 

രണ്ടാമത്തെ പ്ലാനിന് ₹699 വിലയുണ്ട്, കൂടാതെ 500MB ഡാറ്റയും 100 മിനിറ്റ് ഔട്ട്‌ഗോയിംഗ് കോളുകളും 100 SMS ഉം നൽകുന്നു. 

ഏറ്റവും ചെലവേറിയ പ്ലാനിന്റെ വില ₹999 ആണ്, ഇത് ഉപയോക്താവിന് 1 ജിബി ഡാറ്റയും 100 മിനിറ്റ് ഔട്ട് ഗോയിംഗ് കോളുകളും 100 എസ്എംഎസും നൽകുന്നു. 

ജിയോ പോസ്റ്റ് പെയിഡ് പ്ലസ് ഉപയോക്താക്കൾക്കായി ഇന്ത്യയിലെ ആദ്യത്തെ ഇൻ-ഫ്ലൈറ്റ് സേവനങ്ങൾ ആരംഭിക്കുന്നതിന് ജിയോയും , പാനസോണിക് ഏവിയോണിക്സ് കോർപ്പറേഷൻറെ അനുബന്ധ കമ്പനിയായ എയ്‌റോ മൊബൈലും പങ്കാളികളായി. 

ജിയോയുടെ ഇൻ-ഫ്ലൈറ്റ് സേവനം വിദേശ യാത്ര ചെയ്യുന്ന ഇന്ത്യൻ യാത്രക്കാരെ ഒരു വിമാനത്തിൽ വോയ്‌സ്, ഡാറ്റ സേവനങ്ങളുമായി ബന്ധം നിലനിർത്താൻ അനുവദിക്കും.

നിലവിൽ, ഇന്ത്യക്കാർ വിദേശയാത്ര നടത്തുമ്പോൾ മാത്രമേ ഈ ഇൻ-ഫ്ലൈറ്റ് സേവനങ്ങൾ ലഭ്യമാകുകയുള്ളൂ . ഇന്ത്യൻ വ്യോമാതിർത്തിയിൽ സേവനങ്ങൾ ലഭ്യമായിക്കഴിഞ്ഞാൽ, എല്ലാ ജിയോ ഉപഭോക്താക്കൾക്കും ആദ്യം അവയിലേക്ക് പ്രവേശനം ലഭിക്കുമെന്നു കമ്പനി അവകാശപ്പെടുന്നു.  (രാജേഷ് കൂത്രപ്പള്ളി )